ତୋର ଏ ତ୍ରିରଙ୍ଗା ବାନା ହଁ ଉଡୁଛି
ନୀଳ ଏ ଗଗନେ ଆଜି
ତ୍ରିରଙ୍ଗା ତିନି ରଙ୍ଗରେ, ହଁ ସଭିଏଁ
ଖୁସିରେ ଯାଆନ୍ତି ହଜି….
ଆଜି ଆମ ପାଇଁ, ଖୁସିର ଉଲ୍ଲାସ
ଜୀବନ ତ ଆମ ହୋଇଛି ସରଶ
ଗାଇବୁ,,, ଗାଇବୁ,,, ତୋହରି ନାଁ…
ତୁ ଆମ ଭାରତ ମାତା
ତୋ ଚରଣେ ଆମ ମଥା
ନହିଁ ବନି କେବେ ଜମା ବିଦେଶୀ ଆଗେ…
ତୋହରି ଆଶୀଷ ବଳେ
ସ୍ଵାଧୀନ ହେଲୁ ସକଳେ
ସଦା ଥାଉ ତୋର କୃପା କରୁଣା ମାଗେ…| ୧ |
ତୋହରି ବକ୍ଷରେ ଜନମିଲେ କେତେ
ଗାନ୍ଧୀ ଗୋପବନ୍ଧୁ କେତେ ବୀର ଗଣ,
ଜନମ ମାଟିର ଋଣ ସୁଝିବାକୁ
ଦେଶ ପାଇଁ ଲଢି ଲଭିଲେ ମରଣ…
ତୁ ଆମ ମାଆ ତୁ ଆମ ସାହା
ସାରା ଦୁନିଆରେ ତୁ ଆମ ରାହା
ଗାଇବୁ,,, ଗାଇବୁ,,, ତୋହରି ନାଁ…
ଆସୁ ଯେତେ ଝାଞ୍ଜି ଝଡ
ମାନିବୁନି ବନ୍ଧ ବାଡ
ତୋ ପାଇଁ କରିବୁ ଆମେ ଅନେକ କାମ…
ଉନ୍ନତି ର ପଥେ ଯାଇ
ଦେଶ ଆଗକୁ ବଢାଇ
ସାରା ଜଗତେ ଲେଖିବୁ ଭାରତ ନାମ …| ୨ |
ସୁଜଳା ସୁଫଳା ଶସ୍ୟ ଶ୍ୟାମଳା
ତୋ ଦେହେ ଭରା ହୀରା ମୋତି ମାଳା,
ମଥାରେ ତୋହର ହିମାଳୟ ଶିର
ତୋ ଦେହେ କେତେ ଆଗ୍ନେୟ ଶିଳା…
ଆସ ମୋ ଭଉଣୀ ଆସ ମୋର ଭାଇ
ହାତ ସହ ହାତ ଦିଅରେ ମିଶାଇ,
ଗାଇବା,,, ଗାଇବା,,, ତାହାରି ନାଁ
ଭୁଲି ଆମେ ହିଂସା ପଥ
କରିବା ଆଜି ଶପଥ
ଦେଶେ କେବେ ହିଂସା ନୀତି ଧରିବା ନାହିଁ…
ମିଳିମିଶି କାମ କଲେ
ସଭିଏଁ ରହିବେ ଭଲେ
ହସି ଖେଳୁଥିବା ସଦା ଜୀବନ ପାଇଁ …| ୩ |
ତୋର ଏ ତ୍ରିରଙ୍ଗା ବାନା ହଁ ଉଡୁଛି
ନୀଳ ଏ ଗଗନେ ଆଜି
ତ୍ରିରଙ୍ଗା ତିନି ରଙ୍ଗରେ, ହଁ ସଭିଏଁ
ଖୁସିରେ ଯାଆନ୍ତି ହଜି….
ନରେନ୍ଦ୍ର କୁମାର ସ୍ବାଇଁ ଙ୍କ ଦ୍ଵାରା ଲିଖିତ
Comment ମାଧ୍ୟମରେ ଜଣେଇବାକୁ ଅନୁରୋଧ ।
ଧନ୍ୟବାଦ….
No responses yet