ମୁଁ ଗୋଟିଏ ଦୀର୍ଘ ନିଃଶ୍ୱାସ ନେଲି । ସେ ଅଫିସର ମିହିର ପାଖକୁ ଆସିଲା । ଆମ ଦୁହିଁକୁ ଡାକି ଆଶୀର୍ବାଦ ଦେଲେ। ସମସ୍ତେ ଆଶ୍ଚର୍ଯ୍ୟ ଥିଲେ ଏବଂ ଆମ ହାତରେ କିଛି ଟଙ୍କା ଦେଇ କହିଲେ ତମେ ଯଦି ଏତିକି ଅଭିନୟ କରି ନଥାନ୍ତ, ତେବେ ମୋ ଝିଅ କେବେ ବୁଝି ନଥାନ୍ତା।

ମିହିର ସହିତ ଆମେ ପୁଣି ଆଶ୍ଚର୍ଯ୍ୟ ରେ ଚାହିଁ ରହିଲୁ। ମନେ ମନେ ଭାବିଲୁ ସେ ଅଫିସର କେମିତି ଜାଣିଲା? ପରେ ସେ ଅଫିସର କହିଲା । ମୁଁ ସବୁ ଜାଣି ସାରିଛି ତୁମର ବିବାହ ହୋଇ ନାହିଁ ଏବଂ ତମେ ଆଗକୁ ବିବାହ କରିବାକୁ ଯାଉଛ । ମିହିର ଚୁପ୍ ରହିଲା ଏବଂ ସେ ପ୍ରଶ୍ନ କରିଲା ଆପଣ କେମିତି ଜାଣିଲେ ? ସେ ଅଫିସର କହିଲେ ମୁଁ ଗତ ୧୨ ବର୍ଷ ହେଲା ପିଲା ମାନଙ୍କୁ ଟ୍ରେନିଂ ଦେଇ ଆସୁଛି ।

ମୁଁ ମଧ୍ୟ ଓଡ଼ିଆ ଭାଷା ବୁଝେ, ମାତ୍ର କହି ପାରେନା । ମୋ ଝିଅ ର ଜିଦ୍ ପାଇଁ ତୁମକୁ ବହୁତ୍ ଅସୁବିଧା ର ସମ୍ମୁଖୀନ ହେବାକୁ ପଡ଼ିଲା । ତା ପାଇଁ ମୁଁ ତୁମକୁ କ୍ଷମା ମାଗୁଛି । ତମେ କରିଥିବା ନାଟକ ଯେମିତି ସତ ଲାଗିଲା । ମୋ ଝିଅ ଗୋଟିଏ ମାନସିକ ରୋଗୀ ସେ ବେଳେବେଳେ ଏମିତି ହୁଏ ।

କିନ୍ତୁ ଆଜି କିଛି ଅଧିକା ହୋଇଗଲା ଏବଂ ବର୍ତ୍ତମାନ ସେ ବୁଝି ଯାଇଛି ଆଉ କେବେ ଆସିବ ନାହିଁ । ତମେ ଶୀଘ୍ର ବିବାହ କରି ନିଅ। ଏବଂ ନିଜ ବୈବାହିକ ଜୀବନରେ ଖୁସିରେ ରୁହ କହି ସେ ଅଫିସର ନିଜ ଝିଅକୁ ସାଥିରେ ନେଇ ଫେରିଗଲେ।

କିଛି ଘଣ୍ଟା ପୂର୍ବରୁ ଘର ର ସମସ୍ତ ସଦସ୍ୟ ଙ୍କ ମୁହଁରୁ ଯେମିତି ହସ ଉଭେଇ ଯାଇଥିଲା କିନ୍ତୁ ବର୍ତ୍ତମାନ ସମସ୍ତଙ୍କ ହସ ଫେରି ଆସିଛି। ମିହିର ର ମିଛରେ ଯେମିତି ସ୍ତ୍ରୀ ପ୍ରତି ଭଲ ପାଇବା ସେଦିନ ଦେଖା ଦେଇଥିଲା। ଏହି ନାଟ୍ୟ ରୂପାନ୍ତର ରେ ସମସ୍ତେ ଭାଗ ନେଇଥିଲେ । ସମସ୍ତେ ହସିବାକୁ ଲାଗିଲେ ।

ମୋତେ ମିହିର ର ପରିବାର ବୋହୂ ବେଶରେ ଦେଖି ବହୁତ୍ ଖୁସି ହେଲେ। ଦିଦି ମୋତେ ନେଇ ତାଙ୍କ ଘର ସାରା ବୁଲେଇ ଦେଖାଇଲେ ଏବଂ ମା ଖୁସି ହୋଇ କହିଲେ ତୁ ଆସିଲା ପରେ ହିଁ ଏହି ସମସ୍ୟା ସମାଧାନ ହେଲା। ଲାଗୁଛି ତୁ ଆସିବା ପରେ ଆମ ଘରେ ନୂଆ ନିୟମ ଆରମ୍ଭ ହେବ ଏବଂ ସେ ନିୟମ ତୁ ଗଠନ କରିବୁ ।

ବାପା ଏବଂ ମୋର ଶଶୁର ଦୁହେଁ ବହୁତ୍ କଥା ହେଲେ । ଦିଦି ମୋତେ ନେଇ ମିହିର ର ରୁମ୍ ରେ ବସେଇ କହିଲେ ତୁ ଏଠି ବସ୍ । ତମ ପାଇଁ କିଛି ଖାଇବା ନେଇ ଆସୁଛି । ଦିଦି ଚାଲିଗଲେ ଏବଂ ମିହିର ରୁମ୍ ଭିତରକୁ ପଶି ଆସି ଏବଂ କବାଟ ବନ୍ଦ କରିଦେଲା। କବାଟ ବନ୍ଦ କରିବାର ଦେଖି ମୁଁ କହିଲି କବାଟ କାହିଁକି ବନ୍ଦ କରୁଛ ?

ମିହିର ପାଟି ଚୁପ୍ ର ଇଶାରା ଦେଇ ମୋ ପାଖକୁ ଆସି ମୋତେ କୁଂଢ଼େଇ ନେଲା। ମୁଁ ବହୁତ୍ ଖୁସି ହେଲି । ଆଜି ପ୍ରଥମ ଥର ପାଇଁ ମିହିର ମୋତେ ହଗ୍ କରିଲା। ତାର କାରଣ ପଚାରିବା ପରେ ମିହିର କହିଲା , ସେ ଝିଅ ଆସିଲା ପରେ ମୁଁ ଯେମିତି ବାଟବଣା ହୋଇଗଲି।

କଣ କରିବି ଭାବି, ଏମିତି କହିଦେଲି କିନ୍ତୁ ତମେ ଆଜି ସତରେ ମୋ ସ୍ତ୍ରୀ ର କାର୍ଯ ଭାର ଉଠେଇଛ । ଆମ ଘର ର ବୋହୂ ପରି ଲାଗୁଛ ସେହି ଖୁସିରେ ତମକୁ ଏ ହଗ୍ ଟିଏ ମିଳିଲା । ତାପରେ ମୁଁ ଯାଇ କବାଟ ଖୋଲି ଆସିଲି। କହିଲି ଦିଦି ଆସିଯିବେ । ମିହିର କହିଲା , ସେ ଆସିବ ନାହିଁ , ସେ ମୋତେ ଏଠି ଜାଣି ଶୁଣି ପଠେଇଛି ।

ମିହିର ସତରେ ବହୁତ୍ ଡରି ଯାଇଥିଲା । ଏମିତି ଘଟଣା ହେବ ବୋଲି ସେ ମଧ୍ୟ ଭାବି ନଥିଲା । ସେ କହିଲା , ମୋତେ ଯେମିତି ଅନୁଭବ ହେଉଥାଏ ମୋ ଠାରୁ ମୋ ବାୟାଣୀ କୁ କିଏ ଦୂରେଇବା ପାଇଁ ଆସିଯାଇଛି କିନ୍ତୁ ମିହିର ର ଆଇଡିଆ କାମ କରିଲା । ମିହିର ଆଉ ମୁଁ ଅଳ୍ପ ସମୟ ବସି କଥା ହେଲୁ।

ବାପା ମୋତେ ଡାକ ଦେଲେ , ଝିଅ ଯିବା ଆସ । ମୋ ଶଶୁର ମାନେ ମିହିର ର ବାପା କହିଲେ , ଝିଅ କୁ କାହିଁକି ନେଇ ଯାଉଛନ୍ତି ତାକୁ ଏଠି ଛାଡ଼ି ଚାଲି ଯାଆନ୍ତୁ । ସେ ଏହି ଘରକୁ ବୋହୂ ବେଶରେ ଆସିଯାଇଛି । ଆମକୁ ଆଉ କିଛି ଦରକାର ନାହିଁ ସେତିକିବେଳେ ମିହିର ମଧ୍ୟ କହି ଉଠିଲା , ହଁ ବାପା ଅନୁ ଏଠି ରହିଯାଉ ।

ମୋ ବାପା ଏବଂ ସମସ୍ତେ ମିଶି ହସିଲୁ । ବାପା କହିଲେ ମୁଁ ମୋ ସୁନା ନାକି ଝିଅ କୁ ମୋ ପୁଅ ମିହିର ହାତରେ ଦେବୀ କିନ୍ତୁ ଧୁମ୍ ଧାମରେ ବିବାହ ଉତ୍ସବ କରି ମିହିର ହାତରେ ଦେବୀ ଆଉ କିଛି ଦିନ ଅପେକ୍ଷା କରନ୍ତୁ। ତାପରେ ଆମେ ଦୁହେଁ ଫେରିଗଲୁ ଆମ ଘରକୁ। ଆମ ଘରେ ମଧ୍ୟ ସେ ଘଟଣା ଶୁଣି ବହୁତ୍ ହସିଲେ ।

ଠିକ୍ ଚାରି ଦିନ ପରେ ଏଙ୍ଗେଜମେଣ୍ଟ ହେଲା ଏବଂ ବାହା ଘର ତିଥି ପାଇଁ ଯୋଗ ବାହାର କରା ଗଲା କିନ୍ତୁ ଇତି ମଧ୍ୟରେ ଦିଦି ଙ୍କ ପାଇଁ ମଧ୍ୟ ପ୍ରସ୍ତାବ ଆସି ଠିକ୍ ହେଲା ଏବଂ ତାଙ୍କର ମଧ୍ୟ ମୋ ଏଙ୍ଗେଜମେଣ୍ଟ ହେବାର ୫ ଦିନ ପରେ ହେଲା । ଠିକ୍ ଚାରି ମାସ ପରେ ମିହିର କହିଲା ଦିଦି ର ବାହାଘର ଆମ ବାହାଘର ର ୫ ଦିନ ପୂର୍ବରୁ ହେଲା ଏବଂ ପରେ ଆମ ବାହାଘର ଧୁମ୍ ଧାମ ରେ ହେଲା ।

ବାହାଘର ପରେ ମୋର ସବୁ ଆଶା ପୂରଣ ହୋଇଗଲା । ମୋ ରାଜକୁମାର ମୋତେ ମିଳିଗଲା ଏବଂ ଆମ ପ୍ରେମ ଏକ ନୂଆ ଇତିହାସ ସୃଷ୍ଟି କରିଗଲା । ବହୁ ସମସ୍ୟା ଦେଇ ଗତି କରିବା ପରେ ଆମର ବିବାହ ସମ୍ପନ୍ନ ହେଲା ।

ଜାଣିଛନ୍ତି ଏଙ୍ଗେଜମେଣ୍ଟ ପରେ ମିହିର ପ୍ରତ୍ୟେକ ଦିନ ମୋତେ ଦେଖା କରିବାକୁ ଆସେ ଏବଂ ଆମେ ନୂଆ ନୂଆ ସ୍ଥାନ କୁ ବୁଲିବାକୁ ଯାଉ । କିଛି ଦିନ ପରେ ସେ ଛୁଟି ଚାଲିଗଲା। ପୁଣି ଆସିଲା ପରେ ସେମିତି ବୁଲାବୁଲି । ଏମିତି କି ବାହାଘର ଦିନ ପର୍ଯ୍ୟନ୍ତ ବୁଲାବୁଲି ପ୍ରତିଦିନ ଦେଖା ସାକ୍ଷାତ ହେଉଥିଲା ।

ମିହିର ମୋତେ ପବିତ୍ରତା ରୂପରେ ଗ୍ରହଣ କରି ଖୁସି ଅନୁଭବ କରିବା ପରେ ମୋତେ ମଧ୍ୟ ଅନୁଭବ ହେଲା ଯେ ସମ୍ପର୍କ ରେ ପବିତ୍ରତା ରହିବା ଦରକାର ଯେଉଁ ସମୟରେ ଯାହା ଦରକାର ଏବଂ କଣ କରିବା ଉପଯୋଗୀ ତାହା ମୋତେ ମିହିର ସବୁବେଳେ ବୁଝାଏ ଏବଂ ସମୟ ସମୟରେ ମୋ ମନ ପସନ୍ଦ ର ଜିନିଷ ଉପଲବ୍ଧ କରେଇ ଥାଏ।

ସେ ମୋର ସବୁ ଆଶା ପୂରଣ କରୁଥାଏ । ଯେବେ ଯାହା ଦରକାର ତାହା କିଛି ସମୟ ଭିତରେ ମୋ ପାଖରେ ପହଞ୍ଚି ଯାଉଥିଲା । ଆମର ସାଂସାରିକ ଜୀବନ ଏତେ ଉଜ୍ଜଳ ମୟ ହେବ ବୋଲି ମୁଁ କେବେ ମଧ୍ୟ ଭାବି ନଥିଲି।

ଆଜି ମୁଁ ମିହିର ବୋଲି ଡାକେ ନାହିଁ କାରଣ ଭାରତୀୟ ସଂସ୍କାର ଅନୁସାରେ ସ୍ବାମୀ ଙ୍କ ନାମ ସ୍ତ୍ରୀ ତାର ମୁଖରେ ନିଏ ତେବେ ତାକୁ ପାପ ଲାଗିଥାଏ । ମୁଁ ତାଙ୍କୁ ଗେଲରେ ଭୋଳା ବାବା, ତ କେବେ ‘ଗେଲୁ‘ ତ ଆଉ କେବେ ‘ଧନ‘ ବୋଲି ଡାକେ ।

ମିହିର ମୋତେ କହି ମୋର ମନ କାହିଁକି ଦୁଃଖ କରିବ ଭାବି ସେ ମୋତେ ଏ ଝିଅ କଥା କହି ନଥିଲା। ତାପର ଠାରୁ ମିହିର ସେ ଅଫିସର୍ ଘରକୁ ସାହାଯ୍ୟ କରିବାକୁ ଯାଉ ନଥାଏ । ଯଦି କେବେ ମିହିର କୁ ସାହାଯ୍ୟ ପାଇଁ ନାମ ଦିଆଯାଏ ତେବେ ସେ ଅନୁରୋଧ କରି ନାମ କାଟି ଅନ୍ୟ କାହାର ନାମ କହିଦିଏ।

ମିହିର ଛୁଟି ଆସିବା ପରେ ସେ ଝିଅ ତା ବାପାଙ୍କୁ ମିହିର ର ଘର ଠିକଣା ମାଗି ସେ ପହଞ୍ଚି ଯାଇଛି ମିହିର ଘରେ । ସେ ଝିଅ କୁ ଖୋଜି ଖୋଜି ତାଙ୍କ ବାପା ମଧ୍ୟ ସେଠୀ ପହଞ୍ଚି ଯାଇଛନ୍ତି । ସେ ଅଫିସର ଙ୍କ କହିବା ଅନୁସାରେ। ସେ ତାଙ୍କ ଝିଅ କୁ ବହୁତ୍ ମନା କରିବା ପରେ ମଧ୍ୟ ସେ ନିଜ ଜିଦ୍ ରେ ଅଟଳ ରହି ଘରୁ ଲୁଚି ଏଠି ଚାଲି ଆସିଛି ।

ମିହିର ଘରେ ପହଞ୍ଚିବା ପରେ ମିହିର ଚିନ୍ତା ରେ ପଡ଼ିଗଲା । ସେ ଝିଅ ମିହିର ର ମା କୁ ଯାଇ କୁଣ୍ଢେଇ ଧରିଲା କହିଲା ମୁଁ ଏଠି ରହିବି ଏବଂ ମିହିର କୁ ମୁଁ ବିବାହ କରିବି। ମିହିର ତାଙ୍କ ଅଫିସର କୁ କହିଲା, ସାର୍ ଆପଣ ତ ଜାଣିଛନ୍ତି ଏଥିରେ ମୋର କିଛି ଭୁଲ ନାହିଁ।

ସେ ଅଫିସର୍ କହିଲା ମୁଁ ତୁମକୁ ଖରାପ ଭାବି ତୁମକୁ ଅପମାନ କରିଥିଲି କିନ୍ତୁ ପ୍ରକୃତରେ ମୋ ଝିଅ ର ଭୁଲ ଥିଲା । ମିହିର ଚୁପ୍ ରହିଲା ଏବଂ ସେ ଅଫିସର କହିଲେ , ମୁଁ ସବୁ ଜାଣିଚି କିନ୍ତୁ ମୋ ଝିଅ ର ଜିଦ୍ ଆଗରେ ମୁଁ ହାରି ଯାଇଛି । ମୁଁ ମନା କରିବା ପରେ ସେ ଦୁଇ ଥର ନିଜ ହାତ କାଟି ସାରିଲାଣି ଏବଂ ଥରେ ବିଷ ପିଇ ଆତ୍ମହତ୍ୟା କରିବାକୁ ଉଦ୍ୟମ କରି ସାରିଛି।

ମୁଁ ଭଲ ଭାବରେ ଜାଣିଛି ତମେ ତାକୁ ପସନ୍ଦ କରୁନ କିନ୍ତୁ ସେ ତୁମକୁ ପସନ୍ଦ କରିବାରେ ଲାଗିଛି । ସେ କହୁଛି ଯଦି ମିହିର କୁ ପାଇବ ନାହିଁ ତେବେ ସେ ଆତ୍ମହତ୍ୟା କରିବ । ମିହିର ପଚାରିଲା, ଏଥିରେ ମୁଁ କଣ କରିବି । ସେ ଅଫିସର୍ କହିଲା ମୁଁ ନିରୁପାୟ ହୋଇ ଗଲିଣି । ଏବେ ଯାହା କରିବାର ଅଛି ତମେ ନିଷ୍ପତି ନିଅ । ତମେ ଯଦି ମୋ ଝିଅ କୁ ଗ୍ରହଣ କରିବ ତେବେ ମୁଁ ତୁମ ଦୁହିଁଙ୍କୁ ବିବାହ କରିଦେବି।

କେବଳ ତୁମର ମତ ଜାଣିବାକୁ ଚାହୁଁଛି। ମିହିର ଅଳ୍ପ ସମୟ ଭାବି କହିଲା ସାହେବ୍ ମୁଁ ବିବାହିତା !!! ଏତକ କଥା ଶୁଣି ଘରର ସମସ୍ତେ ଆଶ୍ଚର୍ଯ୍ୟ ଏବଂ ସେ ଝିଅ ସମେତ ସେ ଅଫିସର୍ ମଧ୍ୟ ଆଶ୍ଚର୍ଯ୍ୟ ରେ ଚାହିଁ ରହିଲେ। ସେ ଅଫିସର୍ କହିଲା ଆପଣ ତ ଅବିବାହିତ ପୁଣି ଏବେ ଏମିତି କଣ କହୁଛ?

ମିହିର କହିଲା ମୋ ସ୍ତ୍ରୀ ବର୍ତ୍ତମାନ ନିଜ ଘରକୁ ବୁଲିବାକୁ ଯାଇଛି। ଆପଣ ନିଜ ଆଖିରେ ଦେଖିଲେ ଆପଣ ଜାଣି ପାରିବେ ଏବଂ କହିଲା ଆପଣ କିଛି ସମୟ ଅପେକ୍ଷା କରନ୍ତୁ । ମୁଁ ତାଙ୍କୁ ଡାକି ଆଣୁଛି ।

ତାପରେ ମିହିର ମୋତେ ଫୋନ୍ କରି ଡାକିଲା, ଏବଂ କହିଲା ଘରକୁ ଆସି ପାରିବ କି । ମୁଁ ପଚାରିଲି କଣ ପାଇଁ? ମିହିର କହିଲା ତମେ ଏଠି ଶୀଘ୍ର ଆସ, ସବୁ ପ୍ରଶ୍ନ ର ଉତ୍ତର ଏଠି ମିଳିଯିବ । ତୁମେ ବାପା ଙ୍କୁ ସାଙ୍ଗରେ ନେଇ ଆସ ଏବଂ ମଥାରେ ଅଳ୍ପ ସିନ୍ଦୁର ଲଗେଇ ଶାଢ଼ୀ ପିନ୍ଧି ବୋହୂ ବେଶରେ ଆସିଥିବ। କାରଣ ମୁଁ ବଡ ଅସୁବିଧା ରେ ପଡ଼ି ଯାଇଛି ।

ଏମିତି ଶୁଣି ମୁଁ ଅଳ୍ପ ଦ୍ଵନ୍ଦ ରେ ପଡିଲି କିନ୍ତୁ ମିହିର ଏମିତି କହିଛି ବୋଲି ମୁଁ ବିଳମ୍ବ ନ କରି କହିଥିବା ଅନୁସାରେ ବାପା ଙ୍କୁ ନେଇ ସେଠୀ ପହଞ୍ଚିଲି। ସେପଟେ ମିହିର ମଧ୍ୟ ନିଜ ଘରେ ସମସ୍ତଙ୍କୁ ବୁଝେଇ କହିଥିଲା ।

ସେଠି ପହଞ୍ଚି ଦେଖିଲି ସେ ଝିଅ ମିହିର ଙ୍କ ମା କୋଳରେ ଶୋଇଛି ଏବଂ ଜିନ୍ସ ସହିତ ସାର୍ଟ ଟିଏ ପିନ୍ଧିଛି , ଲାଗୁଥିଲା ଚୁଟି କୁ ବହୁତ୍ ଦିନ ହେଲା ବାନ୍ଧି ନାହିଁ । ମୁଁ ପହଞ୍ଚି ସମସ୍ତଙ୍କୁ ମୁଣ୍ଡିଆ ମାରି ଘର ଭିତରକୁ ଗଲି। ସେ ଝିଅ ଉଠି ପଡ଼ି ମୋତେ ବାରମ୍ବାର ବୁଲି ଚାହୁଁଥାଏ।

ସେତେବେଳେ ମିହିର ହିନ୍ଦୀ ରେ କହୁଥାଏ ବାକି ସମସ୍ତେ କେବଳ ମିହିର କହିବା ଅନୁସାରେ ହଁ କରିବେ ବୋଲି ସେ କହିଥିଲା। ମୋତେ ଦେଖାଇ, ମିହିର କହିଲା ଏ ହେଉଛି ମୋର ପତ୍ନୀ ଏବଂ ସେ ହେଉଛନ୍ତି ତାଙ୍କ ବାପା ମାନେ ମୋ ଶଶୁର । ମୋ ବାପା ମଧ୍ୟ ଅଫିସର ଙ୍କୁ ପ୍ରଣାମ କରିଲେ । ମିହିର କହିଲା, ଆମେ ଗୋଟିଏ ବର୍ଷ ପୂର୍ବରୁ ଦୁହେଁ ଦୁହିଁଙ୍କୁ ଭଲ ପାଉଥିଲୁ ଏବଂ ଲୁଚି ମନ୍ଦିର ରେ ବିବାହ କରି ସାରିଛୁ ।

ବିବାହ ପରେ ଦୁଇ ପରିବାର ଜାଣିଲେ ଏବଂ ସେମାନେ ଆମକୁ ଗ୍ରହଣ କରିଲେ । ଏବେ ଆପଣ କୁହନ୍ତୁ । ମୁଁ ଆଗରୁ ବିବାହ କରି ସାରିଛି ତେବେ ପୁଣି ଥରେ ଆପଣଙ୍କ ଝିଅ କୁ କେମିତି ବିବାହ କରିବି?

(ମିହିର ଯେବେ ମିଛ କହେ , ସେ ତାର ଅଳ୍ପ ପାଟି ଲାଗେ, ସେଥିରୁ ଜଣା ପଡ଼ିଯାଏ ଯେ ମିହିର ମିଛ କହୁଛି ବୋଲି କିନ୍ତୁ ସେଦିନ ବଡ ସାହସର ସହିତ ମିଛ ଉପରେ ମିଛ କହି ଚାଲିଥିଲା। କେବଳ ଆମ ଦୁହିଙ୍କ ଭଲ ପାଇବା ପାଇଁ )

ସେତେବେଳେ ସେ ଝିଅ ମିହିର ପାଖକୁ ଆସି ପଚାରିଲା କି ତମେ ତ ମନା କରିଥିଲ ତମେ ବିବାହ କରିନ ବୋଲି ? ତେବେ ଏ ଝିଅ କୁଆଡୁ ଆସିଲା ? ମିହିର କହିଲା ମୁଁ ସେତେବେଳେ କହିଥିଲି, ମୁଁ ବିବାହିତା ବୋଲି କିନ୍ତୁ ତମେ ଶୁଣି ବାକୁ ଚାହୁଁ ନଥିଲ । ସେ ଝିଅ ମୋତେ ଟାଣି ଆଣି ମିହିର ର ପାଖରେ ଠିଆ କରେଇ ରଖି ଦୁହିଁଙ୍କୁ ବାରମ୍ବାର ଦେଖିବାରେ ଲାଗିଲା ଏବଂ ପୁଣି ମୋତେ ସାଇଡ କରି ସେ ନିଜେ ଠିଆ ହୋଇ ଦେଖିଲା ।

ସେ ଦେଖିବାକୁ ଚାହୁଁଥିଲା, ମୁଁ ମିହିର ପାଇଁ ଉପଯୁକ୍ତ କି ନୁହଁ । କିଛି ସମୟ ଏମିତି କଥା ବାର୍ତ୍ତା ପରେ । ସେ ତା ବାପା କୁ କହିଲା ଚାଲ ବାପା, ଏବେ ଆମେ ଫେରିଯିବା । ଯଦି ସେ ବିବାହ କରି ସାରିଛି ତେବେ ମୁଁ ମିହିର କୁ ବିବାହ କରିବି ନାହିଁ କହି କାର୍ ପାଖକୁ ଯିବାକୁ ବାହାରିଲା।

କିନ୍ତୁ ଏ କଣ ସେ ଝିଅ ବାରଣ୍ଡା କୁ ଯାଇ ପୁଣି ଫେରି ଆସି ମିହିର କୁ ପଚାରିଲା ଯେ ମୋତେ ଲାଗୁଛି, ତମେ ମିଛ କହୁଛ ? ଏତିକି ଶୁଣି ମିହିର ଆଶ୍ଚର୍ଯ୍ୟ ହୋଇଗଲା। ସେ ଝିଅ କହିଲା ତମେ ମୋତେ ଦିତୀୟ ସ୍ତ୍ରୀ ରୂପେ ଗ୍ରହଣ କରି ନିଅ। ମୁଁ ଏଠି ଚୁପ୍ ଚାପ୍ ପଡ଼ି ରହିବି।

ସେତେ ପର୍ଯ୍ୟନ୍ତ ମୁଁ ଚୁପ୍ ଥିଲି , ମାତ୍ର ସେତକ ପ୍ରଶ୍ନ ରେ ମୋ ରକ୍ତ ଜଳିଗଲା । ମୁଁ ବାଧ୍ୟ ହୋଇ ମିହିର ପାଖକୁ ଦୌଡ଼ି ଗଲି ଏବଂ ମିହିର ର ହାତକୁ ଧରି ଅଧା ହିନ୍ଦୀ ଏବଂ ଅଧା ଓଡ଼ିଆ ରେ କହିବାକୁ ଲାଗିଲି ଯେ ଏହା ଅସମ୍ଭବ ଏବଂ ମୋ ସ୍ବାମୀ ଦ୍ଵିତୀୟ ବିବାହ କରିବେ ନାହିଁ ଏବଂ ଏହି ଦ୍ୱିତୀୟ ବିବାହ ପାଇଁ ମୁଁ ତାଙ୍କୁ ଅନୁମତି ଦେବୀ ନାହିଁ।