ରିନା କହିଲା ମୁଁ ଘରୁ ଯିବା ଆସିବା କରି ସେ ପାର୍ଟ ଟାଇମ୍ ଚାକିରି କରିଲେ ହେବ ନାହିଁ କି ?? ରାଜୁ, ବୋଧ ହୁଏ ଅସମ୍ଭବ ହେବ। କାରଣ ତୁମେ କେବଳ ସଂଧ୍ୟା ୪ ଟା ରୁ ରାତି ୮ ଟା ପର୍ଯ୍ୟନ୍ତ ଚାକିରି କରିବ ବାକି ସକାଳେ ତମେ କଲେଜ୍ ଆସିବ ଏବଂ ରାତି ୮ଟା ପରେ ତମ ଗାଁ ଯିବା ପାଇଁ ଅସୁବିଧା ହେବ ? ଏଠାରୁ ତ ହାରାହାରି ୬-୭ କିମି ହେବ । ରୀନା ମଧ୍ୟ ଅଳ୍ପ ଭାବି କହିଲା ମୁଁ ପ୍ରଥମେ ଘରକୁ ଯାଏ ତାପରେ ତମକୁ ଫୋନ୍ କରି ଜଣେଇବି ।
ଦିନ ସାରା କଲେଜ୍ ରେ ରିନା ରାଜୁ କହିଥିବା କଥା ବିଷୟରେ ଭାବୁଥାଏ। ସନ୍ଧ୍ୟାବେଳେ , ଘରକୁ ଗଲା କୁନା କୁ ସବୁ କଥା ଜଣାଇଲା । କୁନା ଖୁସିରେ କହି ଉଠିଲା ବହୁତ୍ ଭଲ କଥା ଆମେ ସହର ରେ ରହିବା, ଏବଂ ସେଠି ତୁ ଚାକିରି କରିବୁ । ସକାଳେ ତୁ ଖାଇବା ବନେଇ ଦେବୁ ଏବଂ ସନ୍ଧ୍ୟାରେ ମୁଁ ବନେଇ ଦେବୀ ? ରିନା, କହିଲା, ଗାଁ ଛାଡି କରି ଗଲେ। ଗାଁ ର ଏହି ଦୁଇ ବଖରା ଘର କୁ ଛାଡ଼ିବାକୁ ମୋର ଇଚ୍ଛା ନାହିଁ ରେ। ପୁଣି ସହର ର ବାତାବରଣ କେମିତି ଥିବ ସେଠି ଚାକିରି କେମିତି କା ମିଳିବ । ତାହା ମଧ୍ୟ ଦେଖିବାକୁ ହେବ। ସେଥିପାଇଁ ଏବେ ଠାରୁ ସ୍ବପ୍ନ ଦେଖିବା ଭୁଲ। କୁନା: ରାଜୁ ଭାଇ ବହୁତ୍ ଭଲ , ତୁ ତାଙ୍କ ଉପରେ ବିଶ୍ୱାସ କରିବା କଥା ଏବଂ ମୋତେ ଯାହା ଲାଗୁଛି ସେ ତୋତେ ପସନ୍ଦ ମଧ୍ୟ କରନ୍ତି। ରିନା : ଚୁପ୍ କର । ସେମିତି କିଛି ନାହିଁ । କୁନା: ଆରେ ରାଗୁଛୁ କାହିଁକି ଯେ, ଆମେ ତ ଆଗରୁ ସାଙ୍ଗ ଥିଲେ । ଯଦି ଆମେ ସୁଖ ଦୁଃଖ ବାଣ୍ଟିବା ନାହିଁ ତ ଆଉ କାହାକୁ କହିବା । ରିନା: ମୁଁ କିଛି ଭାବି ପାରୁନି କଣ କରିବି ? କୁନା: ଯାହା କରିବୁ , ଆମ ଦୁଇ ଜଣଙ୍କ ଭଲ ପାଇଁ ଚିନ୍ତା କରିବୁ। ଚାଲ ଏବେ ଖାଇବା। ଦୁହେଁ ଖାଇଲା ପରେ , ରାତି ସାରା ରିନା ସେଇ କଥା ହିଁ ଭାବୁଥାଏ । ସକାଳେ କଲେଜ୍ ଗଲା, ସେଠି ରାଜୁ ପଚାରିଲା କଣ ନିଷ୍ପତି ନେଲ ?
ରିନା: ସହର ରେ ରହି ପଢିବାକୁ ନିଷ୍ପତି ନେଲି ସିନା ଘର ଛାଡ଼ି ଆସିବାକୁ ମୋର ଜମାରୁ ଇଚ୍ଛା ନାହିଁ । ରାଜୁ: ପୁଣି ସେଇ କଥା ?? ଆରେ ବେଳେବେଳେ ଯାଇ ବୁଲି ଆସିବ । ରିନା: ଠିକ୍ ଅଛି । ରାଜୁ: ଥେଙ୍କ୍ ୟୁ ମାଇଁ ଡାର୍ଲିଂ କହି ରିନା କୁ କୁଣ୍ଢେଇବାକୁ ଆସୁଥିଲା । ରିନା ତାକୁ ଅଟକେଇ କହିଲା । ନା, ମୁଁ ତୁମକୁ ହଗ୍ କରିବାକୁ ଚାନ୍ସ ଦେବୀ ନାହିଁ। ରାଜୁ ପୁଣି ଦୁଃଖୀ ହେବାର ନାଟକ କରିଲା, ଏବେ ରିନା ରାଜୁ ର ଗାଲକୁ ଅଳ୍ପ ଚିମୁଟି ଟିକେ ଆଉଁସି ଦେଲା। ରାଜୁ: ଖାଲି ଏତିକି । ରିନା: ହଁ କେବଳ ଏତିକି । ତେବେ ଘର ଦେଖିବାକୁ କେତେବେଳେ ଯିବା ? ରିନା: କ୍ଲାସ୍ ସରିବା ପରେ ଯିବା। ରାଜୁ, ନା ନା, ସେ ଘର ମାଲିକ ୧୨ ଟା ରେ ଆଉ କୁଆଡେ ଯିବ ବୋଲି କହୁଥିଲେ। ଚାଲ ଏବେ ବୁଲି ଆସିବା । ରିନା ଅଳ୍ପ ମୁହଁ ଶୁଖେଇ କହିଲା ହଉ ଠିକ୍ ଅଛି । ତାପରେ ଦୁହେଁ ରାଜୁ ର ବାଇକ୍ ରେ ବସି ଘର ଦେଖିବାକୁ ବାହାରିଲେ । ଘର ମାଲିକ: ରାଜୁ ସହିତ ରିନା କୁ ଦେଖି କହିଲା ତମର ଯୋଡ଼ି ପୁରା ମେଚିଙ୍ଗ ହେଉଛି ତମେ ବାହା ହେଇ ଯାଉନ କାହିଁକି ?? ଘର ମାଲିକ କଥା ଶୁଣି ରିନା କିଛି କହୁ ନଥାଏ । ରାଜୁ କହିଲା, ଅଙ୍କଲ ସେହି କଥା କୁ ମୁଁ ରିନା କୁ କେତେ ଥର କହିଛି କିନ୍ତୁ ସେ ମନା କରୁଛି ପରା । ମାଲିକ: ଆରେ ମୁଁ ଅଳ୍ପ ମଜାଳିଆ ଲୋକ, ଖରାପ ଭାବିବ ନାହିଁ ଝିଅ । ଏଥର ରିନା ମୁହଁରେ ଅଳ୍ପ ହସ ଭରି ଆସିଲା । ରାଜୁ: କଣ ଅଙ୍କଲ ଭଲ କଥା ଟିଏ କହୁଥିଲ ପୁଣି ଟପିକ ଚେଞ୍ଜ କରିଦେଲ । ଅଙ୍କଲ: ନା ରେ ବାବୁ ସେଇଟା ତମ ଲାଇଫ !! ତୁମେ ସ୍ଥିର କରିବ । ଆମେ ଭଡ଼ା ଦେବା ଲୋକ । ଆମକୁ ଭଲ ଭଡ଼ା ଟିଆ ମିଳିଲେ ଆମ ବେପାର ଚାଲିଲେ ଆମେ ଖୁସି ।
ତାପରେ ରାଜୁ ପଚାରିଲା, ଅଙ୍କଲ ଘର ଦେଖାଇବ ପ୍ଲିଜ୍ ?? ଆରେ ଚାଲ ଚାଲ !! ଘର ଦେଖି ରିନା ବହୁତ୍ ପସନ୍ଦ କରିଲା ମାତ୍ର ଦୁଃଖୀ ମଧ୍ୟ ହେଲା ଯେ ଘର ଭଡ଼ା ଅଧିକ ଥିବ ବୋଲି । ସେ ରାଜୁ କୁ ଟାଣି ଆଣି କୋଣ ରେ ପଚାରିଲା। ନା ନା ଚାଲ ଆଉ କୋଉଠି ଘର ଦେଖିବା ଯେଉଁଠି ଗୋଟିଏ କିମ୍ବା ଦୁଇଟି ରୁମ୍ ଥିବ। ରାଜୁ: ଏଠି କଣ ଅସୁବିଧା । ରିନା: ଟିକେ ହାତ ଠାର ରେ ପଇସା ଅଧିକ ବୋଲି କହିଲା। ରାଜୁ ହସିବାକୁ ଲାଗିଲା । ରାଜୁ: ତମେ ପ୍ରଥମେ ଅଙ୍କଲ କୁ ପଚାର ? କେତେ ଟଙ୍କା ତାପରେ ସ୍ଥିର କରିବ । ରିନା: ନା ନା, ମୁଁ ଜାଣିଛି ଅଧିକ ଟଙ୍କା ଥିବ। ଗୋଟିଏ ବଡ ହଲ୍, ଦୁଇଟି ବେଡ୍ ରୁମ୍, ଆଉ ସବୁ ଘର ମାର୍ବଲ ସେଥିରେ ପୁଣି ନୂଆ ଘର !! ରାଜୁ ଅଙ୍କଲ କୁ ଡାକିଲା। ଅଙ୍କଲ: କଣ ସ୍ଥିର କରିଲ ?? ରାଜୁ: ତମେ ଘର ଭଡ଼ା କଥା କୁହ ? ଅଙ୍କଲ: ଝିଅ , ରାଜୁ ତୁମ ବିଷୟରେ ସବୁ କଥା କହିଛି, ତମେ ଯେତେ ଦିନ ପାରୁଚ ସେତେ ଦିନ ରହିବ । ମାତ୍ର ମୋର କିଛି ସର୍ତ୍ତ ଶୁଣି ନିଅ ତାପରେ ମୁଁ ଘର ଭଡ଼ା କଥା କହିବି । ତମେ ରାତି ୧୧ ଟା ପରେ ଘରୁ ବାହାରିବ ନାହିଁ । ତମେ ଭାଇ ଭଉଣୀ ସହିତ ଦିନ ବେଳେ ତୁମ ସାଙ୍ଗ ମାନେ ଆସି ପାରିବେ। ମାତ୍ର ଝିଅ ସାଙ୍ଗ ଚଳିବ ଏବଂ ପୁଅ ସାଙ୍ଗ କେବଳ ରାଜୁ ହିଁ ଆସି ପାରିବ । ରିନା, ରାଜୁ କାହିଁକି ଆସିବ ?? ଅଙ୍କଲ, କାରଣ ରାଜୁ କୁ ମୁଁ ପୁଅ କରିଛି ସେ ଆସି ପାରିବ । ଆଉ ତମେ ଯଦି ମନା କରିବ ତେବେ ତାକୁ ମଧ୍ୟ ଆସିବାକୁ ମନା କରିଦେବି। ରିନା,(ଅଳ୍ପ ହସି) ହଁ ଠିକ୍ କଥା, ସେ ଆସିଲେ ମୋ ମୁଣ୍ଡ ଖାଇବ । ରାଜୁ: କଣ ମୁଁ ତୁମ ମୁଣ୍ଡ ଖାଉଛି ? ରିନା: ଆଉ କଣ ?? ସବୁବେଳେ ବଲ ବଲ , କେତେବେଳେ ଶାନ୍ତି ନାହିଁ । ରାଜୁ: ମୁହଁ ବୁଲେଇ ଅଙ୍କଲ କୁ କହିଲା , ଅଙ୍କଲ ତମେ କଥା ହୁଅ ମୁଁ ବାହାରେ ଅପେକ୍ଷା କରିଛି । ରାଜୁ ଗଲା ବେଳେ ରିନା ପଛ ପଟୁ ହାତ କୁ ଧରି କହିଲା, ଆଛା ତମେ ମଜା କରିବ, ମୁଁ କିଛି କୁହେନି ଆଉ ମୁଁ ମଜା କରିଲେ ତମର ରାଗ । ଏଇଟା କଣ ଠିକ୍ କଥା ?? ରାଜୁ: ରୁହ ରୁହ, ତମେ ଆଜିକାଲି ବେଶୀ ଚାଲାକ୍ ହେଲଣି !! ଅଙ୍କଲ: ଆରେ ତମ ମାନଙ୍କ ଝଗଡ଼ା ସରିଲେ ମୋତେ କହିବ ମୁଁ ବାକି କଥା କହିବି। ରିନା: ନା ନା ଅଙ୍କଲ ଆପଣ କୁହନ୍ତୁ ?? ଅଙ୍କଲ: ଆଉ ଗୋଟିଏ ସର୍ତ୍ତ ହେଲା, ତମେ ମୋ ଦୁଇଟି ଝିଅ ଏବଂ ମୋର ଭଉଣୀ ର ଝିଅ କୁ ବେଳେବେଳେ ପଢ଼େ଼ଇ ଦେବ। କିନ୍ତୁ ତାଙ୍କର ପଢା ଖର୍ଚ୍ଚ ବଦଳରେ ତମକୁ ଘର ଭଡ଼ା ରୁ ମୁଁ କାଟି ଦେବି ଏବଂ ତମେ ଯେତେ ବିଜୁଳି ଖର୍ଚ୍ଚ କରିବ ସେତିକି ଦେବ ଏବଂ ମାସିକ ୫୦୦ ଟଙ୍କା ଘର ଭଡ଼ା ଦେବ ।
କ୍ରମଶଃ….
