ମିନି କହିଲା ନାହିଁ ଭାଇ, ମୁଁ ଆଉ ୩ ବର୍ଷ ପରେ ବାହା ହେବି ।

ଭାଇ କହିଲା ତୋର କଥା ମୁଁ ସୁଣିବିନି, ତୁ ନିଜକୁ ପ୍ରସ୍ତୁତ କର ।
ମିନି କହିଲା, ଭାଇ ମୁଁ ଯଦି ବିବାହ କରିବି ତେବେ ମୋର କିଛି ସର୍ତ୍ତ ମାନିବେ ତେବେ ବିବାହ କରିବି ।
ମିନି ଭାଇ କୁ ବାପାଙ୍କୁ କହିଥିବା ସର୍ତ୍ତ ଗୁଡ଼ିକ କହିଲା ।
ଭାଇ ରାଗିକି ପଞ୍ଚମ ।
ଭାଇ କହିଲା ତୁ ମହାରାଣୀ ନା?? ତୋତେ ସବୁ ସେବା କରିବେ ।
ମିନି କହିଲା ତେବେ, ମୋତେ ଯଦି ବାଧ୍ୟ କରିବ ତେବେ ମୁଁ ବ୍ଲେଡ୍ ରେ ନିଜ ହାତ କାଟିଦେବି!!
ଭାଇ କହିଲା, ତୁ ଏବେ ମୋତେ ଡରେଇବା ଶିଖି ଗଲୁଣି। ତେବେ ମୁଁ ମଧ୍ୟ ଚାଲିଲି, ଏଠି ଗୋଟିଏ ମିନିଟ୍ ମଧ୍ୟ ରହିବି ନାହିଁ।
ଭାଇ ବ୍ୟାଗ୍ ନେଇ ବାହାରିଲେ କିନ୍ତୁ ଏତେ ରାତିରେ କୁଆଡେ ଯିବେ । ବାପା, ମା ସମସ୍ତେ ଭାଇ କୁ ଅନୁରୋଧ କରିଲେ ଏବଂ ମିନି ଉପରେ ରାଗି କହିଲେ ତୋରି ପାଇଁ ସବୁ ହେଉଛି ।ମିନି ଭାଇ ପାଖକୁ ଗଲା,
ମିନି କହିଲା ପ୍ଲିଜ୍ ଭାଇ , ଏବେ କୁଆଡେ ଯାଅ ନାହିଁ, ବାପା, ମା କାନ୍ଦୁଛନ୍ତି ।
ଭାଇ କହିଲା, ସେମାନେ କାନ୍ଦିଲେ କଣ, ହେବ ତୋତେ ତ କିଛି ଫରକ୍ ପଡୁନି ।
ମିନି କହିଲା, ହଉ ଭାଇ ମୁଁ , ବିବାହ କରିବି, ତମେ ରାଗନି ।
ଭାଇ ଘରକୁ ଆସିଲେ ଏବଂ ମିନି ମଧ୍ୟ ବିବାହ ପାଇଁ ପ୍ରସ୍ତୁତ ହେଲା କିନ୍ତୁ ମନରେ ଗୋଟିଏ ପ୍ରତିଶତ ମଧ୍ୟ ଇଚ୍ଛା ନଥିଲା । କେବଳ ବାଧ୍ୟକତା ରେ ସେ ବିବାହ କରୁଛି।
ବିବାହ ତିଥି ପାଖେଇ ଆସିଲା । ବିବାହ ମଧ୍ୟ ସରିଲା । ମିନି ର ସ୍ବାମୀ ଶିଶିର । ଶିଶିର ବହୁତ୍ ସିଧା ସାଧା ଲୋକ ।
ପ୍ରଥମେ ଗୋଟିଏ ମାସ ଆରାମ ରେ କଟି ଗଲା । କାହିଁକି ନା ମିନି ର ଶାଶୁ ଏବଂ ନଣନ୍ଦ ମିନି କୁ କାମ କରିବାକୁ ଦେଉ ନଥିଲେ ।
ଏପଟେ ମିନି ନିଜ ଇଛା ରେ ଉଠେ ନିଜ ଇଚ୍ଛାରେ ଆରାମ କରେ କିନ୍ତୁ ଏମିତି କେତେ ଦିନ ଚାଲିବ । ଦିନେ ସଂଧ୍ୟାରେ ଶିଶିର ଆଉ ମିନି କଥା ହେଲେ ।
ଶିଶିର କହିଲା ସବୁବେଳେ ବେଡ୍ ରୁମ୍ ରେ ପଡ଼ି ରହୁଚ, ନହେଲେ ଟିଭି ଦେଖୁଛ । ମା ଙ୍କୁ ଏବଂ ଭଉଣୀ(ରିନା) ଙ୍କୁ ସାହାଯ୍ୟ କର ।
ମିନି କହିଲା ସେ ମୋତେ କାମ କରିବାକୁ ଦେଉ ନାହାନ୍ତି ଏବଂ ମୋର କାମ ତାଙ୍କୁ ଭଲ ଲାଗୁନି । ଯୋଉ କାମ କରୁଛି ସବୁ କାମରେ ଭୁଲ ଖୋଜୁଛନ୍ତି।
ଶିଶିର କହିଲା, ଭୁଲ କରିଲେ ଭୁଲ ବୋଲି କହିବେ, ତମେ ଠିକ୍ କରିବାକୁ ଚେଷ୍ଟା କର ଏବଂ ସେ ତ ତମକୁ ବାଧ୍ୟ କରୁ ନଥିବେ।
ମିନି କହିଲା ଆଉ ମୁଁ କଣ ମିଛ କହୁଛି?
ଶିଶିର କହିଲା ସେକଥା ମୁଁ କହିଲି କି? ମୁଁ କହିଲି କି ସବୁବେଳେ ତ ସେମାନେ କରିବେ ନାହିଁ । ଆଜି ନହେଲେ କାଲି ତମକୁ କରିବାକୁ ପଡ଼ିବ।
ମିନି କହିଲା ମୁଁ ଏହି ଘରେ କାମ କରିବି ନାହିଁ । ମୁଁ ଏଠି ରହିବି ନାହିଁ ମଧ୍ୟ, ଯଦି ରହିବି ତେବେ ତୁମ ସହିତ ରହିବି ।
ଶିଶିର କହିଲା ମୋର ଛୁଟି ସରିଲାଣି, ଗୋଟିଏ ଦିନ ପରେ ଫେରିଯିବାକୁ ହେବ କମ୍ପାନୀ କୁ, ସେଠୀ ଗଲା ପରେ କିଛି ବ୍ୟବସ୍ଥା କରି ଜଣେଇବି ।
ମିନି କହିଲା ମାନେ ମୋତେ ତମେ ଏବେ ସାଥିରେ ନେଇ ଯିବ ନାହିଁ । ମୁଁ ତ ଭାବିଥିଲି ତମ ସାଙ୍ଗରେ ଯିବି ବୋଲି ।
ଶିଶିର କହିଲା ଆଉ କିଛି ଦିନ ରୁହ। ମୁଁ ଗୋଟିଏ ମାସ ପରେ ଛୁଟି ଆସିବି। ସେ ସମୟରେ ସାଙ୍ଗରେ ନେଇ ଯିବି ।
ମିନି କହିଲା ନା, ମୁଁ ଏବେ ତୁମ ସାଙ୍ଗରେ ଯିବି ମାନେ ଯିବି।
ଶିଶିର କହିଲା କଥା କୁ ବୁଝ। ସେଠି ରୁମ୍ ନେବାକୁ ହେବ, ଏବଂ ଘରକରଣା ସାମାନ କିଛି ଆଣିବାକୁ ହେବ ।
ମିନି କହିଲା ହଉ ଠିକ୍ ଅଛି କିନ୍ତୁ ଗୋଟିଏ ସର୍ତ୍ତ ରେ ।
ଶିଶିର କହିଲା, ତୁମର ସର୍ତ୍ତ ପୁଣି କଣ?
ମିନି କହିଲା ସର୍ତ୍ତ ଏହା ଯେ, ତମେ ୧୫ ଦିନ ଭିତରେ ରୁମ୍ ନେଇ ମୋତେ ଏଠି ନେବାକୁ ଆସିବ ଏବଂ ମୁଁ ତମ ସାଙ୍ଗରେ ଚାଲିଯିବି।
ଶିଶିର କଣ କହିବ ଆଉ, ହଁ କରି ମିନି କୁ ବୁଝେଇଲା ଏବଂ କହିଲା ହଉ ମୁଁ ସେମିତି କରିବି । କହି ସେ ପୁଣି ଫେରିଗଲା କମ୍ପାନୀ କୁ ।ଏପଟେ ମିନି ଶାଶୂ ଘରେ ଧିରେ ଧୀରେ କାମ କରିବାକୁ ଆରମ୍ଭ କରିଲା । ବେଳେ ବେଳେ ଖାଏ ତ ଆଉ କେତେବେଳେ ରାଗି କରି ଭୋକରେ ରୁହେ ।
ଘରେ ନିଜ ମା ଙ୍କୁ ଫୋନ୍ ରେ ସବୁ କଥା କହେ । ଶାଶୂ ଖରାପ , ଶଶୁର ଖରାପ ,ନଣନ୍ଦ ମୋତେ ଖରାପ୍ ବ୍ୟବହାର କରନ୍ତି ଏମିତି ବହୁତ୍ କିଛି ।
ମିନିର ମା ତାକୁ ବୁଝେଇ କୁହନ୍ତି । ସେଠି ନିଜକୁ ଆଡଜଷ୍ଟ କରିବାକୁ ହେବ । କିଏ ଖରାପ କିଏ ଭଲ ମୁଁ ତର୍ଜମା କରିବିନି ।
ତୁ ଯେତେ ଶୀଘ୍ର ସେ ପରିବାର ସହ ଚଳିବୁ ସେତେ ଶୀଘ୍ର ତୋ ପାଇଁ ଭଲ ।
ମିନି ନିଜ ମା ଉପରେ ମଧ୍ୟ ରାଗେ ଏବଂ ଏଣୁ ତେଣୁ କଥା କହେ।
ଦେଖୁ ଦେଖୁ ୧୫ ଦିନ ବିତିଗଲା । ଏହି ୧୫ ଦିନ ଭିତରେ ମିନି କେବେ ଠିକ୍ ସମୟରେ ସକାଳୁ ଉଠୀନି ନା କେବେ ଠିକ୍ ସମୟରେ ରୋଷେଇ କରିଛି।
ଲେଟ୍ ହେଲେ ଶାଶୂ କିମ୍ବା ରିନା ରୋଷେଇ କରନ୍ତି।
ଏପଟେ ମିନି ଶିଶିର କୁ କହେ, ତମ ମା, ମୋ ଉପରେ ରାଗି ଏଣୁ ତେଣୁ କହୁଛନ୍ତି । ଶିଶିର ନିଜ ଆଖିରେ କିଛି ନ ଦେଖି ମିନି ର କଥା କୁ କେବେ ବିଶ୍ୱାସ କରୁଥାଏ ତ କେବେ ନାହିଁ କାରଣ ରିନା ଏବଂ ଶିଶିର ସବୁବେଳେ କଥା ହୁଅନ୍ତି ।
ଭାଉଜ କଣ କରେ କଣ ନ କରେ ସବୁ ଖବର ରିନା ଦେଉଥାଏ ନିଜ ଭାଇ କୁ ।
୧୫ ଦିନ ପରେ ମିନି ଶିଶିର କୁ ଫୋନ୍ କରି କହିଲା ତମେ ଆସିବ ନା ନାହିଁ ।
ଶିଶିର କହିଲା ଆରେ ଛୁଟି ମିଳୁନି ।
ମିନି କହିଲା ତମେ ଯଦି ନ ଆସିବ ତେବେ ମୁଁ ଏଠି ଗୋଟିଏ ମିନିଟ୍ ମଧ୍ୟ ରହିବି ନାହିଁ ।
ଏମିତି କହି ରାଗ ତମ ତମ ହୋଇ ବ୍ୟାଗ୍ ରେ କିଛି କପଡା ରଖି ନିଜ ଘର କୁ ଯିବାକୁ ବାହାରିଲା ।
ଏହା ଦେଖି ରିନା ସଙ୍ଗେ ସଙ୍ଗେ ଭାଇ କୁ କହିଲା । ଭାଇ କହିଲା , ତାକୁ ବୁଝେଇଲେ ସେ ଯଦି ବୁଝୁନୁ ତେବେ କଣ କରିବି।
ଏପଟେ ଘର ର ଏମିତି ସ୍ଥିତି ଦେଖି ମିନି ର ଶଶୁର ନିଜେ ମିନି କୁ ନେଇ ମିନି ଘରେ ଛାଡ଼ି ଆସିଲେ ।
ଶିଶିର ର ବାପା କହିଲେ , ବୋହୂ କୁ ନେଇ ତୋ ପାଖରେ କିଛି ଦିନ ରଖେ , ତାପରେ ତାର ମନ ବୁଝିଯିବ।
ଶିଶିର ବାପା ଙ୍କୁ ହଁ କରି କହିଲା , ହଉ ବାପା ,ମୁଁ ଆଉ ୧୫ ଦିନ ପରେ ଆସିବି ଏବଂ ମିନି କୁ ନେଇ ଆସିବି ।
ମିନି ସେ ୧୫ ଦିନ ଶିଶିର ଉପରେ ରାଗରେ କଥା ହେଉ ନଥାଏ । ଆଉ ଯେବେ କଥା ହୁଏ ଇଚ୍ଛା ନଥିଲା ଭଳି କଥା ହୁଏ।

****************************

ଆଗକୁ ପଢ଼ିବେ: (ମୁଁ କାହାର ସେବା କରିବାକୁ ଏଠି ଆସିନି ଯାହାର ଖାଇବାର ଇଚ୍ଛା ଅଛି ଖାଅ ନହେଲେ ଭୋକରେ ରୁହ )