ବର୍ତ୍ତମାନ ଅତୀତ ହେଲାପରେ
‘ସମୃଦ୍ଧ ଇତିହାସ’ ପାଲଟି ଯାଇଥିଲା
କେବେକେବେ ଖୁସିର-ପ୍ରେମର, ଲୁହର ..
କେବେକେବେ ସଂଘର୍ଷର-ପ୍ରତ୍ୟାରଣାର-ଛଳନାର
ସମୟର ମୁକ ସାକ୍ଷୀ ପାଲଟୁ ଥିବା
‘ ମୁଁ ‘ ତ୍ଵ ପାଖରେ ବନ୍ଦୀ ହୋଇ…।।
ଭବିଷ୍ୟତକୁ……
ପୂର୍ଣତୋୟା କରିବାକୁ ଯାଇ
କେବେ ନ ଆସୁ ମନରେ
ଅହଂକାର – ଈର୍ଷା – ଲୋଭର ଷଡଯନ୍ତ୍ର ।
ଜୀବନରେ ଭରିଦେଉ
ସୂର୍ଯ୍ୟ ର ସୁନେଲି କିରଣ,
ଚଲାପଥ ନିଃକଣ୍ଟକ ମାର୍ଗ ଦର୍ଶକ ହୋଇ
ଫେରି ଆସୁ ଶିଶୁର ଦରଦି ଓଠରେ
କଲ୍ଲୋଳ ଉଲ୍ଲାସ,
କୋମଳ ପାଦରେ ନୂତନ ସଂହାର ନେଇ
ସୁପୁଷ୍ପିତ ହୋଇ …. ।
ନବ ବର୍ଷ ର ହାର୍ଦ୍ଧିକ ଶୁଭେଚ୍ଛା ଓ ଶୁଭକାମନା…
ମନୋଜ କୁମାର ବେହେରା
ଲକ୍ଷ୍ମୀପୁର, ବୁଗୁଡ଼ା (ଗଞ୍ଜାମ)
