ପରଦେଶୀ ଚଢ଼େଇ ଯେ ଆମେ
ନାହିଁ ଆମ ସ୍ଥାୟୀ ଘର,
ପର ଦେଶେ ଆମେ କରି ଦୀର୍ଘ ଯାତ୍ରା
ପାଲଟିଲୁ ଯାଯାବର..

ସ୍ବଦେଶ ରେ ସିନା ଜନ୍ମ ହେଲୁ ଆମେ
ସେଠି ଆମେ ନୁହଁ ସ୍ଥାୟୀ,
ଅର୍ଥର ଅଭାବ ପୂରଣ ପାଇଁ କି
ଆସିଛୁ ବିଦେଶ ଧାଇଁ…

ସଭିଏ ଭାବନ୍ତି ବିଦେଶକୁ ଗଲା
କମେଇବ କେତେ ଟଙ୍କା,
ସେଇ ଟଙ୍କା ପଛେ କେତେ ପରିଶ୍ରମ
ଅଣ୍ଟା ତ ହେଲାଣି ବଙ୍କା…

ଯଦିବା ଖରାପ ହୁଏ ଆମ ସ୍ବାସ୍ଥ୍ୟ
ଦେଖିବା କୁ କେହି ନାହିଁ,
ଅସ୍ୱାସ୍ଥ୍ୟ ହେଲେ ବି ସହି ସ୍ବାସ୍ଥ୍ୟ ପୀଡ଼ା
କାମକୁ ଯାଉଛୁ ଧାଇଁ…

କାମ ସାରି ଘର ଆସିଗଲା ପରେ
ଘରେ ରୋଷେଇର କାମ,
ଆଖି ବୁଜି ଆଖି ଅନେଇବା ପରେ
ପୁଣି କମ୍ପାନୀ ର ନାମ…

ଦିନ ଦିନ କରି କାଟୁ ଅଛୁ ସିନା
ଖୁସି ତ ପାଉନୁ ଖୋଜି,
ଜୀବନ ର ସ୍ଵାଦ କେମିତି ପାଇବା
ସବୁ ତ ଗଲାଣି ହଜି…

ନରେନ୍ଦ୍ର କୁମାର ସ୍ୱାଇଁ
ଗୋଳାବନ୍ଧ, ଗଞ୍ଜାମ

ଯେଉଁ ଭାଇ ମାନେ ନିଜ ଘର ଛାଡ଼ି ବାହାର ରାଜ୍ୟ କୁ ଚାକିରି ପାଇଁ ଯାଉଛନ୍ତି ସେମାନଙ୍କ ପାଇଁ ଏହି କବିତାଟି ସମର୍ପିତ 🙏🙏🙏

ସାର୍…

କବିତା ପାଠାଗାର