ଶ୍ରୁତି ର ଭାଗ୍ୟରେଖା…8

Page-7

କଥା ହେଉ ହେଉ ରାତି 8ଟା ବାଜିଲାଣି । ବିଭୁ ଭାଇ ଏବଂ ଜିତୁ ଭାଇ ଦୁଇ ଜଣ ଆସି ପହଁଚିଲେ ମେଡିକାଲ ରେ । ଟିକି ଆଗରୁ ସବୁ କଥା କହି ଦେଇଥିଲା। ଦୁଇ ଜଣ ଯାକ ରାଗରେ ଆସିଥିଲା କିନ୍ତୁ ମୋତେ ଜଗା ପାଖରେ ଦେଖି ଜିତୁ ଭାଇ ର ମନ ରେ ଦୟା ଆସିଲା ।

ସେ ମୋତେ ବାହାରକୁ ଡାକି ଆଣି ଧିର ସ୍ଵରରେ ରାଗି ପଚାରିଲା କଣ ଏ ସବୁ, ସେପଟେ ଘରେ କେତେ ଖୋଜୁଛନ୍ତି ଜାଣିଛୁ ଏବଂ ତୁ ମୋବାଇଲ ନେଇ ଆସିନୁ, ଟିକି କୁ ପଚାରିଲା ପରେ ଜଣା ପଡିଲା, ତୁ ଏଠି !! ମୁଁ ଭାଇ କୁ ସବୁ କଥା କହିଲି ଏବଂ ବୁଝେଇ ବାକୁ ଚେଷ୍ଟା କରିଲି ସେ ମାନିବାକୁ ନାରାଜ କିନ୍ତୁ ଟିକି ଏବଂ ଆଶିଷ ଆସି ଜିତୁ ଭାଇ ଏବଂ ବିଭୁ ଭାଇ ଙ୍କୁ ଅନୁରୋଧ କରି କହିଲା ପରେ ସେ ଦୁଇ ଜଣଙ୍କ ମନ ଅଳ୍ପ ବଦଳିଲା ଏବଂ ମୋର ଭଲ ପାଇବା କୁ ଆଖି ଆଗରେ ରଖି ମୋତେ ତିନୋଟି ସର୍ତ୍ତ କହିଲା ।

ପ୍ରଥମ ହେଲା ଘରେ ବାବା ଏବଂ ମାମିଙ୍କୁ ରାଜି କରିବାକୁ ଚେଷ୍ଟା କରିବି । ଯଦି ରାଜି ହେଲେ ତେବେ ହେବ । ଦ୍ଵିତୀୟ ହେଲା ଜଗା ଏବଂ ତୁ କେବଳ କଲେଜ୍ ରେ ଦେଖା କରିବ ବାହାରେ କୋଉ ରାସ୍ତାରେ କିମ୍ବା ଏକା ସାଙ୍ଗରେ ବୁଲିବାକୁ ଯିବା ଏଗୁଡ଼ିକ ମନା।

ତୃତୀୟ ସର୍ତ୍ତ ହେଲା, +2 ସରିଲା ପରେ ଜଗା Army କିମ୍ବା ଅନ୍ୟ Job ପାଇଁ ଚେଷ୍ଟା କରି କୋଉ ଭଲ ଜାଗାରେ job ପାଇଲା ପରେ ହିଁ ତୋ ସହିତ ତାର ବାହାଘର କରା ଯିବ ।

ଏଗୁଡ଼ିକ କେବଳ ତୁ ଭଲ ପାଉଛୁ ବୋଲି କରୁଛି ନହେଲେ ତୁ ଭଲ ଭାବରେ ଜାଣୁ ମୁଁ ଆଉ କଣ କରିଥାଆନ୍ତି। ମୁଁ ଭାଇ ର କଥା ରେ ହଁ ଭରିଲି କିନ୍ତୁ ମନରେ ଡର ଥିଲା । କୂଳ ସମାଜ ଏବଂ ବାବା ମମି ଉପରେ। ଭାଇ ମୋ ସେ ଡର କୁ ମଧ୍ୟ ଦୂରେଇ ଦେଲା । ସେ କହିଲା ତୁ କୁଳ, ସାହି ଲୋକ ଏବଂ ସମାଜ ଏବଂ ବାବା ମମି କଥା ଭାବୁଛୁ ନା, ସେ କଥା ମୋ ଉପରେ ଛାଡ଼ି ଦେ । ତୋ ଭାଇ କେବେ କାମରେ ଆସିବ । ତୁ ଯଦି ଖୁସି ରହିବୁ ତେବେ ମୋର ସବୁ ଦୁଃଖ ଉଡ଼ିଯିବ ।

ଭାଇ ୱାର୍ଡ ଭିତରକୁ ଗଲା ,ଜଗା ଉଠି ବସିଲା । ଭାଇ କୁ ପ୍ରଣାମ କରିବାକୁ ହାତ ଟେକିଲା କିନ୍ତୁ ଭାଇ କହିଲେ ନା ନା ତମେ ଏବେ ରେଷ୍ଟ କର। ଭାଇ ଜଗା କୁ କହିଲା । ତମ ଯୋଡ଼ି ସୁପର୍ ହିଟ କରେଇବି କିନ୍ତୁ ମୋ ସର୍ତ୍ତ ତମକୁ ମାନିବାକୁ ପଡ଼ିବ। ସେ ସର୍ତ୍ତ ଗୁଡ଼ିକ ତମକୁ ଶ୍ରୁତି କହିଦେବ। ଏତିକି କହି ଭାଇ କହିଲେ ଆମେ ଆସୁଛୁ ରାତି ବହୁତ୍ ହେଲାଣି ଘରେ ବାବା ମମି ବ୍ୟସ୍ତ ହେଲେଣି । ତାପରେ ଟିକି ଏବଂ ମୁଁ ଫେରିଗଲୁ।

ଘରେ ପହଞ୍ଚି ଭାଇ ବାବା ମମି କୁ ବୁଝାଇବାକୁ ଚେଷ୍ଟା କରିଲେ ପ୍ରାୟ 2 ଘଣ୍ଟା ବୁଝେଇବା ପରେ ସେମାନେ ରାଜି ହେଲେ । ମୁଁ ବହୁତ୍ ଖୁସି ହେଲି । ସମସ୍ତେ ଡିନର କରି ରେଷ୍ଟ କରିଲୁ । ସକାଳୁ ଭାଇ ମୋତେ ମେଡିକାଲ୍ ନେଇ ଗଲା । ସେଠି ଜଗା ପୁରାପୁରି ସୁସ୍ଥ ହୋଇ ଯାଇଥିଲା। ଆମେ ପ୍ରାୟ 3 ଘଣ୍ଟା କଥା ହେଲୁ। ଡାକ୍ତର ବାବୁ କହିଲେ ସଂଧ୍ୟା ବେଳେ ତମକୁ ଆମେ ମେଡିକାଲ୍ ରୁ ଡିଶ୍ଚାର୍ଜ୍ କରିଦେବୁ । ସମସ୍ତେ ଖୁସି ହେଲେ ।

ଏଠି ଅନ୍ୟ ଏକ ସମସ୍ୟା ଆସି ପହଁଚିଲା ଯେ ମୋ ଘରେ ସିନା ରାଜି ହୋଇଗଲେ କିନ୍ତୁ ଜଗା ର ବାପା ରାଜି ହେଲେ ନାହିଁ । ତାଙ୍କୁ ପୁଣି ଜଗା ଏବଂ ଆଶିଷ ବହୁତ୍ ବୁଝାଇଲେ ଏବଂ ଶେଷରେ ସେ ମାନିଗଲେ । ପୁଣି କଲେଜ୍ ଯିବା ଆସିବା ଆରମ୍ଭ ହେଲା । ପ୍ରତିଦିନ ଦେଖା ସାକ୍ଷାତ ଏବଂ ଚାରି ଜଣ ଯାକ ବୁଲାବୁଲି ଆରମ୍ଭ ହେଲା । ଜିତୁ ଭାଇ ଙ୍କ ଛୁଟି ସରିବା ପରେ ସେ ପୁଣି ଫେରିଗଲେ ।

ତାଙ୍କ ୟୁନିଟ କୁ, +2 ର ଦ୍ଵିତୀୟ ବର୍ଷ ସରିଗଲା। ମୋତେ ଅନୁଭବ ହେଉଥିଲା ଯେମିତି ଆମ ଦୁଇ ଜଣଙ୍କ ଯେମିତି ଅଧା ବାହାଘର ସରି ଯାଇଛି। କିନ୍ତୁ ଗୋଟିଏ କଥା ଏଠି ଜଗା କେବେ ଆମ ଘରକୁ ଆସି ନାହିଁ ଏବଂ ମୁଁ ତାଙ୍କ ଘରକୁ କେବେ ଯାଇନି ଏବଂ ଆମେ ଦୁହେଁ ଏହା ଗୋଟିଏ ସର୍ତ୍ତ ରୂପରେ ଗ୍ରହଣ କରି କହିଲୁ ଯିବା ଆସିବା ସେଦିନ ହେବା ଯେଉଁ ଦିନ ଆମେ ପରସ୍ପର କୁ ବିବାହ କରିବା ଏବଂ ଜଗା ମଧ୍ୟ ଭାଇଙ୍କ ସର୍ତ୍ତ ଅନୁଯାୟୀ ସେ ତାର Job ପାଇଁ ଦୌଡ଼ା ଦଉଡ଼ି କରୁଥାଏ ।

ଏଠି ଆମ ଜୀବନରେ ଅଳ୍ପ ମୋଡ଼ ଆସିଗଲା ଏବଂ ସେହି ମୋଡ଼ ମୋ ଭାଗ୍ୟ ରେଖା ରେ ଲେଖା ଥିବା କଥା କୁ ସତ କରିଦେଲା। +3 ର ପ୍ରଥମ ବର୍ଷ ଚାଲିଥାଏ । କଲେଜ୍ ଯିବା ଆସିବା ଚାଲିଥାଏ । ଗଣେଶ ପୂଜା ସମୟ ଆସିଲା, ଜଗା ର ମାମୁଁ ଜଣେ ମୁମ୍ବାଇ ରେ ରୁହନ୍ତି ସେ ଜଗା କୁ ବହୁତ୍ ଭଲ ପାଆନ୍ତି । ସେ ପ୍ରତି ବର୍ଷ ଗଣେଷ ପୂଜା ଦେଖିବାକୁ ଜଗା କୁ ଡାକୁଥିଲେ କିନ୍ତୁ ଜଗା ମନା କରୁଥିଲା କିନ୍ତୁ ସେହି ବର୍ଷ ଜଗା ମୁମ୍ବାଇ ଯିବା ପାଇଁ ବାହାରିଲା । ମୁଁ ମନା କରିଲି।

ଜଗା କହିଲା ଗୋଟିଏ ସପ୍ତାହ ର କଥା । ସାଙ୍ଗରେ ମାଇଁ ଯିବେ ତାଙ୍କୁ ମାମୁଁ ପାଖରେ ଛାଡ଼ିବାର ହେବ ଏବଂ ମୁଁ 3 ଦିନ ରହିବି ଯଦି ସମୟ ହେବ ବୁଲିବି ଅଥବା ଫେରିଯିବି । ଜଗା ପାଇଁ ତାଙ୍କ ମାମୁଁ ଯିବା ଆସିବା ପାଇଁ ଟିକେଟ କରିଥିଲେ । ମୋର ମନ ମାନୁ ନଥାଏ ମୁଁ ବାରମ୍ଵାର କହୁଥାଏ ତମେ ବଦଳରେ ଆଉ କିଏ ଗଲେ ହେବନି କି?? ମୁଁ ଏମିତି କହୁଥିଲି କିନ୍ତୁ ଜଗା କହିଲା ସେ ମୋତେ ତାଙ୍କ ପୁଅ ଭଳି ଦେଖନ୍ତି ତାଙ୍କର ଦୁଇଟି ଝିଅ କିନ୍ତୁ ମୋତେ ପିଲା ବେଳୁ ପୁଅ ର ସ୍ନେହ ଦେଇ ଆସିଛନ୍ତି । ମୁଁ ଯଦି ଯିବିନି ସେ ଖରାପ ଭାବିବେ । ଏବଂ ଆଉ କିଏ ଯିବା ପାଇଁ ନାହାନ୍ତି ।

ଏମିତି କହି ଜଗା କିଛି ଦିନ ପରେ ମୁମ୍ବାଇ ଯିବାକୁ ବାହାରିଲା । ସେଠୀ ବୁଲା ବୁଲି କରି ଗୋଟିଏ ସପ୍ତାହ ପରେ ସେ ଫେରିଲା । ରାତି 8ଟା ରେ ଟ୍ରେନ ଥିଲା । ଫେରିଲା ବେଳେ ଟ୍ରେନ ରେ ବସି କଥା ହେଲୁ। ଟ୍ରେନ ରେ ବହୁତ୍ ଭିଡ ଥିଲା । ରାତି 11 ଟା ପର୍ଯ୍ୟନ୍ତ କଥା ହେଲୁ । ତାପରେ ମୁଁ କହିଲି ରେଷ୍ଟ କର ସକାଳେ କଥା ହେବା ।

ଯଦି ସାଗର ରେ ସୁନାମି ର ପ୍ରକୋପ ଅଛି ତେବେ ସେ ନିଶ୍ଚୟ କୁଳ ଲାଙ୍ଘିବ ଏବଂ ସର୍ବନାଶ କରିବ । ସେମିତି ମୋ ଭାଗ୍ୟ ରେଖା ରେ ଯାହା ଅଛି ତାହା ନିଶ୍ଚୟ ହେବ । ତାକୁ କେହି ରୋକି ପାରିବ ନାହିଁ । ତାପର ଦିନ ସକାଳେ ଜଗା କୁ କଲ୍ କରିଲି । କିନ୍ତୁ ଜଗା କଲ୍ ଉଠାଇଲା ନାହିଁ ।

ପ୍ରାୟ 15 ରୁ 20 ଥର କଲ୍ କରିବା ପରେ ସେ ସ୍ୱିଚ୍ ଅଫ ହେବାର ଉତ୍ତର ଆସିଲା । ସଙ୍ଗେ ସଙ୍ଗେ ଆଶିଷ କୁ ଫୋନ୍ କରିଲି ,ସେ ସୋଇଥିଲା , ତାକୁ କହିଲି ସକାଳ 6 ଟା ରୁ ପ୍ରାୟ 2 ଘଣ୍ଟା ହେଲା କଲ୍ କରୁଛି କିନ୍ତୁ ସେ ଉଠେଇଲା ନାହିଁ ଆଉ ଏବେ ଶ୍ୱିଚ ଅଫ କହୁଛି । ଆଶିଷ ମଧ୍ୟ ଫୋନ୍ କରିଲା। ସେହି ଉତ୍ତର , ଶ୍ୱିଚ୍ ଅଫ । ଆଶିଷ ଜଗା ର ମାମୁଁ ଙ୍କୁ କଲ୍ କରିଲା । ମାମୁଁ କହିଲେ କାଲି ରାତିରେ କଲ୍ କରିଥିଲି । ସେ ମୋ ସହିତ କଥା ହୋଇଥିଲା।

ତାପରେ ମୁଁ ମଧ୍ୟ ସକାଳୁ ଠାରୁ କଲ୍ କରୁଛି କଲ୍ ଲାଗୁନି । ସମସ୍ତେ ଚିନ୍ତା ରେ ପଡିଲେ । ଜଗା ଗଲା କୁଆଡେ , ଦେଖୁ ଦେଖୁ ଦିନ 10ଟା ବାଜିଲାଣି । ଶେଷରେ କିଛି ଖବର ନ ମିଳିବାରୁ ପୋଲିସ୍ ଷ୍ଟେସନ କୁ ଯାଇ ରିପୋର୍ଟ ଲେଖାଗଲା । ପୋଲିସ ଖବର ବାହାର କରିବାରେ ଲାଗି ପଡ଼ିଲା । ରାତି 7ଟାରେ ଜଗା ର ବାପା ପାଖକୁ କଲ୍ ଆସିଲା କି ଶୀଘ୍ର ଥାନା କୁ ଆସ । ସେ ଦଉଡ଼ିଗଲେ ସାଙ୍ଗରେ ଆଶିଷ କୁ ନେଇ ଗଲେ ।

ସେଠି ପୋଲିସ ବାବୁ କହିଲେ । ଆପଣଙ୍କ ପୁଅ ଯୋଉ ଟ୍ରେନ ରେ ଆସୁଥିଲେ ସେହି ଟ୍ରେନ ରେ ରାତି 2ଟା ପାଖାପାଖି ହେବ ସିଟ୍ ପାଇଁ ଝଗଡ଼ା ହେଲା ସମସ୍ତେ ଉଠିଲେ । ଝଗଡା କରୁଥିବା ବ୍ୟକ୍ତି ମାନେ ମଦ ପିଇ ଥିଲେ । ସେମାନଙ୍କ ସିଟ୍ ନଥିଲା। ଜବରଦସ୍ତି ବସିବାକୁ ଚେଷ୍ଟା କରୁଥିଲେ ତାପରେ ସେଠୁ 3 ଜଣ ପିଲା କୁ ଟାଣି ଟାଣି ବାଥରୁମ୍ ପାଖକୁ ନେଲେ ସେଠୀ କଥା ହେବା ପରେ ହଠାତ୍ ଜୋର୍ ରେ ପାଟି କରିବାର ଶବ୍ଦ ଆସିଲା। ପାଖରେ ଲୋକମାନେ ଉଠି ଦେଖିଲେ ଯୋଉ 3 ଜଣ ପିଲା ସହିତ ଝଗଡା କରୁଥିଲେ ସେମାନେ ନଥିଲେ ।

ସେ ମଦ ପିଇଥିବା ଦୁବୃର୍ତ୍ତ ମାନେ ତାଙ୍କୁ ଟ୍ରେନ ରୁ ଠେଲି ଦେଇଛନ୍ତି । ପାଖରେ ଥିବା ଲୋକମାନେ ପଚରା ଉଚରା କରି ମାଡ ମାରିବା ପରେ ସେମାନେ କହିଲେ ଆମେ ତାଙ୍କୁ ଟ୍ରେନ ବାହାରକୁ ଠେଲି ଦେଇଛୁ । ସଙ୍ଗେ ସଙ୍ଗେ ଟ୍ରେନ ର ଚେନ୍ ଟଣାଗଲ ଏତିକି କଥା ହେଉ ହେଉ ଟ୍ରେନ ଚାଲିବାର ପ୍ରାୟ 20 ମିନିଟ୍ ହୋଇ ସାରିଥିଲା ।

Page-9
By. Nilamadhab Bhuyan

Comment please about the story.,

Thanking You.