Tag Archives: #bank

क्रेडिट कार्ड क्या है

यह एक ऐसी संस्था है जो ना आपकी है न किसी बैंक से पूर्ण रूप से जुड़ा हुआ है ।

हां आपकी जरूरत के समय आपको पैसा देते हैं । इतना तो सच्चाई हैं ।

मगर इसको यूज करने से पहले कुछ बातों का ध्यान देना जरूरी हैं।

आपको यह जकड़ देगा । फ्री होने की मौका नहीं देगा ।

क्रेडिट कार्ड का बकाया रखना मतलब पैसे की सही इस्तेमाल ना करना बराबर है।

अगर यूज नहीं करते होंगे तो उसको बंद करना ही सही माना जाता है ।

क्रेडिट कार्ड तब लेना चाहिए जब आपकी महीने की कमाई 30000 से ज्यादा हो।

क्रेडिट कार्ड पर लोन बेवजह कभी मत लेना।

मेरा सलाह से कभी नहीं लेना चाहिए ।

अगर ज्यादा जरूरत है तो दूसरी बैंक की मदद से लोन लीजिए बह भी अपनी खुद की घर केलिए और पढ़ाई केलिए ।

क्रेडिट कार्ड का इस्तेमाल जितना कम हो उतना आप टेंशन फ्री रहोगे।

दोस्त केलिए कभी भी अपनी क्रेडिट कार्ड की बलिदान मत दे देना ।

EMI ऑप्शन को चुनने से पहले 100 बार सोचे , बेहतर होगा पूरा पेमेंट करें और EMI में बदलाब ना करें। 

क्रेडिट कार्ड की मिनिमम अमाउंट के बदले पूरा अमाउंट डिपोजिट करने की कोशिश करें ।

क्रेडिट कार्ड की लिमिट को देख कर कभी खुश नहीं होना ।

क्यों की ज्यादा लिमिट ज्यादा खर्चा करने की सोच पैदा करता है ।

अपने खराब समय से बचाब केलिए क्रेडिट कार्ड के ऊपर डिपेंड मत होना ।

समय ऐसे आयेगा यह आपको ले डूबेगा । और कोई साथ नहीं देगा ।

एक छोटी सी क्रेडिट कार्ड केलिए बाकी लोन कंपनी आपकी जरूरत के समय लोन देने केलिए मना कर सकते हैं ।

समय पर अपना पेमेंट करने केलिए सोचे देरी आपकी सबसे खराब समय को जन्म देने लगेगा। 

आपकी कमाई नहीं है, तो कभी भी भूलकर भी क्रेडिट कार्ड मत लेना।

अगर आर्टिकल अच्छा लगा है तो आगे शेयर करना ना भूलें ।

धन्यवाद ।

ହେକର (Hacker)

Hacker, story, motivational,
Hacker

କିଛି ବର୍ଷ ପୂର୍ବର ଘଟଣା, ଦିନେ ମୋର ଇଣ୍ଟରନେଟ ବ୍ୟାଙ୍କିଙ୍ଗ ର ପାସ୍ ୱର୍ଡ ଭୁଲ ଟାଇପ ଯୋଗୁ ମୋର ଇଣ୍ଟରନେଟ ବ୍ୟାଙ୍କିଙ୍ଗ ବ୍ଲକ ହୋଇଯାଇଥିଲା। ମୋର ନିତିଦିନ କାମ ରେ ଏତେ ବ୍ୟସ୍ତ ରହିଗଲି ଯେ 5 ମାସ ହେବ ଇଣ୍ଟରନେଟ ବ୍ୟାଙ୍କିଙ୍ଗ ବ୍ୟବହାର କରିନଥିଲି ଯାହା ଫଳରେ ପାସ୍ ୱର୍ଡ ଭୁଲିଯାଇଥିଲି ।


ଏମିତି ସମୟ ବାହାର କରି ଦିନେ ପହଞ୍ଚିଲି ବ୍ୟାଙ୍କ୍ ରେ । କିଛି ସମୟ ପରେ ବ୍ୟାଙ୍କ୍ ମ୍ୟାନେଜର ର ଚେମ୍ବର୍ କୁ ଗଲି ମୋର ସମସ୍ୟା କହିବା ପରେ ସେ ଗୋଟିଏ ଫର୍ମ ଦେଲେ ଏବଂ କହିଲେ କି ଆପଣ ଫୀଲ ଅପ୍ କରି ଅନ୍ୟ ଏକ କାଉଣ୍ଟର ରେ ଜମା କରିବାକୁ କହିଲେ ଏବଂ ଦିନେ ଦୁଇ ଦିନ ଭିତରେ ଆପଣଙ୍କ ପାଖକୁ କନଫର୍ମ ମେସେଜ ଆସିବ । ଆପଣ ପାସ୍ ୱର୍ଡ ରିସେଟ୍ କରିପାରିବେ ।


ମୁଁ ପ୍ରଶ୍ନ କରିଲି କି ଏହି କାମ ତ ଶୀଘ୍ର ହୋଇଯାଏ। ବ୍ୟାଙ୍କ୍ ମ୍ୟାନେଜର କହିଲେ ଆଜିକାଲି ସର୍ଭର ଡାଉନ୍ ଚାଲିଛି । ସେଥିପାଇଁ ସମୟ ଲାଗୁଛି । ମୁଁ ତାଙ୍କ କଥା ରେ ହଁ ଭରି ଚେମ୍ବର ବାହାରକୁ ଆସିଲି ।

ଠିକ୍ ଗୋଟିଏ ଦିନ ପରେ ମୋତେ ଗୋଟିଏ ନୂଆ ନମ୍ୱର୍ ରୁ କଲ୍ ଆସିଲା। ହିନ୍ଦୀରେ କହିଲେ ଯେ ମୁଁ ବ୍ୟାଙ୍କ୍ ମ୍ୟାନେଜର କହୁଛି। ମୁଁ ମଧ୍ୟ ହିନ୍ଦୀରେ କଥା ହେବାକୁ ଲାଗିଲି । ସେ କହିଲେ ଆପଣ କିଛି କାମ ଯୋଗୁ ବ୍ୟାଙ୍କ୍ ଆସିଥିଲେ। ମୁଁ ହଁ କରି କହିଲି , ହଁ ସାର୍ ମୋର ଇଣ୍ଟରନେଟ ବ୍ୟାଙ୍କିଙ୍ଗ ର ପାଶୱର୍ଡ ପାଇଁ ଆସିଥିଲି ।


ସେ କହିଲେ , ହଁ ସାର୍ ମନେ ପଡ଼ିଲା ଆପଣ ଅପେକ୍ଷା କରନ୍ତୁ ମୋର ଜଣେ କ୍ଲାଇଁଟ ଆସିଛନ୍ତି ମୁଁ ପୁଣି କଲ୍ କରୁଛି । ଆପଣ ଅପେକ୍ଷା କରନ୍ତୁ। ସେ କଲ୍ କାଟିଦେଲେ ମୁଁ ସେତେବେଳେ ଡିଉଟି ରେ ଥିଲି ଏତେ ଧ୍ୟାନ ଦେଲି ନାହିଁ ।


15 ମିନିଟ୍ ପରେ ପୁଣି କଲ୍ ଆସିଲା । ମୁଁ କହିଲି କୁହନ୍ତୁ ସାର୍, ସେ କହିଲେ କି ଆପଣକୁ ଓଟିପି ସେଣ୍ଡ କରୁଛି ସେ ଓଟିପି କନଫର୍ମ୍ କରନ୍ତୁ ତାପରେ ଆପଣଙ୍କ ମୋବାଇଲ୍ କୁ ଗୋଟିଏ ଲିଙ୍କ୍ ଆସିବ ସେ ଲିଙ୍କ୍ ଅନୁସାରେ ଆପଣ ରିସେଟ କରି ପାରିବେ। ମୋତେ ଅଳ୍ପ ସନ୍ଦେହ ହେଲା ।




ମୁଁ ଏହା ପୂର୍ବରୁ ଥରେ ଦୁଇ ଥର କରିଥିଲି କିନ୍ତୁ ମୋତେ କିଛି ଲିଙ୍କ୍ କିମ୍ବା ଓଟିପି ଆସି ନଥିଲା । ତାପରେ ଭାବିଲି ବୋଧେ ହୁଏ ବ୍ୟାଙ୍କ୍ ର ସିଷ୍ଟମ ପଲିସି ବଦଳି ଥିବ। ହାଇ ସେକ୍ୟୁରିଟୀ ପାସ ୱାର୍ଡ କୁ ଓଟିପି କହୁଥିବେ । ମୁଁ ହଁ କରିଲି ।


ସେ ସଙ୍ଗେ ସଙ୍ଗେ ଗୋଟିଏ ରିକ୍ୱେଷ୍ଟ ପଠେଇଲା ସେଥିରେ ଲେଖାଥିଲା, 30000 ଟଙ୍କା ଉଠାଣ ପାଇଁ ଓଟିପି * * * * * * । ମୋର ସନ୍ଦେହ ସତ ରେ ପରିଣତ ହୋଇଗଲା। ମେସେଜ ଦେଖି ରାଗ ହେଲା। ସେ ଲାଇନ୍ ରେ ରହି ପୁଣି ପ୍ରଶ୍ନ କରିଲା। ମୁଁ କହିଲି କୋଉ ବ୍ୟାଙ୍କ୍ ରୁ କହୁଛନ୍ତି। ସେ ବ୍ୟାଙ୍କ୍ ନାମ ଠିକ୍ କହିଲା ।



ମୁଁ ପୁଣି ପ୍ରଶ୍ନ କରିଲି କି ଆପଣଙ୍କ ନାମ କଣ, ସେ କହିଲା ବ୍ୟାଙ୍କ୍ ମ୍ୟାନେଜର ନାମ କେବେ କୁହନ୍ତି ନାହିଁ। ମୁଁ କହିଲି ଲିଙ୍କ୍ ଟା ପ୍ରଥମେ ଦିଅନ୍ତୁ ତାପରେ ଓଟିପି କହିବି, ସେ ବ୍ୟକ୍ତି ଥିଲା ଜଣେ ହେକର୍। ସେ ପର୍ଯ୍ୟନ୍ତ ମୋତେ ସାଧାରଣ ସ୍ଵରରେ କଥା ହେଉଥିଲା । ମୁଁ କହିଲି ଲିଙ୍କ୍ ଟା ଦିଅନ୍ତୁ। ସେ କହିଲା ଆପଣଙ୍କୁ କହିଛି ପରା ଓଟିପି ପରେ ଲିଙ୍କ୍ ଆସିବ ବୋଲି ।



ମୁଁ ରାଗରେ କହିଲି ମୋତେ ଠକିବାକୁ ଚେଷ୍ଟା କରନ୍ତୁ ନାହିଁ ଏବଂ ଆଜି ଦିନ ରେ ମୁଁ କେତେ ନମ୍ୱର୍ ରେ ଅଛି। ସେ କହିଲା କଣ କହୁଛନ୍ତି ମୁଁ ବୁଝି ପାରୁନି । ମୁଁ ପୁଣି କହିଲି ମୁଁ ଯଦି ଓଟିପି କହିବି ତେବେ ଚୁଟକି ରେ ମୋର 30000/- ଚାଲିଯିବ । ମୁଁ ପୁଣି ଶାନ୍ତ ହୋଇ ପଚାରିଲି ଯେ ଆଜି କେତେ ଟଙ୍କା ହଡପ କରି ସାରିଲେଣି ଆଉ ମୁଁ କେତେ ନମ୍ୱର୍ ମଣିଷ?? ଏତିକି ଶୁଣି ସେ ଚୁପ୍ ରହିଲା।


ମୁଁ କହିଲି, କିଛି କୁହନ୍ତୁ ବ୍ୟାଙ୍କ୍ ମ୍ୟାନେଜର ବାବୁ ଏବଂ ଆପଣ ଜଣେ ହେକର୍ ମୁଁ ଜାଣି ସାରିଲିଣି । ସେ ପୁଣି ଚୁପ୍ ରହିଲେ, ମୁଁ କହିଲି ଫୋନ୍ କାଟିବେ ନାହିଁ , ଗୋଟିଏ ପ୍ରଶ୍ନ ଥିଲା , ଆପଣ ମୋ ନମ୍ୱର୍ କେମିତି ପାଇଲେ । ସେ କହିଲେ ଆମକୁ ସବୁ ମିଳିଯାଏ । ମୁଁ ପଚାରିଲି କେମିତି ମିଳେ କୁହନ୍ତୁ । ସେ କହିଲା ଆମର ବହୁତ୍ ଲୋକ ଅଛନ୍ତି । ତେବେ ମୁଁ କହିଲି କଣ ଆପଣ ବ୍ୟାଙ୍କ୍ ମ୍ୟାନେଜର ସହିତ ଲିଙ୍କ୍ ରେ ଅଛନ୍ତି କି । ସେ କହିଲେ ନା, ତାଙ୍କୁ ଆମର କିଛି ସମ୍ପର୍କ ନାହିଁ କିନ୍ତୁ ଗୋଟିଏ ଗୋଟିଏ ଜାଗାରେ ଲିଙ୍କ୍ ରହେ ।


ମୁଁ ପୁଣି ପଚାରିଲି ତେବେ ମୋ ନମ୍ୱର୍ ଆପଣ କେମିତି ପାଇଲେ । ସେ କହିଲା ବହୁତ୍ ସରଳ ଭାବେ ନମ୍ୱର୍ ପାଇଯାଉଛୁ। ମୁଁ ପଚାରିଲି କେମିତି ତ କୁହନ୍ତୁ । ସେ କହିଲା, ଆପଣ ସେଦିନ ଫର୍ମ ଭରିବା ସମୟରେ ଆପଣଙ୍କୁ ଜଣେ ପେନ୍ ମାଗିଥିଲା । ମୁଁ କହିଲି ତେବେ ଆପଣ ସେ ଲୋକ । ସେ କହିଲା , ନା ,ସେମାନେ ଆମକୁ ନମ୍ୱର୍ ଦିଅନ୍ତି , ସେମାନଙ୍କ କାମ ହେଲା , ଆପଣକୁ ପେନ୍ ମାଗିବା ବାହାନାରେ ଆପଣଙ୍କ ମୋବାଇଲ ନମ୍ୱର୍ ନୋଟ୍ କରନ୍ତି ।


ମୁଁ ପଚାରିଲି ସେ ତ ମୋବାଇଲ କିମ୍ବା ପେନ୍ କିଛି ରଖି ନଥିଲା । ସେ କହିଲା, ସେମାନେ ଆପଣଙ୍କ ନମ୍ୱର୍ ଦେଖି ସଙ୍ଗେ ସଙ୍ଗେ ମନେ ରଖି ଦିଅନ୍ତି । ପରେ ସେ ନୋଟ୍ କରି ଆମକୁ ପଠାନ୍ତି । ଏଥର ମୁଁ ବୁଝିଗଲି । ସେ ତ ଗୋଟିଏ ଗରିବ ଲୋକ ଭଳି ଜଣା ପଡୁଥିଲା ଏବଂ ସେମାନଙ୍କ କାମ ହେଲା ଯେ ମୋବାଇଲ ନମ୍ୱର୍ ନୋଟ୍ କରିବା । ମୁଁ କହିଲି ତୁମର ନୂଆ ଉପାୟ ମୋତେ ପସନ୍ଦ ଲାଗିଲା । ଠିକ୍ ଅଛି ଆଗକୁ ସତର୍କ ରହିବୁ ।


ମୁଁ ପୁଣି ପଚାରିଲି, ଆଚ୍ଛା କହିଲେ ନାହିଁ ଯେ ଆଜି କେତେ ଟଙ୍କାର ର ବେପାର ହେଲାଣି । ସେ କହିଲା, ୩ ଲକ୍ଷ ହୋଇ ସାରିଲାଣି। ମୁଁ କହିଲି କେବଳ ୧୨ ଟା ଭିତରେ ୩ ଲକ୍ଷ, ପୁରା ଦିନ ବାକି ଅଛି । ସେ କହିଲା, ୩ ଲକ୍ଷ୍ୟ ତ କିଛି ନାହିଁ । ଦିନେ ଦିନେ ୧୦ ରୁ ୧୨ ଲକ୍ଷ୍ୟ ପର୍ଯ୍ୟନ୍ତ ହୋଇଯାଏ ଆଉ କେବେ କିଛି ନାହିଁ । ମୁଁ କହିଲି , ଏମିତି କାମ କାହିଁକି କରୁଛ ??


ସେ କହିଲା , ଆପଣ ଭୁଲ କରିଲେ ଆମକୁ ଲାଭ । ଏବେ ଯେମିତି ଆପଣ ଜାଣିଗଲେ ସେମିତି ବହୁତ୍ ଲୋକ ଅଛନ୍ତି ଜାଣି ପାରୁ ନାହାଁନ୍ତି । ଓଟିପୀ କୁହନ୍ତି ଏବଂ ଆମେ ଟଙ୍କା ଉଠେଇ ନେଇ ଯାଉଛୁ ।


ଯେମିତି ବୟସ୍କ ଲୋକ, ସ୍ତ୍ରୀ ଲୋକ। ମୁଁ ପଚାରିଲି କେମିତି?? ସେ କହିଲେ , ମୁଁ ଯଦି ସବୁ କହିବି ତେବେ ଆପଣ ମୋର ବେପାର ଗୋଲ୍ କରିଦେବେ । ମୁଁ କହିଲି କୁହନ୍ତୁ ନା, ମୁଁ ଜାଣିବାକୁ ଚାହୁଁଛି । ସେ ବେଶୀ କିଛି ନ କହି ଫୋନ୍ କଟ୍ କରିଦେଲା। ମୁଁ ପୁଣି ଥରେ କଲ୍ କରିବା ପରେ ସେ ନମ୍ୱର୍ ସ୍ୱିଚ ଅଫ ଆସିଲା ।


କିଛି ଲୋକ ଭାବୁଥିବେ ଏଥି ପ୍ରତି ଆମେ ସାବଧାନ ଅଛୁ କିନ୍ତୁ ଆପଣଙ୍କ ଧାରଣା ଭୁଲ । ଆପଣ ମଧ୍ୟ ଏମିତି କିଛି ଶିକାର ର ସାମ୍ନା କରିବେ ଏବଂ କରିଛନ୍ତି ।


ଯେମିତି କି
୧. ଫୋନ୍ ପେ ରିକ୍ୱେଷ୍ଟ୍ ।
୨. ଫେସବୁକ୍ ଆକାଉଣ୍ଟ ନିଜ ସାଙ୍ଗ ନାମରେ ରହି ଟଙ୍କା ମାଗିବା ।
୩. OLX ରୁ ଜିନିଷ କିଣିବା ପାଇଁ ଅଗ୍ରୀମ ଟଙ୍କା ମାଗିବା ।
୪. ମାଟି ତଳୁ ସୁନା ପଥର ମିଳିବା ପରେ ଆପଣଙ୍କ ସହିତ ବିକ୍ରି କରିବାରେ ଚୁକ୍ତି କରିବା ।
୫. ମାଛ ଧରୁଥିବାବେଳେ ମୋତି ମିଳିବା ଏବଂ ଚୁକ୍ତି କରି ବିକ୍ରି କରିବା ।
୬. ତମ ମୋବାଇଲ ର ଫୋଟୋ ଭିଡିଓ ଆମେ ଚୋରେଇ ନେଇଛୁ, ଟଙ୍କା ଦିଅ ଆମେ ଡିଲିଟ କରିଦେବୁ ।
୭. ଟଙ୍କା ହୋଲ୍ଡ କରି ଓଟିପି ମାଗିବା ।
୮. ଲଟେରୀ ଟଙ୍କା ଲୋଭ ଦେଖାଇବା ।
୯. ପାଞ୍ଚୋଟି ଦେଶରେ ତୁମ ନମ୍ୱର୍ ସିଲେକ୍ଟ ହୋଇଛି ଆପଣ ଜିତିଛନ୍ତି ୧୦ ଲକ୍ଷ ଟଙ୍କା , Whatsapp ରେ କଲ୍ କରନ୍ତୁ ବ୍ୟାଙ୍କ୍ ମ୍ୟାନେଜର ଠାରୁ ନିଜର ଟଙ୍କା Transfer କରନ୍ତୁ ।
୧୦. ତୁମ ନାମରେ ଲଟେରୀ ଆସିଛି ଏବଂ ଚାରି ଚକିଆ ଗାଡି ଆପଣ ପାଇବେ, ପ୍ରଥମେ ୧୦୦୦୦ ଜମା କରନ୍ତୁ ଏବଂ ଗାଡି ଆସି ନେଇ ଯାଆନ୍ତୁ ।
୧୧. ATM କାର୍ଡ ବଦଳି ହୋଇ ଟଙ୍କା ଉଠେଇ ନେବା ।
୧୨. ଫୋନ୍ ପେ ଦ୍ଵାରା ପଠେଇବା ସମୟରେ ଟଙ୍କା କଟିଛି କିନ୍ତୁ ଅନ୍ୟ ଲୋକ ପାଖକୁ ପହଞ୍ଚି ନାହିଁ । ଆପଣ ଚିନ୍ତାରେ ଗୁଗଲ ରେ Contact Number ସର୍ଚ୍ଚ କରି ଫୋନ୍ କରି ସବୁ ସମସ୍ୟା କୁହନ୍ତି କିନ୍ତୁ ଟଙ୍କା ଆପଣଙ୍କ ହଡ଼ପ ହୋଇଯାଏ ।

ଏମିତି କିଛି ଘଟଣା ଆପଣଙ୍କ ସହିତ ହୁଏ । ଅବା ହୋଇ ସାରିଛି ।

ଆପଣଙ୍କ ମନରେ ୬ ନମ୍ୱର୍ ଦିଆ ଯାଇଥିବା କଥା ବିଷୟରେ ପ୍ରଶ୍ନ ନିଶ୍ଚୟ ଉଠୁଥିବ। ଶୁଣନ୍ତୁ ଆପଣଙ୍କ ମୋବାଇଲ କେବେ ପାଣିରେ ପଡ଼ିଯାଏ ତେବେ ଆପଣ କଣ କରନ୍ତି ପାଣି ବାହାର କରିବା ପାଇଁ ଚାଉଳ ରେ ରଖନ୍ତି କିମ୍ବା କପଡା ଗୁଡେ଼ଇ ରଖନ୍ତି କିନ୍ତୁ ଯେତେବେଳେ ତାହା ସଫଳ ହୁଏ ନାହିଁ ସେତେବେଳେ ଆପଣ ଯାଆନ୍ତି ମୋବାଇଲ ଦୋକାନ କୁ । ସେଠୀ ମୋବାଇଲ ଦୋକାନ ବାଲା ଆପଣ ଙ୍କ ସବୁ ଡାଟା ପ୍ରଥମେ କପି କରି ନିଜ କମ୍ପ୍ୟୁଟର ରେ ରଖି ଫର୍ମାଟ କରି ଦିଅନ୍ତି । ପରେ ସେ ଦୋକାନୀ ବାଲା ଆପଣଙ୍କ କିଛି ଗୁପ୍ତ କିମ୍ବା ପର୍ସୋନାଲ ଡାଟା ଭିତରେ କିଛି ଖରାପ ଭିଡିଓ କିମ୍ବା ଫୋଟୋ ଥାଏ ତେବେ ସେ ଫୋଟୋ ବଦଳରେ ଆପଣକୁ ଟଙ୍କା ମାଗନ୍ତି । ଏମିତି ଘଟଣା ପ୍ରାୟ ବଡ ବଡ ସହର ରେ ହୁଏ । କାରଣ ଏମିତି ଘଟଣା ମୋ ସାଙ୍ଗ ସହିତ ହୋଇଛି । ଏହାର ପ୍ରତିକାର ଅଛି ଯଦି ଆପଣ ସେହି ମୋବାଇଲ କୁ ନିଜର ଜଣାଶୁଣା ମୋବାଇଲ୍ ଦୋକାନୀ କୁ ଦେଇ ତିଆରି କରି ପାରନ୍ତି ।


ଉପରୋକ୍ତ ଘଟଣା କାହିଁକି ହୁଏ କେମିତି ହୁଏ ସେ ବିଷୟରେ ଅଳ୍ପ କହି ରଖୁଛି।


ଯେମିତି ଚାକିରି ପରେ ପେନସନ ଧାରି ବୟସ୍କ ଲୋକ ଙ୍କୁ ଲଟେରୀ ର ଲୋଭ ଦେଖାଇ ଟଙ୍କା ହଡ଼ପ କରିବା ।


ଘରେ ରହୁ ଥିବା ସ୍ତ୍ରୀ ଲୋକ ଯାହାଙ୍କ ସ୍ଵାମୀଙ୍କ ଆକାଉଣ୍ଟ ସହ ଖାତା ଜଇଣ୍ଟ ଥାଏ । ସେମାନଙ୍କୁ କୁହନ୍ତି ଆପଣଙ୍କ ସ୍ବାମୀ ବ୍ୟାଙ୍କ୍ ଆସିଥିଲେ କିଛି କାମ ପାଇଁ , ଏହି କାମ କରିବା ପାଇଁ ଆପଣଙ୍କୁ ଓଟିପି କହିବାକୁ ହେବ । ତାପରେ ସବୁ ଟଙ୍କା ଉଡିଯାଏ ।



ଏହା କେବଳ ହିନ୍ଦୀ ରେ କଥା ହେବା ଲୋକ କରନ୍ତି ନାହିଁ । କିଛି ଓଡ଼ିଆ ହେକର୍ ମଧ୍ୟ ଆସିଲେଣି ।


ଏବେ ସରକାର ସଚେତନ କରୁଛନ୍ତି। କିନ୍ତୁ ଲୋକେ ସଚେତନ ହେଉ ନାହାନ୍ତି।



ଏମିତି ଘଟଣା ଆଜିକାଲି ବହୁତ୍ ଚାଲୁଛି କିନ୍ତୁ ଯିଏ ସତର୍କ ହେଉଛି ସେ ବଞ୍ଚି ଯାଉଛି ଯିଏ ସତର୍କ ରୁ ଅବହେଳା ହୁଏ ତାର ଆକାଉଣ୍ଟ ଖାଲି ହୋଇଯାଏ। ଏମିତି ଘଟଣା ମୋ ସହିତ ଥରେ ହୋଇ ନାହିଁ , ୧୦ ରୁ ୧୨ ଥର ମୋତେ ଏମିତି କଲ୍ ଆସେ । ମୁଁ ପ୍ରତ୍ୟେକ ଥର ସତର୍କ ରହେ ।


ତେଣୁ କିଛି ସତର୍କ ମୂଳକ କଥା କହିବାକୁ ଯାଉଛି ଧର୍ଯ୍ୟ ର ସହିତ ଆଗକୁ ପଢନ୍ତୁ ।

ଆପଣ ଭାବୁଥିବେ ଆପଣଙ୍କ ନମ୍ୱର୍ ଏଇ ହେକର୍ ମାନେ କୋଉଠୁ ପାଆନ୍ତି ।

ପ୍ରଥମେ ତ ଲୋଭ କରନ୍ତୁ ନାହିଁ , ଲୋଭ କରିବେ ଆପଣ ଠକାମୀ ର ଶିକାର ନିଶ୍ଚୟ ହେବେ ।

ଆପଣଙ୍କୁ କିଛି ଲୋକ ଲିଙ୍କ୍ ପଠାନ୍ତି
• ଏହି କମ୍ପାନୀ ର ୩୦ ତମ ଜନ୍ମ ଉତ୍ସବ ଯୋଗୁ କମ୍ପାନୀ ଆପଣଙ୍କୁ ମୋବାଇଲ ଗିଫ୍ଟ କରୁଛି।

• ଏହି କମ୍ପାନୀ ର ୨୫ ତମ ଜନ୍ମ ଉତ୍ସବ ଯୋଗୁ କମ୍ପାନୀ ଆପଣଙ୍କୁ ଗାଡି ଗିଫ୍ଟ କରୁଛି।

• 10GB କିମ୍ବା 50 GB ମୋବାଇଲ୍ ଡାଟା ଫ୍ରୀ ମିଳିବ ।

• ଭାରତୀୟ ଷ୍ଟେଟ୍ ବ୍ୟାଙ୍କ୍ ତରଫରୁ ଉପହାର


ଏ ସବୁ କିଛି ସର୍ତ୍ତ ମୂଳକ ଭାବେ କରାଯାଏ । ଆପଣ ଲିଙ୍କ୍ ରେ କ୍ଲିକ୍ କରିଲା ପରେ ଆପଣକୁ କୁହା ଯାଏ 10 ଟି Whatsapp ଗ୍ରୁପ୍ କୁ ସେଣ୍ଡ କରନ୍ତୁ କିମ୍ବା ୧୦ ଟି ଲୋକଙ୍କୁ ପଠାନ୍ତୁ ଏବଂ ଆପଣ ସେମିତି କରନ୍ତି କାରଣ ମାଗଣା ରେ କିଛି ଜିନିଷ କିମ୍ବା ମୋବାଇଲ ଡାଟା ମିଳିବ।


ଆପଣଙ୍କ ଭାବନା ଭୁଲ । 10 ଟି ଗ୍ରୁପ ସେଣ୍ଡ କରିବା ପରେ ଆପଣ ଗୋଟିଏ ମେସେଜ ପାଆନ୍ତି କି “Try again” ।
ଏବଂ ଆପଣ ନିରାଶ ହୋଇ ୨ଟି ଗାଳି ଦେଇ ଚୁପ୍ ବସି ଯାଆନ୍ତି ।

କିନ୍ତୁ ଆପଣ ସିନା ଚୁପ୍ ବସିଗଲେ ଏଠି ହେକର୍ ମାନେ ନିଜ କାମ ଆରମ୍ଭ କରନ୍ତି। ଆପଣ ସେୟାର କରିଥିବା ଗ୍ରୁପ୍ କିମ୍ବା ଲୋକ ମାନଙ୍କ ଭିତରୁ ଯିଏ ଏହି ଲିଙ୍କ୍ କୁ କ୍ଲିକ୍ କରେ ସେ ମୋବାଇଲ ନମ୍ବର ହେକର୍ ମାନଙ୍କ ପାଖକୁ ଆସିଯାଏ ଏବଂ ସେ ଆପଣକୁ ଭଳି ଭଳି କି ଅଫର୍ ଦିଅନ୍ତି ଏବଂ ଉପରେ ଥିବା କାମ କରିବା ଆରମ୍ଭ କରି ଦିଅନ୍ତି । ଦେଖିଥିବେ ସେ ଲିଙ୍କ୍ କ୍ଲିକ୍ କରି ପଛକୁ ଫେରିଗଲେ ସେ page ଟି ସହଜରେ ବନ୍ଦ ହୁଏ ନାହିଁ ।


ଆପଣ ଏହି ଶେଷ ଲାଇନ୍ ପର୍ଯ୍ୟନ୍ତ ପଢ଼ି ସାରିଲେଣି ଅର୍ଥାତ୍ ଆପଣ ସତର୍କ ହେବାକୁ ଚାହୁଁଛନ୍ତି । ତେବେ ଆପଣକୁ ବହୁତ୍ ବହୁତ୍ ଧନ୍ୟବାଦ । ଲଟେରୀ କିମ୍ବା 10GB ଡାଟା ର ମେସେଜ ବଦଳରେ ଏମିତି ସତର୍କ ମେସେଜ ନିଜ ଲୋକ ମାନଙ୍କୁ ପଠାନ୍ତୁ ଏବଂ ସତର୍କ କରାନ୍ତୁ ।



ସତର୍କ ରୁହନ୍ତୁ ଏବଂ ସୁରକ୍ଷିତ ରୁହନ୍ତୁ ।


By. Nilamadhab Bhuyan


If the article/Story helpful so share to your friends, Thanking You.

ବାହାଘର ଆଲବମ୍..(ଶେଷ)

ବାହାଘର ଆଲବମ୍..(ଶେଷ)
ବାହାଘର ଆଲବମ୍..(ଶେଷ)
ଝିଅ ଦେଖା ସରିବା ପରେ ଠିକ୍ ୩ମାସ ପରେ ଏଙ୍ଗେଜମେଣ୍ଟ ଏବଂ ୯ ମାସ ପରେ ବାହାଘର । ଧାର୍ଯ୍ୟ ତିଥି ଏବଂ ଦିନ ଅନୁଯାୟୀ ଠିକ୍ ସମୟରେ ବାହାଘର ମଧ୍ୟ ସରିଲା ।
ସୁକାନ୍ତ ର ବାହାଘର କୁ ୩ ମାସ ବିତିଗଲାଣି । ସୁକାନ୍ତ ଏବଂ ତା ସ୍ତ୍ରୀ ଦୁହେଁ ବହୁତ୍ ଖୁସିରେ ଅଛନ୍ତି । ସୁକାନ୍ତ ର ସ୍ତ୍ରୀ ମଧ୍ୟ ସୁକାନ୍ତ ର ବାପା ମା ଙ୍କୁ ବହୁତ୍ ସମ୍ମାନ ଦିଏ ଏବଂ ସେବା ରେ କେବେ ଅବହେଳା ନଥିଲା ସେମିତି ସୁକାନ୍ତ ପ୍ରତି ନିଜ ସ୍ତ୍ରୀ ର ପ୍ରତ୍ୟେକ କର୍ତ୍ତବ୍ୟ ସେ ସୁଚାରୁ ରୂପେ ପାଳନ କରୁଥାଏ ।
କିନ୍ତୁ କଥା ପହଞ୍ଚିଛି ଏଠି ଯେ ରୋଜି ର ସ୍ବାମୀ ଇଞ୍ଜିନିୟର ଥିଲେ ସତ କିନ୍ତୁ ତାହା ଅଳ୍ପ ସତ ଏବଂ ଅଳ୍ପ ମିଛ । ଗତ ଛଅ ମାସ ହେଲା ରୋଜି ଏବଂ ତା ସ୍ବାମୀ ନିଜ ଘରେ ଅଛନ୍ତି।
ରୋଜି ର ସ୍ବାମୀ ଚାକିରି କରିବା ପାଇଁ ଆଉ ଇଚ୍ଛା କରୁ ନାହାନ୍ତି ତଥା ସେ ପ୍ରତିଦିନ ମଦ ପିଇ ଆସି ରୋଜି କୁ ଏବଂ ଘର ଲୋକ କୁ ଖରାପ ଖରାପ ଗାଳି ଦେଉଛି ।
ତାର ଏହି ଉପଚାର ପାଇଁ ରୋଜି ବହୁ ପ୍ରୟାସ କରିବା ପରେ ସେ ବିଫଳ ହୋଇଛି। ରୋଜି ରାଗରେ ଶାଶୂ ଘର ଛାଡ଼ି ନିଜ ଘରକୁ ଚାଲି ଆସିଲା ।
ଆଜି ସକାଳୁ ଲକି ରୋଜି କୁ ଫୋନ୍ କରି ଘରକୁ ଡାକିଲା । କାରଣ ଲକି ଏବଂ ରୋଜି ଦୁହେଁ ଭଲ ସାଙ୍ଗ । ରୋଜି ର ଅନିଚ୍ଛା ସତ୍ତ୍ୱେ ରୋଜି ଲକି ଘରକୁ ଆସିଥିଲା।
ସେଠି ଲକି ର ଘର ଲୋକ ସହିତ ଦେଖା ସାକ୍ଷାତ ପରେ ଲକି ର ବେଡ ରୁମ୍ କୁ ଗଲା । ସେଠି ବଡ ଫୋଟୋ ଫ୍ରେମ୍ ରେ ଲକି ସହିତ ସୁକାନ୍ତ କୁ ଦେଖି ରୋଜି ବହୁତ୍ ଦୁଃଖୀ ହୋଇଗଲା । କିନ୍ତୁ ସେ ନିଜ ଦୁଃଖ କୁ ଲୁଚେଇ ରଖିଲା ।
ରବିବାର ଯୋଗୁ ସୁକାନ୍ତ ମାନେ ମୁଁ ଘରେ ଥିଲି । ରୋଜି ପ୍ରଥମେ ମୋତେ ଦେଖି ମୁହଁ ତଳକୁ କରି ଲକି ସହିତ ଘର ଭିତରକୁ ଚାଲିଗଲା । ମୁଁ ଟିଭି ଦେଖିବାରେ ବ୍ୟସ୍ତ ରହିଲି।
ମୋ ବେଡ ରୁମ୍ ଏବଂ ଟିଭି ରୁମ୍ ପାଖରେ ଥାଏ । ଲକି ଏବଂ ରୋଜି ର ପ୍ରତ୍ୟେକ ଟି କଥା ମୋତେ ଶୁଣା ଯାଉଥାଏ । ସେଠି ଦୁହେଁ କିଛି ସମୟ କଥା ବାର୍ତ୍ତା ପରେ ମୋର ବାହାଘର ଆଲବମ୍ ଦେଖି ରୋଜି ନିଜ କାନ୍ଦ କୁ ରୋକି ପାରିଲା ନାହିଁ । ସେ ବାଥ୍ ରୁମ୍ କୁ ଯାଇ ବହୁତ୍ କାନ୍ଦିଲା । ଏବଂ ସେଠୁ ଆସି ଲକି କୁ ସବୁ କଥା କହିଲା।
କିନ୍ତୁ ଏହି ସମସ୍ତ ଘଟଣା ବିଷୟରେ ଲକି ମାନେ ମୋ ସ୍ତ୍ରୀ କୁ ମୁଁ ବାହାଘର ପୂର୍ବରୁ କହି ସାରିଥିଲି । ଲକି ମୋ ସହିତ ଘଟିଥିବା ଘଟଣା ବିଷୟରେ ଜାଣି ପ୍ରଥମେ ଦୁଃଖୀ ହୋଇଥିଲା କିନ୍ତୁ ପରେ ନିଜ ମନକୁ ବଦଳାଇ ଅତୀତ ଭାବେ ସେ କଥା କୁ ଗୁରୁତ୍ଵ ଦେଲା ନାହିଁ ।
କାରଣ ଲକି, ରୋଜି ର ବ୍ୟବହାର ବିଷୟରେ ଜାଣି ବହୁତ୍ ରାଗ ହୋଇଥିଲା କିନ୍ତୁ ରୋଜି ଏବଂ ଲକି ବାହାଘର ପର ଠାରୁ ଦୁହେଁ ପ୍ରତିଦିନ କଥା ହେଉଥାନ୍ତି।
କଥାବାର୍ତ୍ତା ପରେ ରୋଜି କିଛି ନ ଖାଇ ନିଜ ଘରକୁ ଫେରିଗଲା ।
ସନ୍ଧ୍ୟାରେ ମୁଁ କମ୍ପ୍ୟୁଟର ରେ ବସି ଉଇକିପିଡ଼ିଆ ରେ କିଛି ଖୋଜୁଥିଲି । ପଛପଟୁ ଲକି ଆସି ମୋ କାନ୍ଧ ଉପରେ ଭରା ଦେଇ ଠିଆ ହେଲା ।
କହିଲା କଣ ପତି ଦେବ ଆଜି ତୁମ ପୂର୍ବ ପ୍ରେମିକା ଆସିଥିଲେ । ମୁଁ ପଚାରିଲି , ତମେ ଡାକିଥିଲ ସେଥିପାଇଁ ସେ ଆସିଥିଲା।
ଲକି କହିଲା ନା ନା , ସେ ପ୍ରତ୍ୟେକ ଦିନ କହେ ମୁଁ କେବେ ତୋ ଘରକୁ ଯିବି ବୁଲିବା ପାଇଁ । ସେ କେତେ ଦିନ ହେଲା କହୁଥିଲା। ଗତ କାଲି ରାତିରେ ମୁଁ ତାକୁ ଡାକିଲି ଆସନ୍ତା କାଲି ଆସେ। ସେଥିପାଇଁ ସେ ଆସିଥିଲା ।
ମୁଁ କହିଲି, ଡାକିଲ କିନ୍ତୁ କନ୍ଦେଇ କି ଛାଡ଼ିଲ । ଲକି କହିଲା, ମୁଁ କଣ କନ୍ଦେଇବି । ସେ ନିଜ ଦୁଃଖୀ ହୋଇ ନିଜେ କାନ୍ଦିଲା । ସେ ନିଜ ଭୁଲ ପାଇଁ ବହୁତ୍ ଦୁଃଖୀ ଅଛି ।
ମୁଁ ପଚାରିଲି କଣ ଭୁଲ ??? ଲକି କହିଲା , ତମ ସହିତ କରିଥିବା ଖରାପ ବ୍ୟବହାର ତଥା ତମକୁ ଇଗ୍ନୋର କରି ନିଜ ଇଚ୍ଛାରେ ବାହା ହେଲା ସତ କିନ୍ତୁ ସେ ଖୁସିରେ ନାହିଁ ।
ମୁଁ ପଚାରିଲି ଏଥି ପାଇଁ ଦାୟୀ କିଏ? ଲକି କହିଲା , କାହାର ଭୁଲ , କିଏ ଭୁଲ କରିଛି ଆଜି ସେ ଜାଣି ସାରିଛି କିନ୍ତୁ ମୋତେ ମୋ ମନ ବୁଝୁଥିବା ସ୍ବାମୀ ଟେ ମିଳିଯାଇଛି।
ଜାଣିଛ ପ୍ରକୃତରେ ତମେ ଆଗରୁ ମୋତେ ଭଲ ପାଇବା କଥା । ମୁଁ କହିଲି ତମ କୁ ରୋଜି ସହିତ କଲେଜ୍ ରେ ଦେଖୁଥିଲି କିନ୍ତୁ ତମ ପ୍ରତି ଭଲ ପାଇବା କେବେ ଆସି ନଥିଲା ।
ଲକି କହିଲା କିନ୍ତୁ ମୁଁ ତମକୁ ମନେ ମନେ ଭଲ ପାଉଥିଲି । ମୁଁ ଭାବୁଥିଲି ରୋଜି ବଦଳରେ ସେ ଭଲ ପାଇବା ଯଦି ମୋତେ ମିଳି ଥାନ୍ତା ନା ଆଜି ଆଉ ଟିକେ ମଜା ଲାଗନ୍ତା।
ମୁଁ ଆଶ୍ଚର୍ଯ୍ୟ!!! ଯଦି ଭଲ ପାଉଥିଲ ତେବେ କାହିଁକି କହୁ ନଥିଲ । ଲକି କହିଲା, ମୋ ଭାଗ୍ୟରେ ଯାହା ଥିବା ତାହା ହିଁ ହେବ ବୋଲି ମୁଁ ଭାବୁଥିଲି ।
ଜାଣିଛ , ଆମର ପାଠ ପଢା ସରିବା ପରେ ମୁଁ ତମକୁ ଫଲୋ କରୁଥିଲି । ରୋଜି ଏବଂ ତମର ଝଗଡା ବିଷୟରେ ମୁଁ ଆଗରୁ ଜାଣିଥିଲି କେବଳ ଏହି କଥା ଟା ତମ ମୁହଁରୁ ଶୁଣିବାକୁ ଚାହୁଁଥିଲି ।
ମୁଁ ପଚାରିଲି , ତମେ ଏତେ ସବୁ ଜାଣି ନଥିବ ବୋଲି କହିଲି । ଲକି କହିଲା, ପ୍ରକୃତ କଥା କହିବାକୁ ଗଲେ ମୋ ଭଲ ପାଇବା ମୋତେ ମିଳିଛି ।
ତମକୁ +୩ ର ପ୍ରଥମ ବର୍ଷରୁ ଏକ ତରଫା ଭଲ ପାଇ ବସିଲି ଏବଂ ଶେଷରେ ମୋ ଭଲ ପାଇବା ସଫଳ ହେଲା ଏବଂ ଜୀବନ ସାଥି ଭାବେ ତମେ ପାଇ ଗଲ ।
+୩ ର ପ୍ରଥମ ବର୍ଷ ଠାରୁ ବାହାଘର ପର୍ଯ୍ୟନ୍ତ ତମର ସବୁ ଖବର ମୁଁ ରଖିଥିଲି । ତମର ଦୁଇଟି ଜାଗାରେ ଝିଅ ଦେଖିବା କଥା ମୁଁ ଜାଣିଥିଲି।
କିନ୍ତୁ ଭାଗ୍ୟ ବଶତଃ ମାମୁଁ ତମ ବାବା ଙ୍କୁ ଜାଣିଥିଲେ ସେ ଯେତେବେଳେ ତମ କଥା କହିଲେ , ପ୍ରଥମେ ମୁଁ ଘରେ ହଁ କରିଲି ।
ଏବଂ ମୋ ହଁ ଜାଣି ଘର ଲୋକେ ଏହି ବାହାଘର ରେ ରାଜି ହୋଇଗଲେ ।
ମୁଁ ପଚାରିଲି ଏତେ ସବୁ କଥା ମୋତେ ଆଗରୁ କହି ନଥିଲ ତ?? ଲକି କହିଲା , ତମକୁ କହିବାକୁ ଏହି ଦିନକୁ ଅପେକ୍ଷା କରିଥିଲି ।
କେବଳ ତୁମର କଣ ଏକ୍ସପ୍ରେଶନ ଆସିବ ରୋଜି କୁ ଦେଖିଲା ପରେ ତାହା ଜାଣିବାକୁ ଚାହୁଁଥିଲି କିନ୍ତୁ ତମେ ଆଜି ମୋ ପରୀକ୍ଷାରେ ପାସ୍ କରିଛ ।
ମୁଁ କହିଲି ମୋ ସ୍ତ୍ରୀ ମୋ ଠାରୁ ବହୁତ୍ ଚାଲାକ୍ । ଆଜି ତମେ ମୋତେ, ତମ ପ୍ରତି ଭଲ ପାଇବା ଚେକ୍ କରୁଥିଲ । ଲକି କହିଲା, ଠିକ୍ କଥା ଏବଂ ମୁଁ ଜାଣିଥିଲି ତମେ ରୋଜି କୁ ଦେଖିଲା ପରେ କିଛି ଅଲଗା ଏକ୍ସପ୍ରେଶନ ଆସିବ ନାହିଁ ଏବଂ ତାହା ସତ ରେ ପରିଣତ ହୋଇଛି ।
ଏତିକି କହି ଲକି ମୋତେ କୁଂଢ଼େଇ ନେଇ ମୋ ପ୍ରତି ଭଲ ପାଇବା ର ପ୍ରମାଣ ଦେଇ କହିଲା । ତମେ ହେଉଛ ମୋର ପରଫେକ୍ଟ ଲାଇଫ ପାର୍ଟନର ଏବଂ ଆଜି ପ୍ରମାଣ ହୋଇଗଲା ।
ଏବଂ Thank you Sukant and my Super Hero, and I Love You So much.
ଏଇ ନିଅ ଆମ ବାହାଘର ଆଲବମ୍ , ୟାର କାମ ସରିଲା ।
ନୀଳମାଧବ ଭୂୟାଁ
ଙ୍କ କଲମରୁ….
ଏହି କାହାଣୀ ଟି ଆପଣଙ୍କୁ କେମିତି ଲାଗିଲା ନିଶ୍ଚୟ କମେଣ୍ଟ କରି ଜଣେଇବେ ।
ଏହା ମଧ୍ୟ ଏକ ସତ୍ୟ ଘଟଣା ଉପରେ ଆଧାରିତ ।

ବାହାଘର ଆଲବମ୍…(ଆରମ୍ଭ)

ବାହାଘର ଆଲବମ୍...(ଆରମ୍ଭ)
ବାହାଘର ଆଲବମ୍…(ଆରମ୍ଭ)

କଣ ପାଇଁ କାନ୍ଦୁଛୁ?
ନା କିଛି ନାହିଁ, କହି ରୋଜି ବାଥ୍ ରୁମ୍ କୁ ଚାଲିଗଲା, କିନ୍ତୁ ରୋଜି ବାଥ୍ ରୁମ୍ ରେ ବହୁତ୍ ସମୟ କାନ୍ଦିଲା।

ଏପଟେ ଲକି ବାରମ୍ଵାର କବାଟ ଠକ୍ ଠକ୍ ପରେ ସେ କବାଟ ଖୋଲିଲା । ରୋଜି ନିଜ ମୁହଁ କୁ ଏତେ ଥର ଧୋଇଥିଲା ଯେ କିଛି କିଛି ସାବୁନ ଫେଣ ତାର କାନ ପାଖରେ ରହି ଯାଇଥିଲା।
ଲକି ପଚାରିଲା କଣ ହେଲା ତୁ ଭିତରେ ଏତେ କାନ୍ଦୁଥିଲୁ କଣ ପାଇଁ । ରୋଜି କହିଲା ମୁଁ ବହୁତ୍ ବଡ ଭୁଲ କରିଦେଲି ସେଥିପାଇଁ ମନ ହାଲୁକା କରିବାକୁ ଯାଇଥିଲି।

ଲକି ପଚାରିଲା ଆମର ବାହାଘର ଆଲବମ୍ ଦେଖି ତୋତେ କାହିଁକି କାନ୍ଦ ଲାଗିଲା? ରୋଜି କହିଲା , ସେ କଥା ତୋତେ କହି ପାରିବିନି ଲୋ, ତୁ ବହୁତ୍ ମନ ଦୁଃଖ କରିବୁ ।

ଲକି କାହିଁକି , ତୁ କହ, ତୁ ମୋର ବେଷ୍ଟ ଫ୍ରେଣ୍ଡ୍ । ତୋତେ କହିବାକୁ ହେବ । ରୋଜି କହିଲା , ନା ଲୋ ମୋ କଥା ଶୁଣ, ତୁ ଯଦି ଶୁଣିବୁ ତେବେ ତୋର ଘର ଉଜୁଡ଼ି ଯିବ ।

ଲକି , କାହିଁକି ମୋ ଘର ସହିତ କିଛି କଥା ଅଛି କି ?? ରୋଜି ହଁ!!!।
ଲକି ପଚାରିଲା ତୋତେ ଆଜି କହିବାକୁ ପଡ଼ିବ, ମୋର କିଛି ହେବନି। ତୁ ମୋ ଉପରେ ବିଶ୍ୱାସ ରଖ।

ତାପରେ ରୋଜି ତାର ଅତୀତ କୁ ଶୁଣେଇବା ପାଇଁ ପାଞ୍ଚ ବର୍ଷ ପଛକୁ ଯାଇ ଲକି କୁ ନିଜ କାହାଣୀ ବିଷୟରେ କହିବାକୁ ଆରମ୍ଭ କରିଲା କିନ୍ତୁ ତା ସହିତ ଆଉ କିଛି ଘଟିଥିବା ଘଟଣା ମୁଁ କହିବାକୁ ଯାଉଛି । ଚାଲନ୍ତୁ ଜାଣିବା କଣ ହୋଇଥିଲା ।

ରୋଜି ଏବଂ ସୁକାନ୍ତ ଦୁହେଁ ଭଲ ସାଙ୍ଗ । ସେ ଦୁହେଁ ଭଲ ଛାତ୍ର ଛାତ୍ରୀ । ସାଙ୍ଗ ହେଉ ହେଉ ସୁକାନ୍ତ ରୋଜି କୁ ଭଲ ପାଇ ବସିଲା । କାରଣ ରୋଜି ହେଉଛି , ସୁକାନ୍ତ ର ବାପା ଙ୍କ ସାଙ୍ଗ ଙ୍କ ଝିଅ ।

+୩ ସରିବା ପରେ ସୁକାନ୍ତ ରୋଜି ବହୁତ୍ କଥା ହେବାକୁ ଲାଗିଲେ । ଇତି ମଧ୍ୟରେ ରୋଜି ଏବଂ ସୁକାନ୍ତ ଦୁହେଁ ଦୁହିଁଙ୍କୁ ପସନ୍ଦ କରିବାକୁ ଲାଗିଲେ କିନ୍ତୁ ସମୟର ବିଡମ୍ବନା , ଦିନେ ସୁକାନ୍ତ ରୋଜି ଘରକୁ ଆସିଥିଲା ସେଠୀ ସେ ରୋଜି କୁ ପ୍ରୋପୋଜ୍ କରିଦେଲା ।

ଏହି ସମୟରେ ରୋଜି ନିଜ ଅସଲ ରୂପ ଦେଖାଇଲା । ରୋଜି ଡାଇରେକ୍ଟ କହିଲା। ତୁ ଲିମିଟ୍ କ୍ରସ କରୁଛୁ। ତୁ ସାଙ୍ଗ ହୋଇ ରହିବୁ ଯଦି ରହ ତା ଠୁ ଅଧିକା ମୋ ଠାରୁ କିଛି ଆଶା କରିବୁ ନାହିଁ ।

ଏହି କଥା ପରେ ସୁକାନ୍ତ, ରୋଜି କୁ ବହୁତ୍ ବୁଝେଇଲା। ଦେଖ ରୋଜି ତୋ ବାପା ମୋ ବାପା ଭଲ ସାଙ୍ଗ ଏବଂ ଆମ ପରିବାର ମଧ୍ୟ ଏହି ପ୍ରସ୍ତାବ କୁ ମନା କରିବେ ନାହିଁ ।

ତୁ କାହିଁକି ମନା କରୁଛୁ । ସେତେବେଳେ ରୋଜି ସୁକାନ୍ତ କୁ କହିଲା , ନିଜ ଚେହେରା ଦେଖିଛୁ । ତୁ କୋଉ କୋଣ ରେ ମୋ ସହିତ ଫିଟ୍ ହେବୁନି ।

ବାକି କଥା ହେଲା ମୁଁ ତୋତେ ଲାଇଫ୍ ପାର୍ଟନର କେବେ କରିବାକୁ ଚାହିଁବି ନାହିଁ । ସୁକାନ୍ତ ପଚାରିଲା ? କଣ ଅସୁବିଧା କହ ଏବଂ ମୋ ଠାରେ କଣ କମ୍ ଅଛି ।

ରୋଜି କହିଲା କଣ କମ୍ ଅଛି । ମୁଁ ଗୋଟିଏ କଥା କହୁଛି ଶୁଣ। ମୋର ଯିଏ ଲାଇଫ ପାର୍ଟନର ହେବ ସେ ହାଣ୍ଡସମ, ତଥା ସରକାରୀ ଚାକିରିଆ ହୋଇଥିବା ଦରକାର ।

ସୁକାନ୍ତ କହିଲା ମୁଁ ଚେଷ୍ଟା କରିବି ସରକାରୀ ଚାକିରି ପାଇଁ କିନ୍ତୁ ତୋତେ ଗାରେଣ୍ଟି ଦେଇ ପାରିବିନି । ଆଉ ରହିଲା ହାଣ୍ଡସମ୍ । ତୁ ଯଦି କହିବୁ , ମୁଁ ପ୍ରତିଦିନ ଜିମ୍ ଯିବି ଏବଂ ତୁ ଯେମିତି ଚାହିଁବୁ ସେମିତି ହୋଇ ଦେଖେଇବି।

ରୋଜି ହସି ହସି କହିଲା । ତୋର ପୁଣି ସରକାରୀ ଚାକିରୀ । ହା ହା ହା, ତୁ ହେଉଛୁ ପାଗଳ । ତୋର ପୁଣି ସରକାରୀ ଚାକିରୀ । ସୁକାନ୍ତ ଅଳ୍ପ ମୁଡ୍ ଅଫ ହୋଇ କହିଲା । ଏଥିରେ ହସିବାର କଣ ଅଛି ମୋ ଭାଗ୍ୟରେ ଯଦି ଚାକିରି ଥିବ ତେବେ ନିଶ୍ଚୟ ହେବ ।

ରୋଜି ସୁକାନ୍ତ ର କଥା କୁ କାଟି। ମୁଁ ଲେଖି କି ଦେଉଛି ତୋର କେବେ ଚାକିରି ହେବ ନାହିଁ । ସୁକାନ୍ତ କହିଲା , ବହି ମଲାଟ ଦେଖି ବହି ଭିତରେ ଥିବା କାହାଣୀ କହିବା ଏତେ ସହଜ ନୁହେଁ । ପୁରା ପଢିଲା ପରେ ଜାଣିବୁ ଯେ ବହି ଭିତର କାହାଣୀ କଣ?

ରୋଜି କହିଲା, ତୁ ମୋତେ ଫିଲ୍ମ ଡାଇଲଗ ମାରେନି । ସୁକାନ୍ତ କହିଲା, ଆରେ ଆମ ପାଞ୍ଚ ବର୍ଷ ର ବନ୍ଧୁତା ରେ ତୁ କଣ ମୋତେ ଚିହ୍ନି ପାରିଲୁନି ଏବେ +୩ ପରେ ୨ ବର୍ଷ ହେଲା ଆମେ ଫୋନ୍ ରେ କଥା ହେଉଛୁ। ତୁ ଭଲ କରି ଜାଣିଛୁ ।

ଆଉ କଣ ତୋତେ ମୋ ବିଷୟରେ କହିବି। ରୋଜି କହିଲା , ସେଥିପାଇଁ ତ ତୋତେ କହିଲି ତୋର କେବେ ମଧ୍ୟ ଚାକିରି ହେବ ନାହିଁ ।

ଏମିତି ପ୍ରାୟ ଏକ ଘଣ୍ଟା କଥା ଯୁଦ୍ଧ ପରେ ସୁକାନ୍ତ ରାଗି କହିଲା । ହଉ ତୁ ଯଦି ମୋ ସହିତ ବ୍ରେକ ଅପ୍ କରିବାକୁ ଚାହୁଁଛୁ କର କିନ୍ତୁ ତୋ ଜୀବନରେ ଏମିତି ସମୟ ନ ଆସୁ କି ଆଜିର ଦିନ ପାଇଁ ତୋତେ ଲୁହ ଗଡେଇ ବାକୁ ପଡ଼ିବ ।

ରୋଜି ରାଗରେ ଜବାବ୍ ଦେଇ କହିଲା । ତୋ ପାଇଁ, ପୁଣି ମୁଁ କାନ୍ଦିବି । ଚାଲ ହଟ, ଏଇଟା କେବେ ହେବ ନାହିଁ ।

ସୁକାନ୍ତ ରାଗରେ ଉଠି ଚାଲିଗଲା । ସୁକାନ୍ତ ଏବଂ ରୋଜି ର କଥା ବାର୍ତ୍ତା କେହି ଶୁଣି ନାହାଁନ୍ତି କି ଜାଣି ନାହାନ୍ତି। ସୁକାନ୍ତ ଉଠି ଯିବାର , ରୋଜି ର ମମି ପଚାରିଲେ । କଣ ବାବୁ ଖାଇକି ଯିବ।

ସୁକାନ୍ତ କହିଲା, ନା ମାଉସୀ ଆଜି ଭୋକ ନାହିଁ । ମୁଁ ଆସୁଛି କହି ସେଠୁ ସୁକାନ୍ତ ଫେରିଗଲା ନିଜ ଘରକୁ। ସୁକାନ୍ତ ଏବଂ ରୋଜି ର ସାତ ବର୍ଷର ସମ୍ପର୍କ କ୍ଷଣକ ମଧ୍ୟରେ ଭାଙ୍ଗିଗଲା ।

ଏହି ଘଟଣା ପରେ ସୁକାନ୍ତ କୁ ବହୁତ୍ ଦୁଃଖ ହେଲା । କିନ୍ତୁ ସେ ହାରିଲା ନାହିଁ । ସେ ନିଜ ଜୀବନର ପ୍ରାୟ ସମୟ ନିଜ ଭବିଷ୍ୟତ ଗଢିବାରେ ରେ ଲାଗିପଡିଲା ।

ପ୍ରାୟ ୩ ବର୍ଷର କଡ଼ା ପରିଶ୍ରମ ପରେ । ସେ ବ୍ୟାଙ୍କ୍ ର ଆକାଉଣ୍ଟାଣ୍ଟ ଭାବେ ନିଯୁକ୍ତି ପାଇଲା । ଏହି ୩ ବର୍ଷ କେବଳ ପାଠ ପଢା ଛଡ଼ା କେବେ ମଧ୍ୟ ରୋଜି କଥା ଚିନ୍ତା କରିନି।

କହିବାକୁ ଗଲେ କେବଳ ନିଜ ଜିଦ୍ ରେ ଅଟଳ ହୋଇ ପାଠ ପଢୁଥାଏ । ସୁକାନ୍ତ ଚାକିରି ପାଇବା ପୂର୍ବରୁ ରୋଜି ର ବାହାଘର ଠିକ୍ ହୋଇଗଲା । ତାହା ମଧ୍ୟ ଗୋଟିଏ ଇଞ୍ଜିନୟର ସହିତ ।

ଦେଖନ୍ତୁ ଏମିତି ସମୟ ଆସି ପହଁଚିଲା ରୋଜି ର ବାହାଘର ପୂର୍ବ ଦିନ ସୁକାନ୍ତ ବ୍ୟାଙ୍କ୍ ରେ ଜଏନ କରିଲା। ସୁକାନ୍ତ ର ଘରକୁ ନିମନ୍ତ୍ରଣ ଥିଲା କିନ୍ତୁ ସୁକାନ୍ତ ସେ ବାହାଘର ରେ ଉପସ୍ଥିତ ହେଲା ନାହିଁ ।

ବାହାଘର ସରିବା ପରେ ରୋଜି ନିଜ ସ୍ବାମୀ ସହିତ ହାଇଦ୍ରାବାଦ ଚାଲିଗଲା । ଏପଟେ ସୁକାନ୍ତ ରୋଜି ସବୁ ଖବର ଜାଣୁ ଥାଏ ଏବଂ ସୁକାନ୍ତ ର ପ୍ରତ୍ୟେକ ଖବର ରୋଜି ପାଖରେ ଥିଲା କିନ୍ତୁ ଦୁହେଁ ସେ ଝଗଡା ପର ଠାରୁ କେବେ କଥା ହୋଇ ନଥାନ୍ତି ।

ସୁକାନ୍ତ ନିଜ ଘର ଠାରୁ ୧୦୦ କିମି ଦୂର ଏକ ବ୍ୟାଙ୍କ୍ ରେ ଚାକିରି କରି, ବର୍ଷେ ପରେ ସେ ନିଜ ଘର ଠାରୁ ୧୦ କିମି ଦୂର ଏକ ବ୍ୟାଙ୍କ୍ ରେ ରହି ଚାକିରୀ କରିଲା।

ସେ ସବୁବେଳେ ଘରୁ ଯିବା ଆସିବା କରୁଥାଏ ।
ଏତେ ସମୟ ଗଡିଲା ପରେ ସୁକାନ୍ତ ର ଘର ଲୋକେ ସୁକାନ୍ତ ପାଇଁ ଝିଅ ଖୋଜିବା ଆରମ୍ଭ କରିଦେଲେ ।

ଦୁଇଟି ଜାଗାରେ ଦେଖିବା ପରେ ତୃତୀୟ ଜାଗାରେ ଝିଅ ପସନ୍ଦ ହେଲା। ଝିଅ ଦେଖିବାକୁ ବହୁତ ସୁନ୍ଦର। ବାପା ଅବସର ପ୍ରାପ୍ତ ଶିକ୍ଷକ ଥିଲେ ।

ବାକି କାହାଣୀ ତଳେ ଦିଆ ଯାଇଥିବା Link ରେ ଅଛି :