Tag Archives: My First love

Luha re Karichhi Ghara ( ଲୁହରେ କରିଛି ଘର )

Luha re Karichhi Ghara ( ଲୁହରେ କରିଛି ଘର )
Luha re Karichhi Ghara ( ଲୁହରେ କରିଛି ଘର )



ଏଇ ଜନମରେ ତୁମ ସାଥି ମୁଁ, 
          ହୋଇ ତ ପାରିଲି ନାହିଁ,

ଆର ଜନମରେ ହେବି କି ନ ହେବି
          କିଛି ମତେ ଜଣା ନାହିଁ …



ତୁମେ କହିଥିଲ ପଛକଥା ସବୁ 
          ଭୁଲି ଯାଅ ଧୀରେ ଧୀରେ,

କେତେ କଷ୍ଟ ଯେ ଭୁଲିବା ତୁମକୁ
          ଖୋଜେ ପ୍ରତି ମୁହୂର୍ତ୍ତରେ …



ବୁଝାଇ କହିଲ ଯେତେବେଳେ ତୁମେ
         ବୁଝି ଯାଇଥିଲି ମୁହିଁ,

କିନ୍ତୁ ସ୍ବପ୍ନ ର ଛାୟା ରେ ଘୁରି ବୁଲେ ଖାଲି
        ତୁମକୁ ପାଇବା ପାଈଁ…



ପଛ କଥା ଭୁଲି ଖୁସିରେ ଦି ପାଦ
        ଆଗକୁ ମୁଁ ଚାଲିଗଲି,

ସେହି ଖୁସି ପୁଣି ଦୁଃଖ ଦେବ ବୋଲି 
        ଏବେ ମୁଁ ଜାଣି ପାରିଲି …



ଲୁହରେ ଭିଜି ମୁଁ, ଲୁହକୁ ପିଇ ମୁଁ 
         ଲୁହରେ କରିଛି ଘର,

ସେହି ଲୁହ ପୁଣି ତୁମ ସ୍ମୃତି ନେଇ
         ଆଙ୍କେ ଛବି ବାରମ୍ବାର …



ଛବି ଦେଖି ଆଜି ଭାବେ ମୁଁ ସଖା ହେ 
        ପାଖେ ପାଖେ ଅଛ ମୋର,

ହେଲେ ମୋ ଭାବନା ସବୁ ବାଟବଣା
         ତୁମେ ଯେ ହେଇଛ ଆଉ କାହାର …




ତୁମ କଥା ଭାବି ଆଖିରୁ ନିଦ ମୋ 

        କେବେଠୁ ଯାଇଛି ହଜି,

ହେଲେ ତୁମେ ଆଉ କାହା ସ୍ବପ୍ନ ପାଈଁ,

        ଭୁଲିଛ ମୋ ସ୍ମୃତି ଆଜି …



ମିନ୍ମୟୀ ବେହେରା ଙ୍କ 
କବିତା ପୃଷ୍ଠାରୁ……
Follow My Pages:- 

First Love (ପ୍ରଥମ ପ୍ରେମ)


First Love (ପ୍ରଥମ ପ୍ରେମ)
First Love (ପ୍ରଥମ ପ୍ରେମ)


ସୁନେଲି ସପନ ଭାଙ୍ଗି ଗଲା ଯେବେ, 
ସରିଗଲା ଜହ୍ନ ରାତି

ସପନର ଦୃଶ୍ୟ ଅଧା ରହିଗଲା
ମନ ହୋଇଗଲା ଦୁଃଖି


ମନ ଦେଇ ମୁଁ ପାଇଥିଲି ଭଲ
ମୁଁ ହିଁ ଜାଣେ ସେ ବେଦନା

ଦୁନିଆ ଆଖିରେ ହସୁଅଛି ସିନା
ଅନ୍ତରେ ବିରହ କାନ୍ଦଣା


ଅଭୁଲା ଅତୀତ ଆଖି ଅନ୍ତରରେ
ଲୁହ ହୋଇ ବହିଯାଏ

ମନର ବେଦନା ନ ବୁଝି ସମାଜ
ପାଗିଳିନୀ ବୋଲି କୁହେ


ଦିନ ବିତିଯିବ ସମୟ ସ୍ରୋତରେ
ଲିଭିଯିବ ସବୁ ଚିହ୍ନ

ସ୍ମୃତି ରହିଯିବ ହୃଦୟ କନ୍ଦରେ
ଥିବ ଯେତେ ଦିନ ଏ ଜୀବନ


ପୁନେଇ ରାତିର ଚକା ଜହ୍ନ ପରି
ହୃଦୟେ ପ୍ରଥମ ପ୍ରେମ

ପ୍ରଥମ ପ୍ରେମ ଯେ ରହିଥିବ
ସଦା ମନରେ ମୋ ଚିର ଦିନ


କିଏ କେବେ କଣ ପ୍ରଥମ ପ୍ରେମକୁ
ହୃଦୟରୁ ପାରେ ଭୁଲି…

ସମୟର କୋଳେ ହଜିଯିବ ସବୁ
ସ୍ମୃତି ରହି ଯିବ ଖାଲି…

ମିନ୍ମୟୀ ବେହେରା ଙ୍କ 
କବିତା ପୃଷ୍ଠାରୁ……
Follow My Pages:-