ରାକେଶ ମଧ୍ୟ ନିରୁପାୟ ଥିଲା । ତାକୁ କିଛି ବୁଦ୍ଧି ବାଟ ଦେଖା କୁ ନଥିଲା କଣ କରିବ ? ସେ ପହଞ୍ଚିଲା ସୁଧୀର ପାଖରେ। ସୁଧୀର କୁ ସବୁ କଥା ଜଣାଇଲା । ସୁଧୀର ବିଶ୍ୱାସ କରିଲା ନାହିଁ । କହିଲା ତୋର ଭାବନା ଭୁଲ । ଅନିତା ବହୁତ୍ ଭଲ ଝିଅ ରେ। ରାକେଶ କହିଲା । ଭଲ ଥିଲା କିନ୍ତୁ ଏବେ ନାହିଁ । ସେ ଅନିତା ଯିଏ ପ୍ରଥମ ଦେଖାରେ ମୋତେ ଭଲ ପାଇ ବସିଥିଲା । ଆଜି ସେ ଭଲ ପାଇବା ଆଉ ନାହିଁ । ତୋତେ କହିବା ଭୁଲି ଯାଇଥିଲି । ତାର କଳା କାରନାମା ଶୁଣିବୁ ତେବେ ତୁ ମଧ୍ୟ ପାଗଳ ହୋଇ ଯିବୁ । ଭାଉଜ ର ସାଙ୍ଗ ବୋଲି ତୋତେ କହିବା ମଧ୍ୟ ମୋତେ ଠିକ୍ ଲାଗୁ ନଥିଲା ।
ସୁଧୀର ଆଉ କଣ କରିଛି କି? ରାକେଶ ହଁ ରେ ଭାଇ !! ତୋତେ ତ କେବଳ ବାପା କଥା କହିଲି । ସେ ଆଗରୁ ଖରାପ ଅଛି… ତାକୁ ଚିହ୍ନିବା ମୋର ଭୁଲ ଥିଲା । ଦିନେ ଇଚ୍ଛା ହେଲା ତମ ଦୁଇ ଜଣ ଙ୍କୁ ପଚାରିବି ଅନିତା ର ଚରିତ୍ର କେମିତିକା କିନ୍ତୁ ଭାଉଜଙ୍କ ଘନିଷ୍ଠ ସାଙ୍ଗ ବୋଲି ପଚାରିଲି ନାହିଁ ।
ସୁଧୀର, ମାନେ ??
ରାକେଶ, ଶୁଣ?? ବିଶ୍ୱାସ ତୋର ହେବ କି ନାହିଁ ମୁଁ ଜାଣିନି ?? କିନ୍ତୁ ଏହା ସତ ? ୪ ମାସ ପର୍ଯ୍ୟନ୍ତ ଠିକ୍ ଥିଲା । ୪ ମାସ ପରେ ସେ ନିଜ ଗାଁ କୁ ଯାଇଥିଲା ଆସିଲା ପରେ ସେ ଯେମିତି ବଦଳି ଯାଇଥିଲା । ଘରେ ସବୁବେଳେ ମୋବାଇଲ ଚାର୍ଟିଂ କରୁଥିବ। କିଏ ପଚାରିଲେ କହିଲା କି ମୋର ଗୋଟିଏ କ୍ଲାସ ମେଟ୍ ଝିଅ । ମୁଁ ଅଧିକ ପ୍ରଶ୍ନ କରେ ନାହିଁ । ଦିନ ସାରା କାମ ବ୍ୟସ୍ତ ରେ ମୁଣ୍ଡ ବଥାହେଉଥାଏ ଏବଂ ମୁଁ ଶୀଘ୍ର ଶୋଇ ପଡେ । ସେ ରାତି ୨-୩ ପର୍ଯ୍ୟନ୍ତ ମେସେଜ କରୁଥାଏ ବେଳେବେଳେ ଶୁଭୁନି ଶୁଭୁନି କହି ବାଥ୍ ରୁମ୍ ରେ ଯାଇ କଥା ହୁଏ । ମୁଁ ଏତେ ଧ୍ୟାନ ଦିଏନି । ମୋତେ କେବେ ସନ୍ଦେହ ହେଉ ନଥିଲା । ସେ ଆସିବାର ୫ ଦିନ ପରେ ଦିନ ବେଳେ ମୁଁ ଷ୍ଟୁଡ଼ିଓ ରେ ଥିବା ସମୟରେ ଗୋଟିଏ ଯୁବକ ମୋ ଘରକୁ ଆସିଥିଲା ବୟସ ହାରାହାରି ୨୮ ହେବ । ମୋ ସାଙ୍ଗ ବେଣୁଧର ପଚାରିଲା ଯେ ସେଦିନ Bullet ରେ କିଏ ଆସିଥିଲା ରେ ? ଏହି କଥା ମୁଁ ଅନିତା କୁ ପଚାରିଲି ? ସେ କହିଲା ମୋ ସାଙ୍ଗର ଭାଇ । ମୁଁ ଏତେ ପ୍ରଶ୍ନ କରିଲି ନାହିଁ। କିନ୍ତୁ ପ୍ରକୃତରେ ସେ ତା ସହିତ ମେସେଜ ଏବଂ କଥା ହେଉଥାଏ। ମୁଁ ଦିନେ ମୋବାଇଲ ଚେକ୍ କରିଲି । ମୋବାଇଲ୍ ରେ କିଛି ପାଇଲି ନାହିଁ । ସବୁ ମେସେଜ ଡିଲିଟ କରି ଦେଉ ଥାଏ । ଏମିତି ପୁଣି ସାତ ଦିନ ପରେ ପୁଣି ସେହି ପୁଅ ଆଉ ଗୋଟିଏ କାହାର ବାଇକ୍ ନେଇ ଆସିଥିଲା । ସେଦିନ ଆମ ଗାଁ ର ସାଙ୍ଗ ମାନେ ଫଟୋ ଉଠେଇ ରଖିଥିଲେ । ସେ ଫଟୋ କୁ ନେଇ ଅନିତା କୁ ପଚାରିଲି ସେ ପ୍ରଥମେ ମନା କରିଲା କିନ୍ତୁ ପରେ ମାନିଗଲା ଏବଂ କହିଲା ମୋର ଭୁଲ ହୋଇ ଯାଇଛି ରାକେଶ । ସେ ମୋ ପିଲା ଦିନ ର ସାଙ୍ଗ ସେ ମୋତେ ଭଲ ପାଉଥିଲା । କିନ୍ତୁ ଏବେ ସେ ମୋତେ ଭଲ ପାଉନି । ସେ ମୋତେ ରାଣ ଦେଇ କହିଲା ଆଉ କେବେ କଥା ହେବି ନାହିଁ କିନ୍ତୁ ତାହା କେବଳ ମିଛ ଥିଲା ସେ ଏବେ ମଧ୍ୟ ଲୁଚି ଲୁଚି କଥା ହେଉଛି କିନ୍ତୁ ପ୍ରମାଣ ଅଭାବ ଯୋଗୁ ମୁଁ କିଛି କରି ପାରୁନି। ସୁଧୀର କହିଲା ଏତେ ଘଟଣା ଘଟି ଗଲାଣି ତୁ ମୋତେ ଏବେ କହୁଛୁ । ରାକେଶ କହିଲା, ମୋ ଲାଇଫ୍ ତ ଖରାପ କରୁଛି ମୋ ବାପାଙ୍କ ଜୀବନ ପ୍ରତି ମୋତେ ଖରାପ ସଂକେତ ଦେଖା ଗଲାଣି ।
ହଉ ଶୁଣ , ଅନିତା କୁ ଆଉ ଥରେ ଚେତାବନୀ ଦେ। ଯଦି ନ ମାନିବେ ତେବେ ଅନ୍ୟ ରାସ୍ତା ଦେଖିବା । ରାକେଶ ଅନ୍ୟ ଚିନ୍ତା କଣ ? ସିଧା ଛାଡ ପତ୍ର ଦେବୀ । ମୁଁ ଜାଣିଛି ସେ ମାନିବ ନାହିଁ । ହଉ ତୋ କଥାରେ ମୁଁ ତାକୁ ଶେଷ ଥର ପାଇଁ ଚେତାବନୀ ଦେଉଛି।
ଘରକୁ ଆସି , ଅନିତା କୁ ଚେତାବନୀ ଦେବା ପରେ ସେ କହିଲା । ମୋତେ ଫାଲତୁ ଧମକ ଦିଅ ନାହିଁ । ଯଦି ପ୍ରମାଣ ଅଛି ତେବେ ପ୍ରମାଣ ନେଇ ମୋ ସହିତ କଥା ହୁଅ । ରାକେଶ ମଧ୍ୟ ଚୁପ୍ ଥିଲା । ଏମିତି ପୁଣି ୧୦ ଦିନ ଭଲରେ ବିତିଗଲା । କିନ୍ତୁ କୁକୁର ଲାଞ୍ଜ ସହଜରେ ସିଧା ହେବନି । ରାକେଶ ଷ୍ଟୁଡିଓ କାମରେ ତିନି ଦିନ ପାଇଁ ବାହାରକୁ ଯାଇଥାଏ । ରାକେଶ ନଥିବା ସମୟରେ ଅନିତା ର ସେ କ୍ଲାସ୍ ମେଟ୍ ପୁଅ ପୁଣି ଘରକୁ ଆସିଥାଏ ଏବଂ ସେ ଗୋଟିଏ ଦିନ ଘରେ ରହିଥିଲା । ଏହି ଖବର ଗାଁ ସାଙ୍ଗ ମାନେ , ରାକେଶ କୁ ଫୋନ୍ ଦ୍ଵାରା ଜଣାଇଲେ । ସଙ୍ଗେ ସଙ୍ଗେ ରାକେଶ ଭିଡିଓ କଲ୍ କରି ଅନିତା କୁ ଦେଖିଲା ଯେ ସେ ଘରେ ଏକା ଥିଲା । ରାକେଶ ମନରେ ସନ୍ଦେହ ଥିଲା । ସେ ଷ୍ଟୁଡିଓ କାମରେ ଯାଇଥାଏ ସତ କିନ୍ତୁ ମନ ତାର ଏଠି ଥାଏ । ରାକେଶ ଯେତେବେଳେ ଅନିତା କୁ କଲ୍ କରେ ସେତେବେଳେ ବାପା ଶୋଇ ରହୁଛନ୍ତି। ସେ ଦୁଇ ଦିନ ଭିତରେ ଫେରି ଆସିଲା। ଏଥର ମଧ୍ୟ ଅନିତା ର ସେହି ପୁରୁଣା ବାହାନା ଆଉ ମିଛ।
ରାକେଶ, ପୁଣି ସୁଧୀର ପାଖରେ ପହଞ୍ଚିଲା। ସୁଧୀର, ଆଇଡିଆ ଦେଲା ଯେ । ତୁ ଘରେ ସିସିଟିଭି ଲଗେଇ ଦେ । ପୁରା ସତ ଧରା ପଡ଼ିଯିବ । ରାକେଶ ପଚାରିଲା ଲଗେଇବି କେମିତି ? ସୁଧୀର କହିଲା , ଆଗାମୀ ମଙ୍ଗଳ ବାର ଦିନ ତୋ ବାପା ସହିତ ଅନିତା କୁ ମଧ୍ୟ ମେଡ଼ିକାଲ ନେଇ ଯା । ତମକୁ ଘଣ୍ଟେ ଦୁଇ ଘଣ୍ଟା ସମୟ ଲାଗିବ ? ସେ ସମୟ ଭିତରେ ମୁଁ ମୋ ସାଙ୍ଗକୁ ନେଇ ସିସିଟିଭି ଫିଟ୍ କରିଦେବୁ । ଆଉ ସେମିତି ହିଁ ହେଲା । ମଙ୍ଗଳ ବାର ଦିନ ମେଡ଼ିକାଲ ରେ ପହଞ୍ଚିଲେ। ଡାକ୍ତର ଙ୍କ କଥା ଶୁଣି ତାର ମୁଣ୍ଡ ବହୁତ୍ ଖରାପ୍ ହେଲା । ଡାକ୍ତର କହିଲେ । ପରାଲିଶିସ ଠିକ୍ ହେବା ମେଡିସିନ ଦେବା ବଦଳରେ ତାକୁ ନିଶା ଔଷଧ କିଏ ଦେଉଥିଲା । ରାକେଶ, ରାଗରେ ଜଳୁଥିଲା । ଡାକ୍ତର କହିଲେ ନିଶା ଔଷଧ ର ଡୋଜ୍ ଯଦି ଅଧିକ ହୁଏ, ତେବେ ତୁମ ବାପାଙ୍କ ଦେହ ରେ ଓଲଟା ପରିବର୍ତ୍ତନ ଦେଖା ଦେବା ସହିତ ଜୀବନ ଯିବାର ମଧ୍ୟ ସମ୍ଭାବନା ହୋଇପାରେ, ଧ୍ୟାନ ଦିଅ।
To be continued…….
ଆସନ୍ତା କାଲି ପଢ଼ିବେ : ଅନିତା ମଧ୍ୟ କହି ଉଠିଲା, ହଁ ହଁ ଏ ସବୁ ମୁଁ କରୁଛି । ତମେ ପ୍ରମାଣ ନେଇ ଆସ ଆଉ ବେଶୀ କିଛି କହିବ ତେବେ ମହିଳା କମିଶନ ରେ ଯାଇ ତୁମ ନାମରେ ଅଭିଯୋଗ କରି ତୁମକୁ ଜେଲ୍ ପଠେଇବି ଆଉ ତୁମ ବାପାଙ୍କୁ ସିଧା ଉପରକୁ…
ଏହି କାହାଣୀ ଟି ନୀଳମାଧବ ଭୂୟାଁ ଙ୍କ ଦ୍ଵାରା ଲିଖିତ। ତାଙ୍କର ଲିଖିତ ଅନ୍ୟ କାହାଣୀ ଗୁଡ଼ିକ ପଢ଼ିବା ପାଇଁ ତଳେ ଦିଆ ଯାଇଥିବା ଲିଙ୍କ କୁ କ୍ଲିକ୍ କରନ୍ତୁ
