 |
| ମିନି (ଏକ ସର୍ତ୍ତ ସମ୍ପର୍କ ) |
ମିନି : ମୋତେ କିଛି କୁହନି ବାପା, ମୁଁ ଏବେ ମେରେଜ୍ କରିବି ନାହିଁ ।
ବାପା : ଆରେ କେତେଦିନ ଏମିତି ରହିବୁ । କେତେ ପ୍ରସ୍ତାବ କୁ ମନା କରିଲୁଣୀ । କଣ ଚାହୁଁଛୁ ତୁ? କହ କାହାକୁ ଭଲ ପାଉଛୁ ଯଦି ତା ସହିତ ବିବାହ କରିଦେବି ।
ମିନି କହିଲା ବାପା !!! କାହିଁକି ମୋ ପଛେ ପଡ଼ିଛ କହିଲ? ମୁଁ ଏବେ ମେରେଜ ପାଇଁ ରେଡ଼ି ହୋଇନି । ମୁଁ ଆଉ କିଛି ଦିନ ପରେ ମେରେଜ୍ କରିବି ।
ବାପା ରାଗ ତମ ତମ ହୋଇ ରୋଷେଇ ଘରକୁ ଗଲେ ସେଠୀ ମିନି କୁ ସୁଣେଇ ମା ଙ୍କୁ କହିଲେ ।
ଆଉ କେତେ ଦିନ ସେ ମଜା ମସ୍ତି କରିବ, ତାକୁ କହିଦିଅ, ବୟସ ୨୭ ହେଲାଣି ଆଉ କଣ ଘର ବୁଢ଼ୀ ହୋଇ ରହିବ ??
ମା କହିଲେ ଟିକେ , ଧିରେ କୁହ, ସେ ଶୁଣିବ,
ବାପା କହିଲେ ସେ ଶୁଣୁ, ତାକୁ ହିଁ ତ କହୁଛି ।
ମିନି ରୋଷେଇ ଘରକୁ ଆସିଲା ।
ମିନି କହିଲା ବାପା , ଆଉ ତିନି ବର୍ଷ ପରେ ମେରେଜ୍ କରିବି ଏବଂ ଯଦି ମେରେଜ୍ କରିବି ତେବେ ମୋର କିଛି ସର୍ତ୍ତ ଅଛି ସେ ଗୁଡିକ ଯଦି ମାନିବ ତେବେ ମୁଁ ରାଜି ଅଛି ।
ବାପା ପଚାରିଲେ ତୋର , ପୁଣି କି ସର୍ତ୍ତ??
ମିନି କହିଲା, ହଁ, ବାପା ,ମୁଁ ଶାଶୂ ଘର ଯିବି କିନ୍ତୁ ମୋତେ ସେଠୀ କେହି କାମ କରିବାକୁ କହିବେ ନାହିଁ, ନା ମୁଁ କାହାର କପଡା ସଫା କରିବି ନା କାହା କଥା ଶୁଣିବି, ମୋ ଇଚ୍ଛା ରେ ଉଠିବି ମୋ ଇଚ୍ଛା ରେ ଶୋଇବି । ନା ରୋଷେଇ କରିବି ନା କାହାର ସେବା କରିବି ।
ବାପା କହିଲେ ତୋର ଯାହା ସର୍ତ୍ତ ତାହା ସଂପୂର୍ଣ୍ଣ ଅସମ୍ଭବ ।
ମିନି କହିଲା ତେବେ ତିନି ବର୍ଷ ଅପେକ୍ଷା କର । ତାପରେ ମୁଁ ସ୍ଥିର କରିବି ବିବାହ କରିବି କି ନାହିଁ କହିବି ।
ବାପା ବ୍ୟାଗ୍ ଉଠେଇ ଚାଲିଲେ ଅଫିସ୍ ଏବଂ କହିଲେ ତୁ ସେମିତି ହିଁ ରହ, ତୋତେ ଆଉ କେବେ ପଚାରିବି ନାହିଁ।
ମା ପଚାରିଲେ ତୁ କଣ ଏମିତି ହେଉଛୁ କହିଲୁ ?
ମିନି କହିଲା ମା, ମୁଁ ଖୋଲା ଆକାଶତଳେ ମନ ଭରି ଉଡ଼ିବା ପାଇଁ ଚାହୁଁଚି ।
ମା କହିଲେ ତୁ କେବେ ସୁଧୁରିବୁ । ତୁ ଯେମିତି ନା ତୋ ସାଙ୍ଗ ମାନେ ମଧ୍ୟ ସେମିତି। ସବୁ ବେଳେ ପାର୍ଟି ପାର୍ଟି, କେତେ ପାର୍ଟି କରୁଛ ?
ମିନି କହିଲା ଆମେ ବେଛଲାର୍ ପାର୍ଟି କରୁଛୁ ।
ମା କହିଲା ଶୁଣ, ସେ ଟୋକା ମାନଙ୍କ ସହ ବୁଲୁଛୁ , କିଛି ଖରାପ କାମ କରୁନୁ ନା?
ମିନି କହିଲା, ତମ ଚଣ୍ଡୀ ଝିଅ କୁ କେହି ହାତ ଲଗେଇ ଦେଖନ୍ତୁ । ତାପରେ ତାର ରକ୍ତ ପିଇ ଯିବି।
ମା କହିଲେ ଦିନକୁ ଦିନ ତୋର ଡ୍ରେସ ଛୋଟ ହେବାକୁ ଲାଗିଲାଣି, ତମ ମାନକୁ ଏ ସବୁ ବୁଦ୍ଧି କିଏ ଦେଉଛି, ଚିରା ଫଟା କରି ଡ୍ରେସ ପିନ୍ଧିବା ପାଇଁ।
ମିନି କହିଲା ଏ ସବୁ ଷ୍ଟାଇଲ, ମା । ଶୁଣ ମା ଭାଇ ର KTM ଟା ଚଳେଇବା କୁ ଇଛା ହେଉଛି । ତୁ ହଁ କରିଲେ ସବୁ କାମ ହେଇଯିବ ।
ମା ପଚାରିଲେ, କାହିଁ ତୋର, Vespa ସ୍କୁଟି କଣ ଖରାପ ହେଇଗଲା କି?
ମିନି କହିଲା ନାହିଁ ମା, କାଲିଠୁ ବାପା କିଛି ଦିନ ପାଇଁ ଡେପୁଟେଶନ ରେ ଯିବେ । ମୁଁ ତାଙ୍କ ଅଫିସର ସହିତ କଥା ହେବାର ଶୁଣିଛି। ବାପା ଗଲା ପରେ ମୁଁ ୫ ଦିନ ପାଇଁ ଆମେ ଗୋଟିଏ ବୁଲିବା ପୋଗ୍ରାମ ରଖିଛୁ ।
ମା ପଚାରିଲେ କିଏ କିଏ?
ମିନି କହିଲା ଆମେ ପାଞ୍ଚ ଜଣ, ରୋଜି, କୀର୍ତ୍ତି , ରାଜ୍ ଆଉ ରାକେଶ ।
ମା କହିଲା କିଛି ପାର୍ଟି ନାହିଁ, କୁଆଡେ ଯିବାର ନାହିଁ , ଦୁଇ ଦିନ ପରେ ତୋ ଭାଇ ଆସିବ ।
ମିନି କହିଲା ଭାଇ ଏବେ ତ ଆସିବାର ନଥିଲା।
ମା କହିଲା ତାକୁ ଏବେ ଛୁଟି ମିଳିଛି । ସେଥିପାଇଁ ସେ ଆସିବ ।
ମିନି କହିଲା ଧେତ୍ ତେରିକା। ସବୁ ଗଡବଡ ହେଇଗଲା ।
ମିନି ସଙ୍ଗେ ସଙ୍ଗେ ରୋଜି କୁ କଲ୍ କରି କହିଲା, ” ପ୍ରୋଗ୍ରାମ କାନ୍ସଲ କର । ଭାଇ ଆସୁଛି, ମାନେ ମୋ ଶତ୍ରୁ ଆସୁଛି, ମୁଁ ଘରୁ ବାହାରି ଯିବାର ଜାଣିଲେ ମୋ ଅବସ୍ଥା ଖରାପ କରିଦେବ” ।
ଦୁଇ ଦିନ ପରେ ଭାଇ ଆସିଲା।
ଭାଇ ଏବେ ହଠାତ୍ ଛୁଟି ଆସିବାର କାରଣ ଯେ ମିନି ପାଇଁ ପ୍ରସ୍ତାବ ଠିକ୍ କରିବା ପାଇଁ ।
ସକାଳେ ପହଞ୍ଚିଲା ପରେ, ଘରେ ସମସ୍ତଙ୍କୁ କହିଲା, ବାପା ତମେ ଆଜି ଛୁଟି ନେଇ ଯାଅ । ମୋ ସାଙ୍ଗ ର ସାଙ୍ଗ ଆସିବ , ମିନି କୁ ଦେଖିବା ପାଇଁ ।
ମିନି ଆଶ୍ଚର୍ଯ୍ୟ ରେ ଚାହିଁ ରହିଲା ।
ମିନି କହିଲା ଭାଇ ମୁଁ ସଜ ହୋଇନି ।
ଭାଇ କହିଲା ତୋ ପାଖରେ ୩ ଘଣ୍ଟା ଅଛି, କଣ ସଜ ହେବାର ଅଛି, କହ?
ମିନି କହିଲା ମୋତେ , ଆଇବ୍ରୋ ଶେବ କରିବାର ଅଛି, ଚୁଟି କାଟିବାର ଅଛି ଆଉ ବହୁତ୍ କାମ ଅଛି ।
ଭାଇ ପଚାରିଲା ଏମିତି , ୱାନ ଥାର୍ଡ ରେ ଯିବୁ ନା ଜିନ୍ସ ପିନ୍ଧିବୁ କହ ।
ମିନି ପଚାରିଲା କଣ, ଏବେ
ଭାଇ କହିଲା ହଁ ଏବେ, ଚାଲ୍ ଶୀଘ୍ର ତଳକୁ ଆସ ମୁଁ ବାଇକ୍ ବାହାର କରୁଛି ।
ମିନି ଉପାୟ ଶୂନ୍ୟ ହୋଇ ୱାନ ଥର୍ଡ୍ ପ୍ୟାଣ୍ଟ୍ ଏବଂ ଟପ୍ ରେ ଗୋଟିଏ ଚୁନି ପକେଇ ତଳକୁ ଗଲା । ମିନି ଭାଇ କୁ ବହୁତ୍ ଡରେ,
ଭାଇ ପୋଲିସ୍ ସବ ଇନ୍ସପେକ୍ଟର ଅଛନ୍ତି ଆଉ ବାପା ହାବିଲଦାର କିନ୍ତୁ ଭାଇ ଙ୍କ ଅନ୍ୟ ଜିଲ୍ଲାରେ ପୋଷ୍ଟିଙ୍ଗ ଅଛି ।
ମିନି ଭାଇ ସହିତ ମାର୍କେଟ ଗଲା ଏବଂ ସବୁ କାମ ସାରି ଦୁଇ ଘଣ୍ଟା ଭିତରେ ଫେରି ଆସିଲା। ମିନି ଚୁପ୍ ହୋଇ ସବୁ କରୁଥାଏ ଏବଂ ଶୁଣୁଥାଏ ।
ଠିକ୍ ୧୨ଟା ରେ ପୁଅ ଏବଂ ତାଙ୍କ ବାପା ଆସି ପହଞ୍ଚିଲେ ।
ପୁଅ ଦେଖିବାକୁ ବହୁତ୍ ସୁନ୍ଦର । ସେ ମୁମ୍ବାଇ ରେ କୋଉ କମ୍ପାନୀ ରେ ଇଂଜିନିୟର ଅଛି।
ପୁଅ ଘର ଲୋକେ ଗଲା ପରେ । ସେଠୁ ଫୋନ୍ ଆସିଲା ଏବଂ ବାହାଘର ପାଇଁ ସେମାନେ ରେଡ଼ି ଅଛନ୍ତି ବୋଲି କହିଲେ ।
ବାହାଘର ତିଥି ମଧ୍ୟ ଠିକ୍ ହେଲା ।
କିନ୍ତୁ ସେଦିନ ରାତିରେ ମିନି ଭାଇ ଆଗରେ ମୁହଁ ଖୋଲି କହିଦେଲା ।
ମିନି କହିଲା ଭାଇ , ମୁଁ ଏବେ ମେରେଜ୍ କରିବି ନାହିଁ।
ଭାଇ କହିଲା ଏଇଟା, ତୋ ପାଇଁ ୩୩ ନମ୍ୱର୍ ପ୍ରସ୍ତାବ।
କଣ ଅସୁବିଧା, ଏଇ ପୁଅ ର କଣ ଖରାପ ଅଛି କହ ।
****************************
ଆଗକୁ ପଢ଼ିବେ: ( ମୋତେ ଯଦି ବାଧ୍ୟ କରିବ ତେବେ ମୁଁ ବ୍ଲେଡ ରେ ନିଜ ହାତ କାଟି ଦେବୀ)
If you like this Story so share to your friends, Thanking You.
2 thoughts on “ମିନି (ଏକ ସର୍ତ୍ତ ସମ୍ପର୍କ )…1”