Category Archives: #ଓଡ଼ିଆ

ଦୁନିଆ ର ଲୋକ ସବୁବେଳେ ଏମିତି କହିବେ !!

ମଣିଷ ସେତେବେଳେ ନିଜକୁ ହିନ ମନେ କରେ ଯେବେ ନିଜ ସମତୁଲ ବ୍ୟକ୍ତି ଟେ ଉପର ପଦବୀ ଅବା କୌଣସି ଚାକିରି ରେ ପଦସ୍ତ ହୁଏ ।

ସେତେବେଳେ ସେ ନିଜକୁ ଏତେ ଦୁର୍ବଳ ମନେ କରେ ଯେ ମୃତ୍ୟୁ କରିବାକୁ ମଧ୍ୟ ପଛାଇ ନଥାଏ।

ଜାଣିଛ ସବୁଠୁ ବଡ ଖରାପ ଲାଗେ ସେତେବେଳେ, ଯେବେ ନିଜ ଲୋକ ତୁମର ହାର କୁ ବାରମ୍ବାର ଆପଣଙ୍କ ସାମ୍ନାରେ ଆଲୋଚନା କରେ।

ଏବଂ ସେମାନେ ତୁମ ସାମ୍ନାରେ କହିବାକୁ ପଛାନ୍ତି ନାହିଁ । ହେଲେ ଅସଲ ରେ ଜୀବନ ଟା ଗୋଟିଏ ପରୀକ୍ଷା ଗୃହ।

ଏଥିରେ ସମସ୍ତ ଙ୍କ ବିଜୟ ହାସଲ ହେବ ତାହା ସତ୍ୟା ସତ୍ୟ ନୁହେଁ  । ହେଲେ କିଛି ଏମିତି ଲୋକଙ୍କ ଟାହି ଟାପରା ରୁ ଆମେ ବଞ୍ଚି ପାରୁ ନଥାଉ ।

ସବୁ ବେଳେ ସେହି କଥା । ବେଳେବେଳେ ଇଚ୍ଛା ହୁଏ ଯେ, ଯାଇ ତା ଗାଲରେ ଦୁଇ ଚାପୁଡ଼ା ସେକି ଦେବା ପାଇଁ କିନ୍ତୁ ବିବେକ କହି ଉଠେ, ଆରେ ଭାଇ ଛାଡ ଲୋକ ଏମିତି କହିବେ, ଆଉ ତାଙ୍କର କାମ ତାହା  ।

ଯଦି ସେମିତି କହିବେ ନାହିଁ । ତେବେ ସେ ଅବା କଣ କରି ପାରିବେ।  ମାତ୍ର ତୁମ ଭଳି ସଂଘର୍ଷ କରି ପାରିବେ ନାହିଁ। 

ତୁମ ଭଳି ବିଜୟ କୁ ହାସଲ କରିବା ପାଇଁ ଦୁନିଆ ଆଗରେ ନିଜକୁ ବାଜି ଲଗାଇ ପାରିବେ ନାହିଁ।

  କାରଣ ଯେଉଁମାନେ ଅଳସୁଆ ଆଉ ନିର୍ଲଠ ସେମାନେ ନା କେବେ କରିବେ ନା କାହାକୁ କରିବାକୁ ଦେବେ ନା କେବେ ଅନ୍ୟକୁ ଖୁସିରେ ଦେଖିବାକୁ ଚାହିଁବେ ।
 
  ହେଲେ ମଣିଷ ଟା ସେତେବେଳେ ପର୍ଯ୍ୟନ୍ତ ହାରିଯାଇ ଥାଏ ଆଉ ଭୁଲ କରିବାକୁ ନିଷ୍ପତି ନିଏ କିନ୍ତୁ ଆଶାର ଉଦୟ ପୁଣି ଆଲୋକ ପ୍ରଦାନ କରି ତା ମନରେ ପୁନଃ ବିଜୟ ର ପାହାଚ ଚଢ଼ିବାକୁ ସାହସ ଦିଏ ।
 
ଆଉ ସେ ପୁଣି ଥରେ ପ୍ରଥମ ରୁ ଚଢିବା ଆରମ୍ଭ କରେ ।
ତେବେ ଆପଣ ମଧ୍ୟ ଯଦି ହାରି ଛନ୍ତି ତେବେ ପୁଣି ପାହାଚ ଚଢ଼ିବାକୁ ଚେଷ୍ଟା କର।

ବିଜୟ ର ସ୍ଵାଦ ଆପଣ ମଧ୍ୟ ଚାଖି ପାରିବେ।  କେବେ ନିଜକୁ ହାର ମାନନ୍ତୁ ନାହିଁ । ମୋ ତରଫରୁ ପୁଣି ଥରେ ହାର୍ଦ୍ଧିକ ଶୁଭେଚ୍ଛା ଯେ , ଆପଣ ଦୁନିଆ କୁ କରି ଦେଖାଇ ପାରିବେ ।

ନିଜକୁ ଦୁର୍ବଳ ମନେ କରନ୍ତୁ ନାହିଁ ।  କାରଣ ମଣିଷ ଯଦି ଥରେ ହାରି ଯାଏ ସେ ଦୁନିଆ ର ସମସ୍ତ ପରିସ୍ଥିତି ରେ ହାରି ଥାଏ ।

ପୁନଃ ଜାଗ୍ରତ ହୁଅ। ନିଜକୁ ପ୍ରସ୍ତୁତ କର ଏବଂ ଦୁନିଆ କୁ ସାମ୍ନା କରିବାକୁ ପୁଣି ଥରେ ଜାଗ୍ରତ ହୁଅ ।

କଣ ଆପଣଙ୍କ ସହିତ ମଧ୍ୟ ଏମିତି ହୁଏ କି ???

କିଛି ସମ୍ପର୍କ ଲୋକ ଙ୍କ ଆଗରେ ତିଷ୍ଠି ରହେ ମାନେ “ଦେଖାଣିଆ” କିନ୍ତୁ ଘରୋଇ ଏବଂ ଆନ୍ତରିକ ସମ୍ମାନ ତିଷ୍ଠି ରହି ପାରେନା ।

କଣ ଏହା ସତ ଯେ !!!  80 ପ୍ରତିଶତ ବିବାହ ଯୋଡ଼ା ଏମିତି ଦିନ କାଟୁଛନ୍ତି ??? ତେବେ ଏହି ପ୍ରଶ୍ନ ମୋର ଜଣେ ଅନ୍ତରଙ୍ଗ ବନ୍ଧୁ ମୋତେ ପଚାରିଲେ ???

ମୋତେ ଏହି ପ୍ରଶ୍ନ ର ଉତ୍ତର ଦେବାକୁ ଯାଇ ମୁଁ କିଛି ଦିନ ସମୟ ମାଗି କହିଲି ମୋତେ କିଛି ଦିନ ଦିଅ ମୁଁ ତୁମର ସବୁ ଉତ୍ତର ଖୋଜି ବାହାର କରୁଛି ।

ତାପରେ ମୁଁ ପ୍ରାୟ ୧୦ ଦିନ ସମୟ ନେଲି ଏବଂ ଏହି ଦଶ ଦିନରେ ପ୍ରାୟ ୧୭ ରୁ ଅଧିକ ବନ୍ଧୁ କୁ ଫୋନ୍ କରି ପଚାରିଲି ଯେ ଆପଣଙ୍କ ବୈବାହିକ ସମ୍ପର୍କ କେବଳ ଦେଖାଣିଆ ହୋଇ ଅଛି ନା ଉତ୍ତମ ସମ୍ପର୍କ ରହିଛି ।

ମୋର ଉତ୍ତର ପାଇଗଲି ଏବଂ ମୋ ବନ୍ଧୁ କୁ ଜଣେଇ ଦେଲି ମଧ୍ୟ ତେବେ ସେ ଉତ୍ତର ଥିଲା ଏହା ଯେ…

ମୋର ପ୍ରଶ୍ନରେ ୩ ଜଣ ବନ୍ଧୁ ବିଲକୁଲ ସତ କହିଲେ ଯେ ଆମେ ନିଜ ବୈବାହିକ ସମ୍ପର୍କ ପ୍ରତି ବହୁତ୍ ଖୁସି ଅଛୁ ଏବଂ ସମ୍ମାନ ମଧ୍ୟ ମିଳୁଛି ଏବଂ ନିଜର ମହତ୍ତ୍ଵ ମଧ୍ୟ ଅଛି। 

କୌଣସି ପ୍ରକାର ର ଅସୁବିଧା ହୁଏ ନାହିଁ ।

୫ ଜଣ ବନ୍ଧୁ କହିଲେ ଯେ, ହଁ ଆମେ ଠିକ୍ ଅଛୁ ବୋଲି, କିନ୍ତୁ ପ୍ରକୃତରେ ସେମାନେ ଦୁଃଖରେ ଅଛନ୍ତି । ମାନେ ସେମାନେ ଖୁସିରେ ନାହାନ୍ତି ।

ଏବଂ ୧୦ ଜଣ କହିଲେ ଯେ , ହଁ ରେ ଭାଇ, ସମ୍ପର୍କ ସିନା ଅଛି ହେଲେ ସ୍ତ୍ରୀ ଆଗରେ ସମ୍ମାନ ନାହିଁ ଖାଲି ସେତିକି ନୁହେଁ ଘର ଲୋକ ଆଗରେ ମଧ୍ୟ ସମ୍ମାନ ବୋଲି କିଛି ନାହିଁ ।

ହେଲେ ଏମିତି କାହିଁକି ହୁଏ ଜାଣିଛ ।

ମଣିଷ ମାତ୍ରକେ ଭୁଲ ହୁଏ ଏବଂ ସେ କିଛି କାରଣ ବଶତଃ ଭୁଲ କରି ବସେ ଏବଂ ସେ ଭୁଲ ର କାରଣ କୁ ତାର ସମ୍ପର୍କୀୟ ଏବଂ ତାର ଜୀବନ ସାଥି ଧରି ବସନ୍ତି ଏବଂ ଜୀବନ ସାରା ସେହି କଥା କୁ ବାରମ୍ବାର କହି ଚାଲନ୍ତି ।

ଦିନେ ଅଧେ ତ ଚଳି ଯାଏ କିନ୍ତୁ ପ୍ରତ୍ୟେକ ଦିନ ଯଦି ସେହି କଥା କୁହାଯାଏ ତେବେ ସମ୍ପର୍କ ରେ ଫାଟ ସୃଷ୍ଟି ତ ହେବ, ତା ସହିତ ସମ୍ପର୍କ ମଧ୍ୟ ଖରାପ ହୋଇଯାଏ । ଇଜ୍ଜତ ତ ପୁରା ଧୂଳି ସାତ୍ ହୋଇଯାଏ। 

ତେବେ କିଛି ଲୋକ ଏମିତି ସମସ୍ୟା ର ସମାଧାନ ବହୁତ୍ ଶୀଘ୍ର ବାଛି ନିଅନ୍ତି ।

ଆଉ କେତେ ଜୀବନ ସାରା ସେମିତି ରୁହନ୍ତି । କୁହନ୍ତି ଆଜି ନ ହେଲେ କାଲି ଠିକ୍ ହୋଇଯିବ କିନ୍ତୁ ହୋଇ ପାରେନା ।

ଆଉ କେତେ ଜଣ  ନିଜ ଜୀବନ ହାରି ଦେବାକୁ ପଛାଉ ନାହାଁନ୍ତି। ତେବେ କଣ କରିବା ଦରକାର ?

ସମାଧାନ ର ରାସ୍ତା ଶୀଘ୍ର ଖୋଜିବା ଦରକାର ଏବଂ ମୋର ସେ ତିନି ଜଣ ବନ୍ଧୁ ଭଳି ଖୁସିରେ ରହିବା ଦରକାର ଆଉ ଯଦି ସମାଧାନ  ନ ଖୋଜିବା ତେବେ ସାରା ଜୀବନ ଗୋଟିଏ ଭୁଲ କୁ ଧରି ଜୀବନ ବିତିଯିବ। 

ତେବେ କଣ କରିବେ ଆପଣ, ଚିନ୍ତା କରନ୍ତୁ , ସମୟ ଅତି ମୂଲ୍ୟବାନ।  ଯେତେ ଲେଟ୍ କରିବେ , ସେତେ ଅଧିକ ପ୍ରୋବେଲମ୍ ହୋଇପାରେ । କିଛି ସମସ୍ୟା ଧୀରେ ଧୀରେ ସମାଧାନ ହୋଇଯାଏ ଆଉ କିଛି କେବେ ସମାଧାନ ହେବ ନାହିଁ ।

ତେବେ ସମୟ ଆପଣଙ୍କ ର, ନଷ୍ଟ ନ କରି ଯଥା ଶୀଘ୍ର ସମାଧାନ ର ରାସ୍ତା ଖୋଜନ୍ତୁ ।

ଧନ୍ୟବାଦ ।

କିଛି ମନୋବିଜ୍ଞାନ ତତ୍ତ୍ଵ

@ ଯଦି ଆପଣଙ୍କ ପାର୍ଟନର ଆପଣଙ୍କୁ “ଧମକ” ଦେଉଛି ତେବେ ଏହାର ଅର୍ଥ ଯେ ତୁମ ସାଥୀ ତୁମ ସହିତ ରହିବାକୁ ଚାହୁଁ ନାହିଁ ତେବେ ତାକୁ ଏକା ଛାଡି ଦେବା ଭଲ ।


@ ଯଦି ଆପଣଙ୍କର ସାଥୀ ଆପଣଙ୍କୁ ଅଣଦେଖା କରୁଛନ୍ତି, ତେବେ ତାଙ୍କୁ ମନାଇବା ପରିବର୍ତ୍ତେ ଆପଣ ତାଙ୍କଠାରୁ କିଛି ସମୟ ଦୂରରେ ରହିବା ଉଚିତ୍ ।

@ ଅତ୍ୟଧିକ ଭକ୍ତି ଭାବ ପ୍ରେମ ତୁମର ସମ୍ମାନ ର ମୂଲ୍ୟକୁ ନଷ୍ଟ କରିପାରେ, ଆପଣଙ୍କ ପାର୍ଟନର ଯଦି ସମ୍ମାନ ଦିଏ ନାହିଁ ତେବେ ପ୍ରେମ ର ମାତ୍ରା କମ୍ କରିବା ଦରକାର।

@ କଥା ବଦଳରେ କୋମଳ ବାର୍ତ୍ତା ସହିତ ନିଜ ସାଥୀଙ୍କୁ ବୁଝେଇବା କୁ ଚେଷ୍ଟା କର, ଯଦି ଆପଣଙ୍କ ପାର୍ଟନର ଆପଣକୁ ଅଧିକ ମହତ୍ତ୍ଵ ଦିଏ ତେବେ ସେ ସମ୍ପର୍କ ସବୁ ଦିନ ପାଇଁ ତିଷ୍ଟି ରହେ ନହେଲେ ବହୁତ୍ କମ୍ ଦିନରେ ଫାଟ ସୃଷ୍ଟି ହେବା ର ସମ୍ଭାବନା ଅଛି।


@ ଯେଉଁ ସମ୍ପର୍କ ଭିତରେ ଦୁଃଖ ଏବଂ ମଧୁରତା ଭରି ରହିଥାଏ, ତାହା ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ରହେ ଏବଂ ସେ ସମ୍ପର୍କ କୁ ଅଧିକ ରୁ ଅଧିକ ଲୋକ ଈର୍ଷା ମଧ୍ୟ କରନ୍ତି।


@ ଅନାବଶ୍ୟକ ରାଗୁଥିବା ସାଥୀ ଅନ୍ୟ ସାଥୀକୁ ଶାରୀରିକ ଏବଂ ମାନସିକ ସ୍ତରରେ ବିଚଳିତ କରିପାରେ। ଭଲ ହେବ ଦୂରତା ଅବଲମ୍ବନ କରିବା ଦରକାର ।

@bhuyansblog

@bhuyansblog

@bhuyansblog

@bhuyansblog

Life କୁ Enjoy କର !

ହୃଦ୍ ରୋଗ ବିଭାଗ ର ଡାକ୍ତର ରୂପେ ଶ୍ରୀମତୀ ସୁମିତ୍ରା ରାୟ ପ୍ରାୟ 10 ବର୍ଷରୁ ଅଧିକ ହେବ ସେ ଦିଲ୍ଲୀ ର ଗୋଟିଏ ନାମୀ ଦାମୀ ଡାକ୍ତର ଖାନା ରେ ଚାକିରି କରନ୍ତି।  ଡାକ୍ତର ବାବୁ ବହୁତ୍ ଶାନ୍ତ ସ୍ଵଭାବ ର ଲୋକ । ସେ ଟଙ୍କା ଅପେକ୍ଷା ମଣିଷ ର ଜୀବନ ବଞ୍ଚାଇବା କୁ ଅଧିକ ପ୍ରାଧାନ୍ୟ ଦିଅନ୍ତି । ସେ ଦଶ ବର୍ଷ ଚାକିରି କରିବାର ଅବଧି ଭିତରେ ପ୍ରାୟ 1500 ରୁ ଅଧିକ ରୋଗୀ କୁ ସେ ଭଲ କରିଛନ୍ତି ଏବଂ 2000 ରୁ ଅଧିକ ରୋଗୀ ତାଙ୍କ ଚିକିତ୍ସା ଧିନ ଅବସ୍ଥାରେ ପରଲୋକ ମଧ୍ୟ ହୋଇଛନ୍ତି।  କିନ୍ତୁ ସେ ନିଜ କାର୍ଯ୍ୟ ପ୍ରତି ଅବହେଳା କରି ନଥିଲେ ।
ସେ ଚେଷ୍ଟା କରିଛନ୍ତି ଜୀବନ ବଞ୍ଚାଇବା ପାଇଁ କିନ୍ତୁ ଯାହାର ଶେଷ ସମୟ ଆସି ଯାଇଛି ସେତେବେଳେ ତାର ମୃତ୍ୟୁ ନିଶ୍ଚିତ।  ରୋଗୀ ଙ୍କ ମୃତ୍ୟୁ ପରେ ସେ ଦୁଃଖୀ ହୁଅନ୍ତି ସତ କିନ୍ତୁ ନିଜ ମନକୁ ବୁଝେଇ ପୁଣି ଥରେ ନିଜ କାର୍ଯ୍ୟ ରେ ଲାଗି ପଡନ୍ତି ।
ସେ ପ୍ରତିଦିନ ହଜାର ହଜାର ରୋଗୀ କୁ ଚିକିତ୍ସକ କରନ୍ତି । ଯେତେ ରୋଗୀ ଆସନ୍ତି ସେମାନଙ୍କ ମଧ୍ୟରୁ କେହି ମଧ୍ୟ ଗରୀବ ନାହାନ୍ତି କିନ୍ତୁ ଗୋଟିଏ ଜିନିଷ ପ୍ରତି ସେ ରୋଗୀ ମାନେ ନିଜ ଜୀବନରେ ସର୍ବଦା ନିଜକୁ ଦୁଃଖୀ ମନେ କରନ୍ତି । ସମସ୍ତ ରୋଗୀ ଡାକ୍ତର ସୁମିତ୍ରା କୁ ସବୁ କଥା କହୁଥାନ୍ତି । କାରଣ ଡାକ୍ତର ସୁମିତ୍ରା ମଧ୍ୟ ସମସ୍ତଙ୍କ ଦୁଃଖ କୁ ଶୁଣି ତାଙ୍କୁ ଖୁସିର ରାସ୍ତା ଦେଖାଉ ଥିଲେ ।
  ସମସ୍ତଙ୍କ କଥା ଶୁଣୁଥିଲେ ଏବଂ ସେ ଗୋଟିଏ କଥା କୁ ସମସ୍ତଙ୍କ ପାଖେ ସମାନ ଦେଖିବାକୁ ପାଇଲେ । ତାହା ହେଲା ” ଖୁସି ” । ସମସ୍ତେ ଖୁସି ର ଅଭାବ ରେ ସାରା ଜୀବନ ଅଭାବ ରେ ଆସିଛନ୍ତି ।
• କିଏ କହେ ଟଙ୍କା ର ଅଭାବ ନାହିଁ ମୋ ପାଖରେ କିନ୍ତୁ ମୁଁ ମୋ ସାଙ୍ଗ ମାନଙ୍କ ସହ ଖୁସିରେ କିଛି ସମୟ ବିତେଇ ପାରିଲିନି, ଟଙ୍କା ପଛରେ ଦଉଡ଼ି ଦଉଡ଼ି ପୁରା ସମୟ କୁ ସେଥିରେ ନଷ୍ଟ କରିଦେଲି ।
• କିଏ କହେ ଯେ ଟଙ୍କା ସଞ୍ଚୟ ପାଇଁ ସାରା ଜୀବନ କୋଡ଼ିଂ ବନେଇ ବନେଇ ବହୁତ୍ ଆପ୍ଲିକେସନ ବନେଇଲି କିନ୍ତୁ ନିଜ ସ୍ତ୍ରୀ ଛୁଆ କୁ କେବେ ସମୟ ଦେଇ ପାରିଲିନି ।
• କିଏ କହେ ଟଙ୍କା ସଞ୍ଚୟ ପାଇଁ ରାତି ଦିନ ଦୋକାନ , ଗୋଦାମ ଏବଂ କଞ୍ଚା ମାଲ ର ହିସାବ ରଖି ରଖି ନିଜେ କେବେ ମୋ ମନ ପସନ୍ଦ ର ଖାଦ୍ୟ ଠିକ୍ ସେ ଖାଇ ପାରିଲି ନାହିଁ ।
• କିଏ କହେ ପିଲା ଦିନ ରୁ ଆଜି ପର୍ଯ୍ୟନ୍ତ ମୁଁ ନିଜ ଈର୍ଷା ଅହଙ୍କାର ଏବଂ ଗର୍ବ କୁ ଜାବୁଡି ଧରି ଅନୁଶାସନ ରେ ରହିଲି କିନ୍ତୁ କେବେ ତାଙ୍କ ସହିତ ସାଙ୍ଗ ହୋଇ କଥା ହୋଇ ପାରିଲି ନାହିଁ ଶେଷରେ ପୁଅ ପଚାରିଲା ନାହିଁ କି ଝିଅ ।
ଏମିତି ହଜାର ପ୍ରଶ୍ନ ଆଉ ହଜାର ଉତ୍ତର କହିଲେ ଶବ୍ଦ ସରିବ ନାହିଁ କି ବାକ୍ୟରେ କେବେ ପୂର୍ଣ୍ଣ ବିରାମ ନେବ ନାହିଁ ।

ହେଲେ ଏଥିପାଇଁ ଦାୟୀ କିଏ ନୁହଁ । ନିଜକୁ ଆମେ ଖୁସିରେ ଆଜି ରଖିବା ନାହିଁ ତେବେ କାଲି ସେ ଖୁସି ରହିବ ନାହିଁ । ଆଜିର ଖୁସିକୁ ଆଜି ହିଁ ଉପଭୋଗ କରନ୍ତୁ ।
• ଯଦି ଅବା କାହାର ବାହାଘର ହେଉଛି ମନରେ ଯଦି ନାଚିବାକୁ ଇଚ୍ଛା ହେଉଛି ତେବେ ଥରେ ନାଚି ପକାଅ ଦେଖିବ ମନକୁ ନିଶ୍ଚୟ ଶାନ୍ତି ମିଳିବ ।
• ଯଦି ଅବା କାହାର ଖୁସିରେ ଖୁସି ହେବା ପାଇଁ ସୌଭାଗ୍ୟ ମିଳେ ତେବେ ନିଶ୍ଚୟ ଯାଆନ୍ତୁ ।

ସେଥିପାଇଁ ଦୁନିଆ ରେ ଯେଉଁଠି ଖୁସି ମିଳେ ତାକୁ ହାତ ଛଡା କରନ୍ତୁ ନାହିଁ।

ହେଲେ ଏଠି ପ୍ରଶ୍ନ ଯେ ଖୁସି କୁ ସବୁ ସ୍ଥାନରେ ଉପଭୋଗ କରିବା ପାଇଁ ଟଙ୍କା ର ଆବଶ୍ୟକତା ପଡ଼ିବ ତେବେ ମୁଁ ପୁଣି କହିବି ଟଙ୍କା ତ ଖର୍ଚ୍ଚ ହେବ। ଆଜି କାଲି ପବନ ମଧ୍ୟ ଟଙ୍କା ଦେଇ କିଣି ଆଣିବାକୁ ପଡୁଛି (ଅକ୍ସିଜେନ୍ ସିଲିଣ୍ଡର୍) । ତେବେ ଖୁସି କୋଉଠି ମାଗଣାରେ ଉପଲବ୍ଧ ହେବ କୁହ ??

ତେବେ ଟଙ୍କା ଖର୍ଚ୍ଚ କରି ଯଦି ଖୁସି କିଣିବ ତେବେ ସତର୍କ ହୋଇ କିଣିବ। କାହିଁକି ନା ଲୋକେ ଖୁସି କୁ କିଣି ବାକୁ ଯାଇ ଅଧିକ ଅଧିକ ରୁ ଟଙ୍କା ଖର୍ଚ୍ଚ କରି ଦିଅନ୍ତି । ତେବେ ଲିମିଟ ରେ ଖର୍ଚ୍ଚ କରନ୍ତୁ ଏବଂ ଜୀବନରେ ଆସୁଥିବା ଖୁସି କୁ ଉପଭୋଗ କରିବାକୁ ଭୁଲିବେ ନାହିଁ।  ତେବେ ଉପରେ ଦିଆ ଯାଇଥିବା କାହାଣୀ କେମିତି ଲାଗିଲା ନିଶ୍ଚୟ କମେଣ୍ଟ କରନ୍ତୁ।

କିମ୍ବା ଅନୁଭବ କରିବାକୁ

ଟଙ୍କା ର ଘମଣ୍ଡ ଦୁଇ ପ୍ରକାର ଲୋକ ପାଖରେ ଦେଖାଯାଏ

ଟଙ୍କା ର ଘମଣ୍ଡ ଦୁଇ ପ୍ରକାର ଲୋକ ପାଖରେ ଦେଖାଯାଏ
୧. *ଯିଏ ମିଛ ଏବଂ ଧୋକା ରେ ଅର୍ଜିତ କରିଥାଏ*

ଏମିତି କିଛି ଲୋକ ଅଛନ୍ତି ଯାହାର କାମ କେବଳ ମିଛ କହିବା ଏବଂ ଟଙ୍କା କମେଇବା ଏବଂ ଅଳ୍ପ କାମ କରିବେ ଏବଂ ଅଧିକ ଅର୍ଜନ କରିବାର କଳା ସେମାନଙ୍କ ପାଖରେ ବହୁତ୍ ଥାଏ । ସେମାନେ ପାପ ର ଭାଗି ତ ନିଶ୍ଚୟ ହେଉଛନ୍ତି କିନ୍ତୁ ପାଖରେ ଟଙ୍କା ଟିଏ ରହେନି। ଶେଷରେ ରୋଗ ବ୍ୟାଧି ରେ ସେ ଟଙ୍କା ଚାଲିଯାଏ ତଥାପି ସେ ମିଛ କହିବା ଛାଡେ ନାହିଁ । ନା କେବେ ଛାଡ଼ି ପାରିବ, ଏବଂ ସେମାନେ କଞ୍ଜୁସ ପ୍ରାୟ ରୁହନ୍ତି । କିନ୍ତୁ ଏହି ଟଙ୍କା ର ମହତ୍ତ୍ଵ ବେଶୀ ଦିନ ତେଜୀୟାନ୍ ହୋଇ ରହେନା ।

୨. *ଯାହାର ବାପା, ଜେଜେ ଙ୍କ ସମ୍ପତି ଅଧିକ ଥାଏ।*
ଏମିତି କିଛି ଲୋକ ମଧ୍ୟ ଦେଖିବାକୁ ପାଇବେ ଯେଉଁଠି ନିଜର ସମ୍ବଳ ନଥାଏ ଯେ ସେ କିଛି କରି ଧନ ଅର୍ଜିତ କରି ପାରିବ। ଯଦି ବାପାଙ୍କ ବେପାର ଏବଂ ଜେଜେ ଙ୍କ ଅପାର ସମ୍ପତି ରେ ନିଜର ଭାଗିଦାରୀ ଦେଖାଇ ଅନ୍ୟ କୁ ଦେଖାଇ ହୋଇ ଥାଆନ୍ତି । ସେହି ଟଙ୍କା ର ମୋହ ମଧ୍ୟ ଅଳ୍ପ ଦିନ ପାଇଁ ରହେ । ତା ପରେ ନଦୀ ବାଲି ଭଳି ସେ ମଧ୍ୟ ଧୀରେ ଧୀରେ ସରି ଯାଏ । ଶେଷରେ ବଞ୍ଚି ଯାଏ କେବଳ ଶରୀର ଟାଏ ।

ନିଜର ଟଙ୍କା ପ୍ରତି ଘମଣ୍ଡ କେବେ କରନ୍ତୁ ନାହିଁ । ନା ଟଙ୍କା କେବେ ରହିଛି ନା କେବେ ରହିବ। ଟଙ୍କା କେବେ ଚିରସ୍ଥାୟୀ ନୁହେଁ । ସେ ଆସିବ ଆଉ ଯିବ। ଆଉ ଘମଣ୍ଡ କରିବା ଲୋକ ପାଖରେ ତ କେବେ ମଧ୍ୟ ରହେନୀ ।

ଆଶା କରୁଛି ଏହି ଆର୍ଟିକଲ୍ ଟି ଆପଣଙ୍କୁ ଭଲ ଲାଗି ଥିବ । ସେୟାର କରିବାକୁ ଭୁଲିବେ ନାହିଁ ।

ଜୀବନ ଅତି ମୂଲ୍ୟବାନ

ଯେଉଁଠି ସ୍ବପ୍ନ ଶେଷ ହୁଏ ସେଠୀ ଚିନ୍ତା ର ଦୁନିଆ ଜନ୍ମ ନିଏ।

ମଣିଷ ଅଧିକାଂଶ ସମୟ ଚିନ୍ତା ପାଇଁ ନିଜ ର ମୂଲ୍ୟବାନ ସମୟ କୁ ବେକାର କରି ଦିଅନ୍ତି।

ହେଲେ ସେମାନେ ଏହା ବୁଝିବାକୁ ଚେଷ୍ଟା କରୁ ନାହାନ୍ତି ଯେ ଜୀବନର ପ୍ରତ୍ୟେକ ଟି ମୁହୂର୍ତ୍ତ ମୂଲ୍ୟବାନ ମୁହୂର୍ତ୍ତ ।

କିପରି ??

ଆପଣ ଭଲ ଭାବରେ ଜାଣି ଛନ୍ତି ଯେ ଜୀବନ ଗୋଟିଏ ପାଣି ଫୋଟକା, କେତେବେଳେ କାହାର ସମୟ ଆସୁଛି କେହି ଜାଣି ନାହାଁନ୍ତି ।

ହଁ ଗୋଟିଏ କଥା ସତ୍ୟ ଏବଂ ସମସ୍ତଙ୍କୁ ଜଣା ଯେ ମୃତ୍ୟୁ ତ ନିଶ୍ଚିତ କିନ୍ତୁ ଆମେ ସେ ମୃତ୍ୟୁ କୁ ଚିନ୍ତାରେ ଏବଂ ବେକାର ରେ ଜୀବନ କୁ ନାସ କରି ଦେଉଛୁ ତାହା ଦୁଃଖର ବିଷୟ ଅଟେ ।

ଯଦି ସମୟ କୁ ଠିକ୍ ଭାବେ ଉପଯୋଗ କରିବା ଏବଂ ଚିନ୍ତା ମୁକ୍ତ ରହିବା ତେବେ ଯଦି ଜୀବନ ଚାଲିଯାଏ ତେବେ ଦୁଃଖ ଲାଗେନା ।

ନିଜ ଜୀବନର ମୂଲ୍ୟବାନ ସମୟ କୁ ଚିନ୍ତା ରେ ଏବଂ ବେକାର ରେ ଯିବାକୁ ଦିଅନ୍ତୁ ନାହିଁ ।

କାରଣ ଏହି ଜୀବନ ଆପଣଙ୍କୁ ପୁଣି ଥରେ ମିଳିବ ନାହିଁ ।

ଚିନ୍ତା ଛାଡ଼ନ୍ତୁ ଜୀବନ କୁ ଏକ ସୁନ୍ଦର ଭାବେ କରିବା ପାଇଁ ଉଚିତ୍ ପଦକ୍ଷେପ ନିଅନ୍ତୁ ।

ଆଶା କରୁଛି ଆପଣ ଜଣେ ସୁଦୃଢ଼ ପାଠକ ଅଟନ୍ତି ଏବଂ ଏପରି ମେସେଜ କୁ ସମସ୍ତଙ୍କୁ ସେୟାର କରିବାକୁ ଭୁଲିବେ ନାହିଁ ।

ତୁମେ (ଓଡ଼ିଆ କବିତା) 1

 
ତୁମେ


                    

ତୁମର ସ୍ମୃତି କୁ   ସାଇତି ରଖିଛି              
     ମୋ ହୃଦୟେ ଜାଗା ଦେଇ
କହିଥିଲ ତୁମେ  ଭୂଲି ଯିବା ପାଇଁ
       ଜମା ଭୂଲି ପାରୁନାହିଁ ।

ନିରାଶା ଜୀବନେ ଆସିଥିଲ ତୁମେ
       ଆଶା ର ଆଲୁଅ ନେଇ
ମୋତେ ତୁମେ କେତେ ଭଲପାଇଥିଲ
      ପ୍ରିତୀ ର ସଙ୍ଗୀତ ଗାଇ ।

ସେ ସଙ୍ଗୀତ ଆଜି  ମନେ ଅଛି ସିନା 
       ହେଲେ ଗାଇ ପାରୁନାହିଁ
ହଜେଇ ଦେଇଛି  ସୁର ତାଳ ଲୟ
       ତୁମର ବାଟକୁ ଚାହିଁ  ।

ତୁମେ ଗଢିଥିଲ ସାଗର ବେଳା ରେ
      ପ୍ରେମ ର ସେ ବାଲିଘର
ସେହି ଘର ଥିଲା  ଆମ ଦୁହିଁଙ୍କର
        ସ୍ମୃତି ଭଲ ପାଇବାର ।

ଆମ ଘର କିଏ  ଭାଙ୍ଗି ଦେଇଗଲା
      ଜାଣି ତ ପାରୁନି ମୁହିଁ
ଭାବୁଛି ମୋ ମନ  ପ୍ରେୟସୀଗୋ ଦିନେ
       ତୁମେ ହିଁ ପାରିବ କହି  ।


ଲୋକନାଥ ନାୟକ, ଅଧ୍ୟାପକ (ଓଡ଼ିଆ ବିଭାଗ)
କବିସୂର୍ଯ୍ୟ ବଳଦେବ ବିଜ୍ଞାନ ମହାବିଦ୍ୟାଳୟ, କବିସୂର୍ଯ୍ୟ ନଗର, ଗଞ୍ଜାମ, 
ମୋ. ୮୮୪୭୮୪୮୯୦୮


If the contents are helpful to share them with your friends, Thanking You.

ତୁମେ (ଓଡ଼ିଆ କବିତା) 2

 




ତୁମେ


ତୁମେ ଆଷାଢ଼ର ଆଶାର ଆକାଶ
ନୀଳ ସାଗର ର ଢେଉ
ଧାରା ଶ୍ରାବଣ ର ମେଘର ମହ୍ଲାର
ସ୍ୱପ୍ନର ସାଧବ ବୋହୂ…

ତୁମେ ଭାଦ୍ରବ ର ସବୁଜିମା କ୍ଷେତ
ପ୍ରଣୟ ର ପଦ୍ମାବତୀ
ଶେଫାଳୀ ଫୁଲ ର ମହ ମହ ବାସ୍ନା
ଅଶିଣ ର ଜହ୍ନ ରାତି
ତୁମରି ହସରେ ଫୁଲ ଫୁଟିଯାଏ
ଓଠରୁ ଝରଇ ମହୁ…

ତୁମେ ହେମନ୍ତ ର ହଳଦୀ ପତ୍ରରେ
ପ୍ରୀତିର ଶିଶିର ବିନ୍ଦୁ
ଶୀତ ସକାଳର ସୋରିଷ ଫୁଲ ଗୋ
ମାଘେ ମନ ଛୁଆଁ ଇନ୍ଦୁ
ଫଗୁଣର ବାଆ ବହିଯାଏ ଯେବେ
କଣ୍ଠେ ତୋଳିଥାଏ କୁହୁ…

ଶ୍ରୀ ଲୋକନାଥ ନାୟକ (ଅଧ୍ୟାପକ, ଓଡ଼ିଆ ବିଭାଗ)
କବିସୂର୍ଯ୍ୟ ନଗର, ମହାବିଦ୍ୟାଳୟ, ଗଞ୍ଜାମ ।


If the contents are helpful to share them with your friends, Thanking You.