ତୁମ ରୂପ ପ୍ରିୟା ସତେ ରୂପାଚାନ୍ଦ
ଜୋଛନା ପଡୁଛି ଝରି,
ସ୍ୱର୍ଗ ଅପସରା ଝାଉଁଳିବେ ସବୁ
ତୁମ ଆଗେ ଫୁଲ ପରି …
ଲାଜ ଲାଜ ଓଠେ ଡାକିଦେଲେ ତୁମେ
ଫଗୁଣ ଆସୁଛି ଫେରି,
ବାସ୍ତବରେ ଆସି ଦର୍ଶନ ଦିଅ ହେ
ମୋ ପ୍ରିୟା ସ୍ଵପ୍ନ ସୁନ୍ଦରୀ ।।
ସତେ ପ୍ରିୟା ତୁମେ ସଜ ଫୁଟା ଫୁଲ
ବାସ ତ ଯାଉଛି ଝରି,
ସେହି ଫୁଲକୁ ମୁଁ ସାଇତି ରଖିବି
ଦେଖୁଥିବି ମନ ଭରି …
ଶୋଇଗଲେ ଦେଖେ ତୁମକୁ ସପନେ
ପାଖେ ଆସ ଥିରି ଥିରି ,
ବାସ୍ତବରେ ଆସି ଦର୍ଶନ ଦିଅ ହେ
ମୋ ପ୍ରିୟା ସ୍ବପ୍ନ ସୁନ୍ଦରୀ ।।
ପ୍ରଦୀପ କୁମାର ଜେନାଙ୍କ ଦ୍ଵାରା ଲିଖିତ
ଗୋଳାବନ୍ଧ, ଗଞ୍ଜାମ.
