ଶ୍ରୁତି ର ଭାଗ୍ୟରେଖା…6

Page-5

ମୁଁ ଆଉ କଲ୍ ନ କରି ଚୁପ୍ ଚାପ୍ ଶୋଇଗଲି । କିଛି ଦିନ ପରେ ପୁଣି ଆରମ୍ଭ ହେଲା କଲେଜ୍ ଯାତ୍ରା ।

ଜଗା କଲେଜ୍ ଆସିଲା କିନ୍ତୁ ମୋ ସହିତ କଥା ବାର୍ତ୍ତା କମ୍ କରିଦେଲା। ମୁଁ ବାରମ୍ବାର ପଚାରେ କିନ୍ତୁ ସେ ଭାଉ ଖାଏ । ଆଶିଷ କୁ ପଚାରିଲି କଣ ହେଇଛି ରେ ତାର ?

ଆଶିଷ କହିଲା ସେ ତୋତେ ଭଲ ପାଉଥିଲା, ତୋତେ ଭୁଲିବା ପାଇଁ ସେ ବହୁତ୍ ଚେଷ୍ଟା କରୁଛି କିନ୍ତୁ ଭୁଲି ପାରୁନି ।

୧୦ ଦିନ ପୂର୍ବରୁ ମୁଁ ତା ଘରକୁ ଯାଇଥିଲି , ତା ରୁମ୍ ରେ କେବଳ ତୋରି ନାଁ, ସବୁ ଆଡ଼େ କାନ୍ଥ, ଖଟ, ବହି, ଖାତା ସବୁଠାରେ କେବଳ ତୋରି ନାଁ। ସେ ତୋ ବିଷୟରେ କଥା ହେବାକୁ ଚାହୁଁନି ।

ତାର କଥା ଶୁଣିଲେ ତୁ ଆଶ୍ଚର୍ଯ୍ୟ ହେବୁ ସେ ତୋ ନାଁ ର ଟାଟୁ କରିଛି । ସେ ଟାଟୁ ପାଇଁ ତାଙ୍କ ଘରେ ବହୁତ୍ ଝଗଡା କିନ୍ତୁ ସେ କାହା କଥା ଶୁଣେନି ।

ତାଙ୍କ ଘରେ ଜାଣି ସାରିଲେଣି ଯେ ତୁ ବ୍ରାହ୍ମଣ ବୋଲି । ତାଙ୍କ ଘରେ ବହୁତ୍ ବୁଝାଇଲେ ଯେ ଆମ ଜାତି ର କୋଉ ଝିଅ କୁ ଭଲ ପାଆ ତାକୁ ତୋ ସହିତ ବାହା ଘର କରେଇ ଦେବୀ କିନ୍ତୁ ସେ ଶୁଣିବାକୁ ନାରାଜ ।

ଏହି ଛୁଟି ଭିତରେ ତାଙ୍କ ଘରେ ପ୍ରତ୍ୟେକ ଦିନ ଝଗଡା କଳି କଜିଆ କିନ୍ତୁ ତୁ ତାର ଭଲ ପାଇବା କୁ ତୁ ବୁଝି ପାରୁନୁ ।

ଏତେ ନିଷ୍ଠୁର କାହିଁକି ହେଉଛୁ କହିଲୁ ତାକୁ ଦେଖୁଛୁ ନା, ସେ ପ୍ରତ୍ୟେକ ଦିନ ସକାଳୁ ମୋ ସହିତ ଦୌଡ଼ିବାକୁ ଯାଏ ଭଲ ଖାଇବା ପସନ୍ଦ କରେ କିନ୍ତୁ ସେ ସବୁ କିଛି ଭୂଲି ଯାଇଛି କେବଳ ତୋ ନାଁ ଟିକୁ ଚାହିଁ ରହିଥାଏ ।

ମୋତେ ଲାଗୁଛି ସେ ପାଗଳ ହୋଇଯିବ । ଏତିକି ଶୁଣି ମୋତେ ବହୁତ୍ ଦୁଃଖ ଲାଗିଲା । ଦଉଡ଼ି ଗଲି କ୍ଲାସ୍ ରୁମ୍ କୁ । ଜଗା ମୁଣ୍ଡ ପୋତି ବସିଥାଏ ।

ପାଖକୁ ଗଲି ତା ମୁଣ୍ଡ କୁ ଛୁଇଁ ଉଠେଇଲି , ଦେଖିଲି ଧାର ଧାର ଲୁହ ବହି ଚାଲିଛି । ମୋତେ ଦେଖି ସଙ୍ଗେ ସଙ୍ଗେ ଲୁହ ପୋଛି କହିଲା କହ କଣ ହେଲା ? ମୁଁ ପଚାରିଲି କାହିଁକି କାନ୍ଦୁଛୁ ?

ଜଗା କହିଲା , ନାହିଁ ତ ମୁଁ କାହିଁକି କାନ୍ଦିବି । ମୁଁ କହିଲି , ମୁଁ ଏତେ ମୂର୍ଖ ନୁହଁ ଯେ ମୁଁ ଜାଣି ପାରିବି ନାହିଁ । ମୁଁ ତା ପାଖରେ ବସିଲି କିନ୍ତୁ ସେ ଅଳ୍ପ ଦୂରେଇ ଗଲା।

ମୁଁ କହିଲି କଣ ହେଲା ଦୂରେଇ ଯାଉଛୁ। ମୁଁ କହିଲି ଦେଖ ଜଗା ତୋ ବିଷୟରେ ମୋତେ ଆଶିଷ ସବୁ କହିଛି ।

କଣ ପାଇଁ ଏମିତି ହେଉଛୁ କହିଲୁ। ମଉସା ମାଉସୀ ଙ୍କ ସହ କାହିଁକି କଥା ହେଉନୁ । କଣ ତୋର ଅବସ୍ଥା କରିଲୁଣି । ମୁଁ ଚାହେଁ ତୁ ଫିଟ୍ ରହ ଖିଆ ପିଆ ଠିକ୍ କର । ତୁ ଯଦି ଏମିତି ହେବୁ ତେବେ କଣ ସବୁ ସମାଧାନ ହେଇଯିବ କି ।

ଶୁଣ ଜଗା ମୁଁ ମଧ୍ୟ ତୋତେ ଭଲ ପାଏ କିନ୍ତୁ ମୁଁ ସେହି ଭଲ ପାଇବା କୁ ବନ୍ଧୁତା ଭିତରେ ରଖିବାକୁ ଚାହେଁ। କାରଣ ମୋ ଭାଇ ବହୁତ୍ ରାଗି ସେ ଆମ ସଂପର୍କ କୁ ସ୍ବାମୀ ସ୍ତ୍ରୀ ର ଦର୍ଜା ଦେବେ ନାହିଁ ।

ଆମେ ବିନା କାରଣ ରେ ଭଲ ପାଇଁ ଆମେ ଦୁହେଁ ଦୁହିଁଙ୍କୁ କଷ୍ଟ କାହିଁକି ଦେବା। ତୁ ତମ ଜାତିର ଆଉ କୁ ଝିଅ କୁ ପସନ୍ଦ କର ଏବଂ ମୋତେ ସାଙ୍ଗ ନଜର ରେ ଦେଖେ ମୁଁ ତୋତେ ଅନୁରୋଧ କରୁଛି ରେ, ଆଜିକାଲି ଏମିତି ସବୁ ହେଉଛି ।

ଆମେ ଭଲ ପାଇବା ଜଣକୁ ଏବଂ ବିବାହ କରିବା ଆଉ ଜଣଙ୍କୁ କାରଣ ଆମେ ଆମ ବାପା ମା ଙ୍କ ଖୁସି ଦେଖୁ ଏବଂ ଆମ ପରିବାର ର ସମ୍ମାନ ଦେଖୁ।

ସେଥିପାଇଁ ଏଗୁଡ଼ିକ ସବୁ ହୁଏ । ଜଗା କିଛି ନ କହି ଚୁପ୍ ରହିଲା । ଟିକି ଆସି ମୋ ପାଖେ ବସିଲା । ମୋତେ ଟିକି ବୁଝେଇଲା ତୁ ଜଗା କୁ କାହିଁକି ଭଲ ପାଇ ପାରିବୁନି କହ ।

ମୁଁ ଟିକି କୁ କହିଲି ତାହା ସମ୍ଭବ ନୁହେଁ । ଟିକି କାହିଁକି କହ। ମୁଁ ଟିକି କୁ କହିଲି ତୋତେ ପରେ କହିବି କିନ୍ତୁ ଟିକି ବାଧ୍ୟ କରି କହିଲା ପରେ ମୁଁ ଟିକି କୁ କହିଲି ମୁଁ କହିବି କିନ୍ତୁ କମନ୍ ରୁମ୍ କୁ ଚାଲ ସେଠୀ କହିବି ।

ମୁଁ ଜଗା କୁ କହିଲି କି ତୁ ମୋ କଥା କୁ ବୁଝ ଏବଂ ଭଲ କରି ନିଷ୍ପତି ନେ । ମୁଁ ଆସୁଛି ତୋ ସହିତ ପରେ କଥା ହେବି ।

ଏତିକି କହି ଆମେ ଚାଲିଲୁ କମନ ରୁମ୍ କୁ । କମନ୍ ରୁମ୍ ରେ ଟିକି ମୋତେ ପଚାରିଲା କହ କଣ ହୋଇଛି । ମୁଁ କହିଲି ମୁଁ ଯେତେବେଳେ ଷଷ୍ଠ କ୍ଲାସ୍ ରେ ପଢ଼ୁଥିଲି ସେ ସମୟରେ ମୋ ଜେଜେ ବାପା ଙ୍କ ସାଙ୍ଗ ସେ ଜଣେ ବଡ ଜ୍ୟୋତିଷ ସେ ଥରେ ଆମ ଘରକୁ ଆସିଥିଲେ ।

ମୁଁ ତାଙ୍କୁ ବହୁତ୍ ଭଲ ପାଉଥିଲି । ସେ ମଧ୍ୟ ମୋତେ ବହୁତ୍ ଭଲ ପାଉଥିଲେ । ସେ ମୋ ନାମ ଦେଇଥିଲେ ” ଶ୍ରୁତିମୟୀ ଆଚାର୍ଯ୍ୟ ” ।

ଦିନେ ସେ ମୋ ହାତ ଦେଖି ବହୁତ୍ ଆଶ୍ଚର୍ଯ୍ୟ ହେଲେ ଏବଂ ମୋତେ କହିଲେ ଝିଅ ତୋତେ ଯେତେବେଳେ ୧୭-୧୯ ବର୍ଷ ହେବ ସେ ସମୟରେ ନିଜ କୁ ସଂଯତ ରକ୍ଷା କରିବୁ ।

କାହାକୁ ମନ ଦେଇ ବସିବୁ ନାହିଁ, ତୋତେ କିଏ ଭଲ ପାଇଲେ କିଛି ହେବନି, ମାତ୍ର ତୁ ଯେବେ ତାକୁ ଭଲ ପାଇବୁ ତା ଉପରେ ବିପଦ ମାଡ଼ି ଆସିବ ।

ତାର ବହୁତ୍ ଅନର୍ଥ ହେବ। ସେ ଭୁଲ କରିବୁ ନାହିଁ । ଘରେ ଯୋଉଠି କହିବେ ସେଠୀ ଚୁପ୍ ଚାପ୍ ବିବାହ କରିନେବୁ । ମୁଁ ତାଙ୍କ କଥା ରେ ହଁ ଭରିଲି ଏବଂ ସେ ସମୟ ମୋର ଚାଲିଛି ।

ମୁଁ ଜାଣି ଶୁଣି ତାକୁ ଭଲ ପାଉନି କି ତାକୁ ମନ ଦେଉନି , ମୁଁ ଚାହୁଁନି ଜଗା ର ଜୀବନ ନଷ୍ଟ ହେଉ । ଟିକି ଏତିକି ଶୁଣି ହୋ ହୋ କରି ହସିଲା ।

ତୁ ପାଗଳ ନା କଣ । ଜ୍ୟୋତିଷ କଥା କୁ ମୁଁ ବିଶ୍ୱାସ କରେ ନାହିଁ । ମୁଁ କହିଲି ନା ଲୋ ସେ ଯାହା କୁହନ୍ତି ଆଜି ପର୍ଯ୍ୟନ୍ତ ତାହା ହୋଇ ଆସିଛି ।

ମୋ ଭାଗ୍ୟ ରେଖା ସହ ମୋ ପରିବାର ରେ ମଧ୍ୟ ବହୁତ୍ ପରିବର୍ତ୍ତନ ହୋଇଛି । ମୁଁ ଜନ୍ମ ହେବା ପୂର୍ବରୁ ଆମ ଘର ର ସ୍ଥିତି ବହୁତ୍ ଖରାପ୍ ଥିଲା । ବାବା ଙ୍କ ଦେହ ଭଲ ରହୁ ନଥାଏ ।

ସେ ବାପା ଆସି ବାବା ଙ୍କୁ କହିଲେ ତୋ ଘରେ ଯେବେ ଝିଅ ଟିଏ ହେବ ତୋ ଜୀବନ ପରିବର୍ତ୍ତନ ହେବ । ତୋର ରୋଗ ବୈରାଗ ସବୁ ଉଭେଇ ଯିବ ଏବଂ କହିଥିଲେ ତୋ ପୁଅ ବହୁତ୍ ଖରାପ୍ ହେବ କିନ୍ତୁ ତୋ ଝିଅ କୁ ୧୪ ବର୍ଷ ଯେବେ ହେବ ସେ ଗୋଟିଏ ବଡ କାମ ରେ ଲାଗିବ ଏବଂ ତମ ଘର ର ଆର୍ଥିକ ପରିସ୍ଥିତି ସୁଧାରି ନେବ ।

ଏମିତି ବହୁତ୍ କିଛି । ଟିକି କହିଲା ତୋ ଗପ ତୋ ପାଖେ ରଖ । ତୁ ଜଗା ପ୍ରତି ଅନାଦର କରେ ନାହିଁ । ମୁଁ କହିଲି ନା ଲୋ ତୁ ବୁଝିବା ପାଇଁ ଚେଷ୍ଟା କର ।

ତା ପରେ ଆଉ ଗୋଟିଏ କ୍ଲାସ୍ ପାଇଁ ସମୟ ହୋଇଗଲା ଆମେ ବାହାରି ଗଲୁ । କ୍ଲାସ୍ ରେ ଜଗା ଏବଂ ଆଶିଷ ନଥିଲେ ସେମାନେ ଘରକୁ ଫେରି ଯାଇଥିଲେ ।

Page-7
By. Nilamadhab Bhuyan

Comment please about the story.,

Thanking You.

ଶ୍ରୁତି ର ଭାଗ୍ୟରେଖା…5

Page-4

ପରୀକ୍ଷା ସରିଲା ପରେ କିଛି ଦିନ ଏମିତି ଗାଁ ବୁଲାବୁଲି ରେ ମୋ ସମୟ ବିତିଗଲା । ତା ସହିତ ମୋ ପିଉସୀ ଝିଅ ମାନେ ଆମ ଗାଁ କୁ ଆସିଥିଲେ । ସେମାନଙ୍କ ସହିତ ଟାଇମ ପାସ୍ ଚାଲିଥିଲା । ମୋ ମୋବାଇଲ ମୋ ପାଖେ କେବେ ମଧ୍ୟ ରହୁ ନଥିଲା।

ପିଉସୀ ଝିଅ ମାନଙ୍କ ପାଖେ ହିଁ ରହୁଥିଲା । ବେଳେବେଳେ ଟିକି ଫୋନ୍ କରେ ବେଶୀ ସମୟ କଥା ହୋଇ ପାରୁ ନଥିଲି। ପ୍ରାୟ ୨୦ ଦିନ ପରେ ସେମାନେ ଫେରିଗଲେ । ତା ପରେ ମୁଁ ଫ୍ରି ହୋଇ ଟିକି କି ଫୋନ୍ କରିଲି ।

ଏହି ୨୦ ଦିନ ମଧ୍ୟରେ ଟିକି ଏବଂ ଆଶିଷ ର ପ୍ରେମ ଗାଡ଼ି ଆଗେଇ ସାରିଲାଣି । ଟିକି କେତେ ଥର ମୋତେ ଏହି ବିଷୟରେ କହିବା ପାଇଁ କଲ୍ କରିଥିବ କିନ୍ତୁ ପିଉସୀ ଝିଅ ମାନେ ଉଠେଇଲା ପରେ ସେ କହୁ ନଥାଏ । କଲେଜ୍ ଖୋଲୁଥିଲା କିନ୍ତୁ କ୍ଲାସ୍ ହେଉ ନଥାଏ। ଆମେ ପ୍ଲାନ୍ କରିଲୁ କ୍ଲାସ୍ କରିବା ନାହିଁ କେବଳ ବୁଲିବା ବାହାନାରେ ଯିବା। ଏବଂ ସେମିତି ହିଁ ହେଲା ।

ସମସ୍ତେ କଲେଜ୍ ରେ ପହଞ୍ଚିଲୁ। ସେତେବେଳେ ପର୍ଯ୍ୟନ୍ତ ମୋତେ ଟିକି କହି ନଥିଲା କି ମୋର ଏବଂ ଆଶିଷ ସହ ପ୍ରେମ ଗାଡି ଚାଲି ଲାଣି ବୋଲି।

କଲେଜ୍ କ୍ୟାମ୍ପସ ଭିତରେ ବସି ଚାରି ଜଣ ଯାକ କଥା ବାର୍ତ୍ତା ହେଉଥିଲୁ କିନ୍ତୁ ଆଶିଷ ଟିକି ସହ କଥା ହେଉ ନଥାଏ । ମୁଁ ନୋଟିସ୍ କରିଲି ପଚାରିଲି କଣ ତମ ଦୁଇ ଜଣ ଭିତରେ କିଛି ହୋଇଛି କି?? ସେ ଦୁଇ ଜଣ ଏକା ଥରକେ ମନା କରିଲେ ।

ତାପରେ ଜଗା କହିଲା ଆଶିଷ ଟିକି କୁ ଭଲ ପାଉଛି ଏବଂ ଏହି ଦୁଇ ଦିନ ହେଲା ସେମାନଙ୍କ ଅଳ୍ପ ଝଗଡା ହୋଇଛି।

ମୁଁ କହିଲି ପ୍ରେମ ଗାଡି ଆଗେଇ ଝଗଡା ରେ ପହଞ୍ଚି ଗଲାଣି କିନ୍ତୁ ମୋତେ ଜଣା ନାହିଁ । ଟିକି କହିଲା ,ତୁ ତ ତୋ ପିଉସୀ ଝିଅ ସହିତ ସମୟ ବିତେଇବାରେ ଲାଗିଥିଲୁ ଆମ ପାଇଁ ସମୟ କୋଉଠି ଥିଲା।

ମୁଁ କହିଲି ହଉ ହଉ ଛାଡ଼ ସେ କଥା କହ କଣ ହୋଇଛି। ସେମାନଙ୍କ ଭିତରେ ଏତିକି ରାଗ ଯେ , ଟିକି ମେସେଜ କରୁଛି ସେ ଠିକ୍ ସମୟରେ ରିପ୍ଲାଇ ଦେଉନି। ସେଥିପାଇଁ ସେ ରାଗ । ତା ରାଗ ପାଇଁ ଆମେ ଦୁଇ ଜଣ ସେ ଦୁଇ ଜଣ ଙ୍କୁ କଥା କରେଇ ଦେଲୁ।

ଏପଟେ ଜଗା କୁ ମୁଁ ପଚାରିଲି , କଣ ରେ କିଛି ଫୋନ୍ ନାହିଁ କି କଲ୍ ନାହିଁ । ଜଗା କହିଲା , ତୁ ତ କହୁଥିଲୁ ଫୋନ୍ କରିବୁ ବୋଲି ସେଥିପାଇଁ ମୁଁ ଅପେକ୍ଷା କରିଥିଲି ।

ମୁଁ କାହିଁକି ଫୋନ୍ କରିବି । ଜଗା କହିଲା ତୁ ଯଦି ଜାଣିଛୁ ତେବେ ପଚାରୁଚୁ କଣ ପାଇଁ । ମୁଁ ପଚାରିଲି କଣ କହିବାର ଅଛି କହ । ଜଗା କହିଲା ଯଦି ଜାଣିଛୁ ଏତେ ଭାଉ କାହିଁକି ଖାଉଛୁ ।

ମୁଁ କହିଲି ଶୁଣ, ତୋତେ ମୁଁ ସାଙ୍ଗ ଭଳି ଦେଖି ଆସିଛି । ସାଙ୍ଗରୁ ଲଭର ହେଲେ ବହୁତ୍ ପ୍ରୋବଲମ ହୁଏ । ସମ୍ପର୍କ ରହେନି ରେ । ଜଗା କହିଲା, ଏଥିରେ ମୋର ଭୁଲ କଣ?? ମୋତେ ତୁ ପସନ୍ଦ, ତୁ ଯଦି ମନା କରିବୁ ତେବେ ମୁଁ ତୋତେ ବାଧ୍ୟ କରିବି ନାହିଁ ।

ତୋତେ ସାଙ୍ଗ ଭଳି ଦେଖିବି (ଅଳ୍ପ ମନ ଦୁଃଖରେ) । ମୁଁ କହିଲି ଦେଖ ତୁ ମନ ଖରାପ୍ କରେନି । ସାଙ୍ଗ ହୋଇ ରହିଲେ ଭଲ । ଜଗା କିଛି ନ କହି ଉଠି ଯିବା କୁ ବାହାରିଲା । ମୁଁ କହିଲି ବସ, ଆଉ କିଛି ସମୟ କଥା ହେବା କିନ୍ତୁ ଜଗା କହିଲା ନା ଚାଲ୍ ଯିବା । ମୁଁ ତାକୁ ଟାଣି ଆଣି ବସେଇଲି ।

ଆରେ ବସ, କଣ ଛୋଟ ପିଲା ଭଳି ମନ ଦୁଃଖ କରୁଛୁ । ଦେଖ ଜଗା ତୁ ମୋତେ ଭଲ ପାଉଛୁ କିନ୍ତୁ ମୁଁ ତୋତେ ଭଲ ପାଇ ପାରିବି ନାହିଁ ।

କାରଣ ମୁଁ ଚାହେଁ ଯାହାକୁ ମୁଁ ଭଲ ପାଇବି ତାକୁ ବିବାହ କରିବି କିନ୍ତୁ ଆମ ଦୁହିଁଙ୍କ ଜାତି ପୁରା ପୁରି ଅଲଗା । ଆମ ଘରେ ତୋ ସହିତ ବିବାହ କରିବାକୁ ଅନୁମତି ଦେବେ ନାହିଁ ।

କାରଣ ଆମେ ବ୍ରାହ୍ମଣ ଏବଂ ମୋ ବାପା ଭାଇ କେବଳ ବ୍ରାହ୍ମଣ ପୁଅଙ୍କୁ ବିବାହ ଦେବେ । ତୋ ସହିତ ଭଲ ପାଇବି ଏବଂ ଅନ୍ୟ କାହାକୁ ବିବାହ କାହିଁକି କରିବି କହ ।

ଜଗା କହିଲା, ଜାତି କଥା କହିଲେ , ଠିକ୍ କିନ୍ତୁ ମୋର ହୃଦୟ ରେ ତୋ ପାଇଁ ଯୋଉ ସ୍ଥାନ ବନେଇଛି ତାହା କଣ ଅପୂର୍ଣ୍ଣ ହୋଇ ରହିଯିବ?? ମୁଁ କହିଲି ଦେଖ ସେ ହୃଦୟରେ ମୋତେ ସାଙ୍ଗ ରୂପରେ ଗ୍ରହଣ କର ।

ଜଗା କହିଲା , ଆଶିଷ ମଧ୍ୟ ଟିକି କୁ ଭଲ ପାଏ ସେମାନଙ୍କ ଜାତି ମଧ୍ୟ ଅଲଗା ନା?? ମୁଁ କହିଲି, ସେ କଥା ଠିକ୍ ଯେ, ମୁଁ ଚାହୁଁନି ମୋ ସହିତ ସେମିତି କିଛି ହେଉ, ସେଥିପାଇଁ ପୂର୍ବରୁ ସତର୍କ ନିହାତି ଦରକାର।

ଜଗା କହିଲା ହେଉ ଠିକ୍ ଅଛି, ଆଉ ତୋତେ ବାଧ୍ୟ କରିବି ନାହିଁ । ମୁଁ ଯାଉଛି କହି, ସେ ଉଠି ଚାଲିଲା । ତାପରେ ସମସ୍ତେ କଲେଜ୍ ରୁ ଫେରିଲୁ ।

ସଂଧ୍ୟା ବେଳେ ମମି ସହିତ କଥା ହେବା ସମୟରେ Whatsapp ରେ ଗୋଟିଏ ମେସେଜ ଆସିଲା ତାହା ପୁଣି “Sorry” ତାହା ଥିଲା ଜଗା ର ।

ମୁଁ ରୀପ୍ଲାଇ ଦେଇ ପଚାରିଲି Why?? ସେ କିଛି ଉତ୍ତର ନ ଦେଇ ଚୁପ୍ ରହିଲା। ତାକୁ କଲ୍ କରିଲି ସେ ଫୋନ୍ ଉଠେଇଲା ନାହିଁ । ପ୍ରାୟ ୫ ଥର କଲ୍ କରିଲି କିନ୍ତୁ ସେ ଉଠେଇଲା ନାହିଁ

By. Nilamadhab Bhuyan

Comment please about the story.,

Thanking You.

ସେ ଦୁଇ ଜଣ ଗେଟ୍ ପାଖରେ ଠିଆ ହୋଇଥିଲେ । ପାଖରେ ଆଉ ଜଣେ ବ୍ୟକ୍ତି ଠିଆ ହୋଇଥିଲେ । ସେ ହେଉଛନ୍ତି ସେହି ବାଇକ୍ ଚାଳକ ଯିଏ ମୋତେ ସେ ବେକାର ଟୋକା ମାନଙ୍କ କବଳରୁ ମୋତେ ସେଦିନ ରକ୍ଷା କରିଥିଲେ ।

ମୋତେ ଦେଖି ସେ ବାଇକ୍ ଚାଳକ ଭାଇ କହିଲେ ଏ ସେଇ ଝିଅ ଯାହାକୁ ମୁଁ ସେଦିନ ରାସ୍ତାରେ ଦେଖିଥିଲି ସେ ଦୁଇଟା ଟୋକା ବଦଳରେ ତମେ ମାଡ ଖାଇ ଦେଲ କି ? ମୁଁ ସେ ଭାଇ ଙ୍କୁ ନମସ୍କାର କରିଲି । ସେ ହେଉଛନ୍ତି ଜଗା ର ବଡ ବାପା ଙ୍କ ପୁଅ ସେ ଜଣେ LIC ଏଜେଣ୍ଟ ।

ଆମେ ଦୁହେଁ ଗେଟ୍ ସାଇଡ କୁ ଯାଇ ଜଗା ଏବଂ ଆଶିଷ କୁ ପଚାରିଲୁ କେମିତି ଅଛ?? ସେ ଦୁଇ ଜଣ ଖୁସିରେ ଜବାବ ଦେଲେ ଯେ ହଁ ଭଲ ଅଛୁ , ସେ ଦିନ ମାଡ ପରେ ଜ୍ଵର ଆସି ଯାଇଥିଲା । ଦେହ ଦୁର୍ବଳ ଥିଲା , କାଲି ଆଶିଷ ର ଦେହ ଠିକ୍ ନଥିଲା ଆଜି ଭଲ ଲାଗିଲା, ଆସିଲୁ ଏମିତି କିଛି କଥା ହେଲୁ ।

ସେ ଭାଇ ଆମକୁ କହିଲେ କଲେଜ୍ ରେ କିଛି ଅସୁବିଧା ହେବ ତେବେ ଏହି ଦୁଇ ଜଣ ଙ୍କୁ କହିବ । ଏ ଦୁଇ ଜଣ ମଧ୍ୟ ବହୁତ୍ ରାଗି , ସେଦିନ କେବଳ ତମ ନାମ ଶୁଣି ସେ ଚୁପ୍ ରହିଗଲେ ।

ତୁମ ଭାଇ ବୋଲି ତାଙ୍କ ଉପରକୁ ହାତ ନ ଉଠେଇ ବିନା ଦୋଷରେ ମାଡ ଖାଇ ଚାଲିଲେ। ମୋତେ ପୁଣି ଦୁଃଖ ହେଲା, ପୁଣି Sorry ମାଗିଲି, କହିଲି, ସବୁ ମୋର ଯୋଗୁ ହେଲା । ଜଗା କହିଲା, କିଛି ନାହିଁ ଛାଡ଼, ଚାଲ କ୍ଲାସ୍ କରିବା । ସେ ଭାଇ ଫେରିଗଲେ । କ୍ଲାସ୍ ରେ ସାର୍ ଆସି ନଥିଲେ ।

କ୍ଲାସ୍ ଭିତରେ ଟିକି ଏବଂ ମୁଁ ଏବଂ ସେ ଦୁଇ ଜଣ ବସି କଥା ହେଲୁ। ଜଗା ତମ ଭାଇ ମାନେ ଭାରି ଖରାପ୍ । ମୁଁ କହିଲି , ପ୍ରକୃତରେ ମୋ ଭାଇ ଯୋଗୁ ହୋଇଛି କିନ୍ତୁ ସେ ହେଉଛନ୍ତି ଟିକି ର ଭାଇ, ଜଗା କହିଲା ଟିକି ତ କିଛି କହୁ ନଥିଲା । ଟିକି କହିଲା ମୋ ଭାଇ ର ମୋର ପଡେନି ।

ସେ ଗୁଣ୍ଡା ମାନଙ୍କ ସହ ବୁଲିବା ଯୋଗୁ ମୁଁ ମଧ୍ୟ ରାଗି ତା ସହିତ କଥା ହୁଏନି । ମୁଁ ପଚାରିଲି ସେ କିଏ ଆସିଥିଲେ । ଜଗା କହିଲା ସେ ହେଉଛନ୍ତି ମୋ ବଡ଼ ମା ପୁଅ ଭାଇ ,LIC ଏଜେଣ୍ଟ ଅଛନ୍ତି । ସେ ଆମର ଗାର୍ଡିଆନ୍ ଯାହା କରିବାର ଅଛି ସବୁ ସେ ଆଇଡିଆ ଦିଅନ୍ତି ।

ସେ ଦିନ ମାଡ ଖାଇବା ପରେ ବହୁତ୍ ରାଗିଲେ । ତମ ଭାଇ ଙ୍କୁ ଯାଇ ମାଡ ମାରିବାକୁ ବାହାରିଥିଲେ କିନ୍ତୁ ମୁଁ ମନା କରି କହିଲି ଯେ ଭୁଲ ରେ ଏ ସବୁ ଘଟଣା ଘଟିଛି କିନ୍ତୁ ସେ କହିଲେ ସେ ଝିଅ ଙ୍କୁ ମୁଁ ଥରେ ଦେଖିବାକୁ ଚାହୁଁଛି ଯିଏ ତମକୁ ମାଡ ଖୁଆଇଛି । ସେଥିପାଇଁ ସେ ଆସିଥିଲେ । ତାପରେ ଏମିତି ବହୁତ୍ କଥା ହେଲୁ ।

ଦିନ ଗଡି ଚାଲିଲା । ଆମେ ଚାରିଜଣ ବହୁତ୍ ଭଲ ସାଙ୍ଗ ହୋଇଗଲୁ । କାହାର କିଛି ଅସୁବିଧା ହେଲେ ଜଣେ ଅନ୍ୟ ଜଣକୁ ସାହଯ୍ୟ କରି ଥାଉ। First Year ର ପରୀକ୍ଷା ଦିନ ଆସିଲା । ପରୀକ୍ଷା ୨୫ ଫେବୃଆରୀ ରୁ ଆରମ୍ଭ ହେବ ।

ତା ପୂର୍ବରୁ ଆସିଲା ଭାଲେନଟାଇନ ସପ୍ତାହ। ସବୁ ଲଭର୍ ମାନେ ସେ ସପ୍ତାହ କୁ ଅପେକ୍ଷା କରିଥାନ୍ତି କିନ୍ତୁ ଆମେ ତ ସାଙ୍ଗ ମାନେ ଆମେ ମଧ୍ୟ ସ୍ଥିର କଲୁ ଯେ ଏହି ସପ୍ତାହ ଆମେ ମଧ୍ୟ ପାଳନ କରିବା ଏହି କଥା କୁ ରଖି ମୁଁ କହିଲି କି , କିସ୍ ଡେ, ହଗ୍ ଡେ ଛାଡ଼ି ବାକି ସବୁ ପାଳନ କରିବା, ସମସ୍ତେ ରାଜି ଏବଂ ସେହି ଭଳି ହେଲା, କିନ୍ତୁ ଏହି ସପ୍ତାହ ରେ ଜଗା ଚାହୁଁଥିଲା ମୋତେ ପ୍ରପୋଜ କରିବ ଏବଂ ଟିକି ଚାହୁଁଥିଲା ଆଶିଷ କୁ ପ୍ରପୋଜ କରିବ। ସବୁ ଗଡବଡ୍ ହୋଇଗଲା ।

ଭାଲେନଟାଇନ ସପ୍ତାହ ସରିବା ପରେ ଜଗା ଏବଂ ଟିକି ର ଦେଖା ନାହିଁ । ମୁଁ ଟିକି କୁ ଫୋନ୍ କରି ପଚାରିଲି ସେ କହିଲା ମୋର ଦେହ ଭଲ ନାହିଁ ତୁ ଏକା କଲେଜ୍ ଯା, ସେମିତି ଜଗା କୁ ଫୋନ୍ କରି ପଚାରିଲି ସେ ମଧ୍ୟ ସେହି ଉତ୍ତର ମୋର ଦେହ ଭଲ ନାହିଁ ।

ଦିନେ ଗଲା ଦୁଇ ଦିନ ଗଲା, ପରୀକ୍ଷା ପାଖେଇ ଆସିଲାଣି କେହି କଲେଜ୍ ଆସୁନାହାନ୍ତି । ମୁଁ ଆଶିଷ କୁ କଲ୍ କରି କହିଲି ତୁ ଜଗା କୁ ପଚାର ଏବଂ ମୁଁ ଟିକି କୁ ପଚାରୁଛି । ମୁଁ ଟିକି ଘରକୁ ଗଲି।

ଟିକି ପାଖରେ କିଛି ସମୟ କଥା ହେବା ପରେ ଜଣା ପଡିଲା ଯେ ସେ ଆଶିଷ କୁ ଭଲ ପାଉଛି ଏବଂ ପ୍ରପୋଜ କରିବା ବାହାନାରେ ଏହି ସପ୍ତାହ କୁ ଅପେକ୍ଷା କରିଥିଲେ କିନ୍ତୁ ସବୁ ଓଲଟ ପାଲଟ ହୋଇଗଲା ।

ଠିକ୍ ସେତିକିବେଳେ ଆଶିଷ ର ଫୋନ୍ ଆସିଲା ସେ କହିଲା, ଶ୍ରୁତି ଗୋଟିଏ କଥା କହିବି ରାଗିବୁନି ‘ ଯେ ଜଗା ତତେ ଭଲ ପାଉଛି ଏବଂ ଏହି ସପ୍ତାହ ସେ ଅପେକ୍ଷା କରିଥିଲା। ସବୁ ପ୍ଲାନ ଫେଲ ହୋଇଗଲା।

ମୁଁ ଆଶ୍ଚର୍ଯ୍ୟ, କଣ ଏ ସବୁ, ସାଙ୍ଗ ରୁ ସିଧା ଲଭର । ମୁଁ ମଧ୍ୟ ଜଗା କୁ ପସନ୍ଦ କରେ କିନ୍ତୁ ସାଙ୍ଗ ହିସାବରେ । ଯେତେବେଳେ ଏମିତି କଥା ଶୁଣିଲି ଜଗା ପ୍ରତି ମୋର ଖରାପ ଭାବନା ଜାତ ହେଲା କାହାକୁ କିଛି କହିଲିନି ଟିକି ଘରୁ ବାହାରି ଆସିଲି ।

ଟିକି ଘରୁ ମୁଁ ବାହାରି ଆସିଲି। ଚିନ୍ତାରେ ପେଡାଲ ମାରି ମାରି ଆଗକୁ ଯାଉଥିଲି । ହଠାତ୍ ମୋର ନଜର ପଡ଼ିଲା ରୋଡ ଉପରେ ଥିବା ଚା ଦୋକାନ ଉପରେ । ସେଠୀ ସେ ଦୁଇ ଜଣ ଟୋକା। ଯୋଉ ଦୁଇ ଜଣ ଯୋଗୁ ଆଶିଷ ଏବଂ ଜଗା ମାଡ ଖାଇଥିଲେ ।

ଏତେ ଦିନ ହେଲା ଖୋଜୁଥିଲି ଆଜି ମିଳିଗଲେ । ସଙ୍ଗେ ସଙ୍ଗେ ବିଭୁ ଭାଇ ଏବଂ ଜଗା ଆଶିଷ କୁ ଫୋନ୍ କରି କହିଲି । ବିଭୁ ଭାଇ ଆସିବା ପୂର୍ବରୁ ଜଗା ଆଉ ଆଶିଷ ପହଞ୍ଚି ଗଲେ ।

ମୁଁ ତାଙ୍କୁ ଦେଖେଇ ଦେଇ ଘରକୁ ଯିବାକୁ ବାହାରୁ ଥିଲି। ବିଭୁ ଭାଇ ଆସି ପହଁଚିଲେ । ବିଭୁ ଭାଇ ମୋତେ କହିଲେ ତୁ ଘରକୁ ଯାଆ ।

ମୁଁ ଚାଲିଲି ଘରକୁ । ଜଗା ଆଶିଷ ଏବଂ ବିଭୁ ଭାଇ ସେ ଦୁଇ ଜଣ ଙ୍କୁ ନେଇ ନିର୍ଧୁକ୍ ମାଡ ମାରିଲେ। ସେମାନେ ହେଉଛନ୍ତି ପଡିଶା ଗାଁ ଟୋକା ସେମାନେ ଏହି ଗାଁ କୁ ମୂଲିଆ କାମ କରିବାକୁ ଆସନ୍ତି ।

ଜଗା ଆଶିଷ ସବୁ ମାଡ ସୁଝେଇ ଦେଲେ । ଯେତିକି ସେମାନେ ଖାଇ ଥିଲେ ତା ଠୁ ବଳକା ଦେଇ ଆସିଲେ । ସଂଧ୍ୟା ବେଳେ ଆଶିଷ ଏବଂ ଜଗା କନଫରେନ୍ସ ରେ ମୋତେ ସବୁ କଥା କହି ବହୁତ୍ ଖୁସି ହେଲେ ।

ସେଇ କନଫରେନ୍ସ ରେ ମୁଁ ଜଗା କୁ ପଚାରିଲି କି ତୁ କିଛି ମୋତେ ଲୁଚେଇଛୁ । ସେ କଥା ଟି କହ । ଜଗା ଚୁପ୍ ହୋଇଗଲା ।

ଆଶିଷ କହିଲା ,କହ ବେ, କେତେ ଦିନ ଆଉ ଚୁପ୍ ରହିବୁ । ଜଗା କହିଲା ନା କିଛି ନାହିଁ । ପରେ କେତେବେଳେ କହିବି । ମୁଁ ପଚାରିଲି ପରେ କେତେବେଳେ ଆଉ ଅଳ୍ପ ଦିନ ପରେ ପରୀକ୍ଷା । ଜଗା କହିଲା ହଉ ପରୀକ୍ଷା ସରୁ କହିବି ।

ମୁଁ କହିଲି , ହଉ ମୁଁ ମଧ୍ୟ କିଛି କହିବି । ତାପରେ ସମସ୍ତେ ପରୀକ୍ଷା ପାଇଁ ପଢା ପଢ଼ି ରେ ଲାଗିପଡିଲେ ।

Page-5

By. Nilamadhab Bhuyan

Comment please about the story.,

Thanking You.

ଶ୍ରୁତି ର ଭାଗ୍ୟରେଖା…3

Page-2

ସେ ରାଗରେ ତମ ତମ ହୋଇ କହିଲେ ତୁ କାଲି କଲେଜ୍ ଯିବା ସମୟରେ ଆମେ ତୋ ସହିତ ଯିବୁ । ସେତେବେଳେ ଜଣା ପଡ଼ିଯିବ। ମୁଁ ବିଭୁ ଭାଇ ଙ୍କୁ କହିଲି ,ଭାଇ ତମେ କିଛି କର ନି ପ୍ଲିଜ୍ । ବିଭୁ ଭାଇ କହିଲେ ତୋ ଭାଇ କହିଛି । ସେଇଟା ଆମେ ବୁଝିବୁ । ଏତିକି କହି ବିଭୁ ଭାଇ ଘରୁ ବାହାରି ଗଲେ । ମୁଁ ଟିକି କୁ କହିଲି ତୋ ଭାଇକୁ ବୁଝାଓ ସେ ବେକାର ରେ ପ୍ରୋବେଲମ କରେଇବେ। ଟିକି କହିଲା ମୋର ପାଞ୍ଚ ଦିନ ହେଲା ଭାଇ ସହିତ ଝଗଡା ,ଯଦି ତୁ ଚାହୁଁନାହୁଁ ତେବେ ଜିତୁ ଭାଇ କୁ କହ, ସେ ମନା କଲେ ୟେ ବୁଝିବ । ତୁ ତ ଜାଣିଛୁ ମୋ ଭାଇ ହେଉଛି ଫୁଲ ମେଣ୍ଟାଲ ।

ସେ ଯାହା କହୁଛି ତାହା କରିଦେବ । ଅଳ୍ପ ଅନ୍ଧାର ଥିଲା ଟିକି ଫେରିଗଲା ନିଜ ଘରକୁ । ଟିକି କହେ ମୁଁ ପ୍ରତିଦିନ ତୋ ଘରକୁ ଆସେ ଏବଂ ଆମେ ଆଗକୁ କଲେଜ୍ ଯାଉ କିନ୍ତୁ ମୋତେ କୋଉ ଦିନ କିଏ ଏମିତି ବ୍ୟବହାର କରି ନାହାନ୍ତି । ରାତିରେ ମୁଁ ଜିତୁ ଭାଇ କୁ କଲ୍ କରିଲି । ଜଣାପଡ଼ିଲା ଯେ ଭାଇ ନାଇଟ୍ ଡ଼ିଉଟି ଯାଇଛନ୍ତି କାଲି ସକାଳେ ଆସିବେ । ମୁଁ ଶୋଇଗଲି ।

ତା ପର ଦିନ ସକାଳୁ ସକାଳୁ ଭାଇ କଲ୍ କରି ମମି ସହିତ କଥା ହୋଇ ମୋବାଇଲ ଶାଇଲେଣ୍ଟ କରି ଶୋଇ ପଡିଲେ । ମୁଁ ଯେତେବେଳେ ଉଠିଲି ଫୋନ୍ ଦେଖିଲି ଭାଇ ର ଫୋନ୍ ଆସିଥିଲା । ସଙ୍ଗେ ସଙ୍ଗେ ମମି ପାଖକୁ ଗଲି ପଚାରିଲି, ଭାଇ କଲ୍ କରିଥିଲା କି। ମମି କହିଲେ ହଁ, ସେ ନାଇଟ ଡିଉଟି କରି ଆସିଥିଲା । ତୁ କଲ୍ କରି ଥିଲୁ ବୋଲି କହିଲି ସେ ଜାଣିଲା ତୁ ଶୋଇଛୁ ବୋଲି ସେଥିପାଇଁ ସେ ମୋତେ କହିଲା ଶ୍ରୁତି କୁ ଶୋଇବାକୁ ଦେ। ମୁଁ ୧୧ଟା ରେ ଉଠିଲେ ଶ୍ରୁତି ସହିତ କଥା ହେବି।

କହି ଫୋନ୍ ରଖିଦେଲା। ମୋର ରାଗ ଆକାଶ ଛୁଆଁ , ମମି ଙ୍କୁ କହିଥିଲି ଭାଇ ସହିତ ମୋର ଅର୍ଜେଣ୍ଟ କଥା ଅଛି କିନ୍ତୁ କେହି ସିରିଅସ୍ ନେଉ ନାହାନ୍ତି। ୪ଥର ଫୋନ୍ କରିଲି କିନ୍ତୁ ଭାଇ ଉଠେଇଲା ନାହିଁ । ଦେଖୁ ଦେଖୁ ୧୦ଟା ବାଜିଗଲା। ଟିକି ଆସି ଘରେ । ଚାଲ ଶ୍ରୁତି କଲେଜ୍ ଯିବା । ଦୁହେଁ କଲେଜ୍ ବାହାରିଲୁ । କଲେଜ୍ ଗେଟ୍ ପାଖରେ ଜଗା ଠିଆ ହୋଇଥାଏ । ସେ ଆମକୁ ଦେଖି ଅଳ୍ପ ହସିଲା , ଆମେ ଦୁଇ ଜଣ କିଛି ଉତ୍ତର ନ ଦେଇ ସିଧା ପହଞ୍ଚିଲୁ କ୍ଲାସ୍ ଭିତରେ । ଗୋଟିଏ କ୍ଲାସ୍ ସରିଲା । ଅନ୍ୟ ଏକ କ୍ଲାସ୍ ପାଇଁ କ୍ଲାସ୍ ରେ ବସିଛୁ ହଠାତ୍ ଗେଟ୍ ପାଖରେ କିଛି ଝଗଡା ହେବାର ଶବ୍ଦ ଶୁଣା ଗଲା ।

ସମସ୍ତେ ଦୌଡ଼ିଲେ, ଆମ କ୍ଲାସ୍ ରୁ ମଧ୍ୟ ବହୁତ୍ ପିଲା ଦୌଡିଲେ । କ୍ଲାସ୍ ଖାଲି ମୁଁ ଏବଂ ଟିକି ଏବଂ ତିନି ଚାରି ଜଣ ଝିଅ ବସିଥାନ୍ତି । ହଠାତ୍ ବିଭୁ ଭାଇ ଜଗା ର କଲର ଧରି ଆମ କ୍ଲାସ୍ କୁ ଟାଣି ଟାଣି ଆଣିଲେ । ଆମେ ଆଶ୍ଚର୍ଯ୍ୟ, ଟିକି ବିଭୁ ଭାଇ କୁ ବାରମ୍ବାର କହୁଥାଏ ଭାଇ ଏ ସେ ପିଲା ନୁହଁ, ବିଭୁ ଭାଇ କହିଲେ ,ତୁ ସାଇଡ ହୁଅ, ମୁଁ ଶ୍ରୁତି କୁ ପଚାରୁଛି । ମୋ ଆଖିରୁ ଲୁହ ବାହାରିଗଲା । ଜଗା କୁ ବହୁତ୍ ମାଡ ମାରିଛି ତାର ୟୁନିଫର୍ମ ଫାଡ଼ି ଦେଇଛି ଏବଂ ନାକରୁ ରକ୍ତ ବାହାରୁ ଥିଲା ।

ତା ପଛରେ ଆଶିଷ କୁ ମଧ୍ୟ ବହୁତ୍ ମାଡ ହୋଇଛି । ମୁଁ ଦୌଡ଼ି ଗଲି ବିଭୁ ଭାଇ ପାଖକୁ, କହିଲି ଭାଇ ଛାଡ଼, ଏ ସେ ପିଲା ନୁହଁ , ବିଭୁ ଭାଇ ଉପରେ ବହୁତ୍ ରାଗିଲି କହିଲି ଭାଇ ପ୍ରଥମେ ବୁଝିବା ଦରକାର । ଏ ନିର୍ଦ୍ଦୋଷ। ବିଭୁ ଭାଇ ତା କଲର ଛାଡ଼ି ଦେଲେ । କ୍ଲାସ୍ ରେ ସମସ୍ତେ ଏବଂ ଲେକ୍ଚର ଦେଖିଥାନ୍ତି । ମୋତେ ରାଗ ଲାଗୁଥାଏ । ରାଗରେ ବିଭୁ ଭାଇ ଙ୍କୁ କହିଲି ପ୍ଲିଜ୍ ଭାଇ ତମେ ଏଠୁ ଯାଅ। ଆମେ ଦୁହେଁ ମଧ୍ୟ କ୍ଲାସ୍ ରୁ ବାହାରି ଗଲୁ । ଜଗା ଏବଂ ଆଶିଷ ର ମାଡ ଏବଂ ରକ୍ତ ଦେଖି ମୁଁ ଏବଂ ଟିକି ବହୁତ୍ କାନ୍ଦିଲୁ ସେ ଦୁଇ ଜଣ ଙ୍କୁ Sorry ମାଗିଲୁ । ଜଗା ଏବଂ ଆଶିଷ ଚୁପ୍ ଥିଲେ ।

ବିଭୁ ଭାଇ ର ସାଙ୍ଗ ମାନେ ସେ ଦୁଇ ଜଣଙ୍କୁ ମେଡିକାଲ୍ ନେଇ ଗଲେ । ପଛେ ପଛେ ଆମେ ମଧ୍ୟ ପହଞ୍ଚିଲୁ । ମେଡିକାଲ୍ ରେ ପହଞ୍ଚିବା ପୂର୍ବରୁ ପୋଲିସ ପହଞ୍ଚି ସାରିଥିଲା। କାରଣ ପ୍ରିନ୍ସିପାଲ ପୋଲିସ ଷ୍ଟେସନ କୁ କଲ୍ କରି ଗଣ୍ଡଗୋଳ ହେବା କଥା କହିଥିଲେ । ଅନ୍ୟ ଏକ କାରଣ ଅଛି, 2 ମାସ ପରେ କଲେଜ୍ ଇଲେକ୍ସନ ଥିଲା।

ମେଡିକାଲ୍ ରେ ପୋଲିସ ସେ ଦୁଇ ଜଣଙ୍କୁ ଡାକ୍ତର ପାଖକୁ ନେଇ ଇଞ୍ଜେକ୍ସନ ଏବଂ ମେଡିସିନ ଦେଇ ଆଣିଲା ପରେ ବିଭୁ ଭାଇ ଙ୍କ ସାଙ୍ଗ ମାନଙ୍କୁ ଏବଂ ଜଗା ଆଶିଷ କୁ ମେଡିକାଲ୍ ସାମ୍ନାରେ ପଚରା ଉଚରା କରିବା ଆରମ୍ଭ କରିଲା। ଏବଂ ଆମ ଦୁଇ ଜଣଙ୍କୁ କଲେଜ୍ ଯିବା ପାଇଁ କହିଲେ ।

ମୋତେ ଭାରି ଡର ଲାଗୁଥିଲା ସବୁ ଭୁଲ ମୋର । ଆଜି ଯାହା ସବୁ ଘଟୁଛି ସବୁ ମୋର ଯୋଗୁ ଘଟୁଛି । ଭୁଲ କଲା କିଏ ଦଣ୍ଡ ପାଇଲା କିଏ । ମୁଁ ପୁଣି ପୋଲିସ ବାବୁ ପାଖକୁ ଗଲି କହିଲି, ସାର୍ ମୁଁ କିଛି କହିବାକୁ ଚାହୁଁଛି । ପୋଲିସ ବାବୁ କହିଲେ , ଏଇଟା ଇଲେକ୍ସନ ମେଟର୍ ତମେ ଘରକୁ ଯାଅ, ମୁଁ କହିଲି ନାହିଁ ସାର୍ ଏଇଟା ମୋ ଯୋଗୁ ସବୁ ହୋଇଛି ,ମୋ କଥା ଶୁଣନ୍ତୁ ।

ପୋଲିସ ବାବୁ ପଚାରିଲେ , କଣ କୁହ?? ଗତ କାଲି ଠାରୁ ଯାହା ଯାହା ହୋଇଥିଲା ସବୁ କଥା କହିଲି, ପୋଲିସ ବାବୁ କହିଲେ , ତେବେ ବିଭୁ ବିନା କାରଣ ରେ ମାଡ ମାରିଛି, ତାକୁ ତ ଦଣ୍ଡ ଭୋଗିବାକୁ ପଡ଼ିବ ନା? ମୁଁ ପୋଲିସ ବାବୁ ଙ୍କୁ ହାତ ଯୋଡ଼ି ଅନୁରୋଧ କରିଲି, ସେ ଭୁଲ ରେ ୟାଙ୍କୁ ମାଡ ମାରିଛନ୍ତି ।ସେ ଜାଣି ନାହାନ୍ତି ।

ପୋଲିସ ବାବୁ ଜଗା କୁ ପଚାରିଲେ । ତମେ କଣ କହୁଚ? ମୁଁ ଜଗା କୁ ଏବଂ ଆଶିଷ କୁ ହାତ ଯୋଡ଼ି କରି ଅନୁରୋଧ ଅବସ୍ଥାରେ ଠିଆ ହୋଇ ରହିଲି। ସେ ଦୁଇ ଜଣ ମଧ୍ୟ କହିଲେ , ନାହିଁ ସାର୍ ଆମର କିଛି ରିପୋର୍ଟ କରିବାର ନାହିଁ, ଭୁଲ ରେ ଏହି ସବୁ ହୋଇଛି , ଆପଣ ଯାଇ ପାରନ୍ତି ।

ଏତିକି ପରେ ପୋଲିସ ବାବୁ କହିଲେ, ଘର କଥା ଘରେ ରଖିବ, ଏବେ କଲେଜ୍ ଇଲେକ୍ସନ ଯଦି ପୁଣି କିଛି ହୁଏ ସମସ୍ତଙ୍କୁ ଉଠେଇ ନେବି, କହି ଚାଲିଗଲେ । ବିଭୁ ଭାଇ ଙ୍କୁ ଅନୁରୋଧ କରି କହିଲି , ଭାଇ ପ୍ଲିଜ୍ ତମେ ଯାଅ ଏଠୁ । ସେ ତାଙ୍କ ସାଙ୍ଗ ମାନଙ୍କ ସହ ଚାଲିଗଲେ ।

ଆମେ ଦୁହେଁ ଜଗା ଏବଂ ଆଶିଷ କୁ ପୁଣି ଥରେ ଭୁଲ ମାଗିଲୁ, ସେମାନେ କହିଲେ, ହଉ ଛାଡ଼ ଆପଣଙ୍କ ଭୁଲ ନାହିଁ କି ସେମାନଙ୍କ ଭୁଲ ନାହିଁ। ଘରକୁ ଯାଆନ୍ତୁ ଆମେ ଚାଲିଯିବୁ ।

ଟିକି ର ଏବଂ ମୋର ବହୁତ୍ ମୁଡ୍ ଅଫ୍। ସେଦିନ ଘରକୁ ଆସି ଭାଇ ଉପରେ ବହୁତ୍ ରାଗିଲି । ବାବା ଏବଂ ମମି ବିଭୁ ଉପରେ ବହୁତ୍ ରାଗିଲେ । ତା ପରେ ଦୁଇ ଦିନ ଛୁଟି ପଡ଼ି ଗଲା। ଦୁଇ ଦିନ ପରେ କଲେଜ୍ ଆସିଲି ।

ଜଗା ଏବଂ ଆଶିଷ କୁ ଦୁହେଁ ଖୋଜିଲୁ । ସେ ଦୁଇ ଜଣ ସେ ଦିନ ଆସି ନଥିଲେ । ତା ପର ଦିନ କଲେଜ୍ ରେ ଜଗା ଏବଂ ଆଶିଷ କୁ ଦେଖା ହେଲା ।

Page-4

By. Nilamadhab Bhuyan

Comment please about the story.,

Thanking You.

ଜଗା ପଚାରିଲା ଏବେ ପର୍ଯ୍ୟନ୍ତ ରାଗିଛ ନା କଣ?? ମୁଁ ପଚାରିଲି କଣ କାମ ଅଛି କୁହ?? ସେ କହିଲା କାମ କିଛି ନାହିଁ , ତମକୁ ଦେଖିଲି ତ !! ଡାକିଦେଲି !! ଟିକି କହିଲା ଡାକିବା ସରିଥିବ ଯଦି ତେବେ ଆମେ ଯିବୁ? ସେ ଦୁହେଁ ଚୁପ୍ ଆମେ ଫେରିଗଲୁ ଟିକି ଘରକୁ । ଟିକି ଘରେ ପ୍ରାୟ ୩ ଘଣ୍ଟା କଥା ବାର୍ତା, ମଜା ମଜଲିସ୍ ପରେ ମୁଁ ଘରକୁ ଫେରିଲି । ଟିକି ଘର ଠୁ ମୋ ଘର ମାତ୍ର ୩କିମି ।

Comment please about the story.,

Thanking You.