2018 ମସିହା ରେ ଅଗଷ୍ଟ ମାସ। ମୋର କିଛି ପରୀକ୍ଷା ପାଇଁ ମୁଁ ଭୁବନେଶ୍ୱର ଯାଇ ଥାଏ । ସେଠି ପରୀକ୍ଷା ସରିଲା ପରେ ମୋର ସାନ ଭଉଣୀ ମୋତେ କହିଲା କି ବଡ ଭଉଣୀ ର ଦେହ ଭଲ ନାହିଁ । ତୁ ସେଠି ଅଛୁ ତେବେ ସେଠି ମେଡିକାଲ ରେ ଯାଞ୍ଚ କରିଦେବୁ କି ?

ମୁଁ ହଁ କହିଲି । ମୋ ବଡ ଭଉଣୀ ଏବଂ ତାର ପୁଅ ସହ ଭୁବନେଶ୍ୱର ରେ ପହଞ୍ଚିଲେ । ସେଠି ମେଡିକାଲ ଚେକ୍ ହେଲା କିନ୍ତୁ ରିପୋର୍ଟ ରେ ଜଣା ପଡ଼ିଲା ଯେ ମୋ ବଡ ଭଉଣୀ କୁ କ୍ୟାନ୍ସର ର ପ୍ରଭାବ ଆରମ୍ଭ ହେଲାଣି । ଏହା କେବଳ ଡାକ୍ତର ମୋତେ କହିଲେ । କିନ୍ତୁ ମୋର ବଡ ଭଉଣୀ ଏହି କଥା ଜାଣିବାକୁ ଇଚ୍ଛା କରିଲା ପରେ ମୁଁ ସବୁ କହିଲି । ସେ ଚିନ୍ତାରେ ପଡିଗଲା ।

ଆମେ ଗାଁ ରେ ପହଞ୍ଚିଲୁ । ମୋ ଭଉଣୀ ର ସ୍ବାମୀ ସେ ଏହି କଥା କୁ ଖଣ୍ଡନ କରି କହିଲେ କିଛି ହୋଇନି ବୋଲି ବାରମ୍ବାର କହିଲେ । ସେ କହିଲେ ମୁଁ ପୁଣି ଥରେ ମୋ ସ୍ତ୍ରୀ କୁ ଚେକ୍ କରିବି । ସେ ପୁଣି ନେଇ ଚେକ୍ କରିଲେ ଏବଂ ଡାକ୍ତର କହିଲେ । କ୍ୟାନ୍ସର ନୁହଁ ଅନ୍ୟ କିଛି ରୋଗ ହୋଇଛି ସେ ଶୀଘ୍ର ଠିକ୍ ହୋଇଯିବ।

ମାତ୍ର ପ୍ରକୃତରେ କ୍ୟାନ୍ସର ର ପ୍ରଭାବ ଆରମ୍ଭ ହୋଇଗଲାଣି । ହେଲେ ମୁଁ ଗାଁ କୁ ଅଳ୍ପ ଦିନ ପାଇଁ ଆସିଥିଲି। ମୋର ଛୁଟି ସରିବା ପରେ ମୁଁ ଫେରିଗଲି। କିନ୍ତୁ କ୍ୟାନ୍ସର ର ପ୍ରଭାବ ଏତେ ଅଧିକ ହେଲା ଯେ ମୋ ବଡ ଭଉଣୀ ଦିନ କୁ ଦିନ ଅସୁସ୍ଥ ହେବାକୁ ଲାଗିଲା। ଦେହ ତାର ପତଳା ହେବାକୁ ଲାଗିଲା। ମୋ ଭଉଣୀ ର ସ୍ବାମୀ ଏହି କଥା କୁ ସବୁବେଳେ ଖଣ୍ଡନ କରି ଆସୁଥିଲେ ଯେ କିଛି ହୋଇନି । ଚିନ୍ତା କରିବା ଦରକାର ନାହିଁ । ମୁଁ ସେଠି ବୁଝିପାରୁ ନଥିଲି ଯେ ସେ ଜାଣି ଶୁଣି ଏମିତି କରୁଥିଲେ ନା ଅବହେଳା କରୁଥିଲେ ଅବା ତାଙ୍କର ବିଶ୍ବାସ ଥିଲା ଯେ ତାଙ୍କ ସ୍ତ୍ରୀ ଠିକ୍ ହୋଇଯିବ କିନ୍ତୁ ଦେହ ଦିନକୁ ଦିନ ବହୁତ୍ ଖରାପ ହେବାକୁ ଲାଗିଲା । ଶେଷରେ ପୁଣି ଭୁବନେଶ୍ଵର ଆସି ପୁଣି ଆଡମିଟ ହେଲେ ଏବଂ ଏଠି ଜଣା ପଡ଼ିଲା ଯେ ବର୍ତମାନ କ୍ୟାନ୍ସର ଶେଷ ସ୍ଥର ରେ ପହଞ୍ଚି ସାରିଲାଣି ।

ସମସ୍ତେ ଚିନ୍ତିତ । ଅପରେସନ କରାଗଲା ତଥାପି କିଛି ଫଳ ମିଳିଲା ନାହିଁ । ଶେଷରେ ଡିସେମ୍ବର 6 ତାରିଖରେ ମୋର ବଡ ଭଉଣୀ ଶେଷ ନିଃଶ୍ୱାସ ତ୍ୟାଗ କରି ଦେଲା। ଏଠି ସବୁବେଳେ ମୁଁ ମୋ ବଡ ଭଉଣୀ ଙ୍କ ସ୍ବାମୀ ଙ୍କୁ କହେ ତାଙ୍କୁ ଠିକ୍ ରେ ଦେଖାଅ। କିନ୍ତୁ ମୁଁ ଜାଣିଲି ଯେ ତାଙ୍କର ଅବହେଳା ଯୋଗୁଁ ମୋ ଭଉଣୀ ଆଜି ମୋ ପାଖରେ ନାହିଁ। ତେବେ ମୋ ଭଉଣୀ ର ଦେଖାଶୁଣା ର ମୂଳ କାରଣ ହେଉଛି ଅବହେଳା । ତେବେ ଆପଣ କେବେ ଏମିତି ଅବହେଳା କରନ୍ତୁ ନାହିଁ ଯାହା ଫଳରେ ଆପଣଙ୍କ ପ୍ରିୟ ପରିବାର ସଦସ୍ୟ ମଧ୍ୟ ଆପଣଙ୍କ ଠାରୁ ଦୂରେଇ ଯିବ।

ତେବେ ମୋର ଏହି କାହାଣୀ ଟି କେମିତି ଲାଗିଲା କମେଣ୍ଟ ମାଧ୍ୟମରେ ଜଣାନ୍ତୁ ।