ଚନ୍ଦ୍ରବିନ୍ଦୁ ସେ ସମ୍ପର୍କର

ଚନ୍ଦ୍ରବିନ୍ଦୁ ନୁହେଁ ତ ସେ

ଅଧୁରା କାହାଣୀ ର କବର…

ଫେରିବାକୁ ଚାହିଁଲେ ମଧ୍ୟ

ଫେରି ପାରିବୁନି ମୋ ମନକୁ…

କାରଣ ନାହିଁ ସେ ପ୍ରଶ୍ନ ର..

ଅଭିପ୍ରାୟ ନାହିଁ ସେ ସମୟର..

ଦୋଷ ଅବା କାହାକୁ ଦେବି…

ତୁ ଅବା କଣ କରିବୁ…

ନା ମୁଁ ଶ୍ରଦ୍ଧାଞ୍ଜଳି ହେବି…

ଭୁଲି ଯା ସେ ଅତୀତ କୁ

ଦୁଃଖ ପାଇ ସେ କଷ୍ଟ ର

ଭାଗୀଦାର ମୋତେ କରାଇବାକୁ

ଚେଷ୍ଟା କରେ ନାହିଁ…

କିଛି ରାସ୍ତା ନାହିଁ…

ଫେରିବାକୁ ସେ ସମୟକୁ…

ଭୁଲିବାକୁ ଚେଷ୍ଟା କର …

ନହେଲେ ଶେଷରେ ରହିଯିବ କେବଳ

ମୋର ଶେଷ ପ୍ରତିଶ୍ରୁତି ଟିକକ…

ନା ଦେଖିବି ତୋତେ…

ନା ଦେଖିବାର ଆଶା ଅଛି..

ନା ମୋର ଅଧିକାର…

ନା ଇଚ୍ଛା ଅଛି ମୋର…

ସମୟକୁ ସିନା ମୁଁ ମିଛ କହିପାରେ

କିନ୍ତୁ ନିଜ ବିବେକ କୁ ମିଛ କହି

କେତେଦିନ ଆଉ ବଞ୍ଚିବି…

ନା ଆଶା ଅଛି 

ନା ଅଭିଳାଷା,

କିନ୍ତୁ ଜାଣିଛି ଦେଖା ହେବ ନିଶ୍ଚୟ ତୋର ମୋର 

ସେଦିନ ତୋ ଲୁହ ଝରୁଥିବ

ଏବଂ ମୁଁ ଶାନ୍ତିରେ ଚିତା ଉପରେ ଶୋଇଥିବି….

ସେଦିନ ପ୍ରକୃତରେ

ଚନ୍ଦ୍ରବିନ୍ଦୁ ପଡିଯିବ ସେ ବାସ୍ତବ ସମ୍ପର୍କ ର……

ସନ୍ତୋଷ କୁମାର ସାହୁ (ଲେଖକ)