Tag Archives: ଓଡ଼ିଆ କବିତା

କେଜାଣି କାହିଁକି (ଓଡ଼ିଆ କବିତା)




କେଜାଣି କାହିଁକି ତୁମକୁ ଦେଖିଲେ
ଭାରି ଭଲ ଲାଗେ ଏତେ,,
ମନ ହୁଏ ପୁଣି… ଆଉ ଥରେ କେବେ
ଦେଖା ହୁଅନ୍ତା କି ପଥେ…..।।


ରାତିତ ଆସଇ ଜହ୍ନର ସାଥିରେ
ଛାତିକୁ ଜଳାଏ… ଜୋଛନା ତାତିରେ,,
କେଜାଣି କାହିଁକି ପୁନେଇ ଆସିଲେ
ଜହ୍ନ ଭଲ ଲାଗେ ଏତେ…।।


ବରଷାତ ଆସେ ମେଘର ପିଠିରେ
ଆଷାଢ଼ ମହକେ ବତୁରା ମାଟିରେ,,
କେଜାଣି କାହିଁକି… ଶ୍ରାବଣ ଆସିଲେ
ଭିଜିବାକୁ ମନ ଏତେ…।।


ବସନ୍ତ ଆସଇ ଫଗୁଣ ଦୁଆରେ
ଦେହ ଶିହରାଏ ମଳୟ ଛୁଆଁରେ,,,
କେଜାଣି କାହିଁକି… ସ୍ମୃତିର ନିଆଁରେ
ଭିଜିବାକୁ ମନ ଏତେ…।।




ଶ୍ରୀ ଲୋକନାଥ ନାୟକ (ଅଧ୍ୟାପକ, ଓଡ଼ିଆ ବିଭାଗ)
କବିସୂର୍ଯ୍ୟ ନଗର, ମହାବିଦ୍ୟାଳୟ, ଗଞ୍ଜାମ ।





If the contents are helpful to share them with your friends, Thanking You.

କଥା ରଖିଛି (By. Nilamadhab)

କଥା ରଖିଛି
ତୁ କେମିତି ବୁଝିଥାନ୍ତୁ
ମୁଁ କଣ ଚାହେଁ
ତୋତେ କେବଳ ଧନ ଦରକାର ଥିଲା ନା
କଣ ନଥିଲା ମୋର
ବଙ୍ଗଳା, ଗାଡି କିମ୍ବା ଅସରନ୍ତି
ଧନ ନଥିଲା ସିନା
ଭଲ ମନ ଟେ ତ ଥିଲା
ଗର୍ବି ତ ନଥିଲି..
ତଥାପି ତୋ ଗର୍ବ ମନକୁ
ମୁଁ ସର୍ବଦା ଶାନ୍ତନା ଦେଇ ଆସିଥିଲି
କିନ୍ତୁ ଶେଷରେ ଧୋକା ଶବ୍ଦ ଟିକୁ
ଉପହାର ଦେଇ ଛାଡ଼ି ଚାଲିଗଲୁ
ଏ ଦୁନିଆରୁ…
ଅନ୍ଧାର କରିଦେଲୁ
ସବୁଦିନ ଆଉ ସବୁ ରାତି,
ଏତେ ସ୍ୱାର୍ଥପର ହେବା
ଠିକ୍ ହେଲାନି ତୋର…
କିନ୍ତୁ ମୁଁ ସ୍ୱାର୍ଥପର ନଥିଲି
ଆଜି ମୁଁ ତୋ ଇଚ୍ଛା
ପୂରଣ ପାଇଁ ଆସିଛି
ତୋ କବର ପାଖେ
କେତେ ଫୁଟ ର ସ୍ଥାନ ନେବାକୁ…
କାରଣ କଥା ଦେଇଥିଲି ନା
ବିବାହ ବେଦିରେ
ଆଜି ସେ କଥା ରଖୁଛି
ତୋ କବର ପାଖେ…
ନିଜର କବର କୁ ସ୍ଥାନ ଦେଇ..
ନୀଳମାଧବ ଭୂୟାଁ ଙ୍କ ଲେଖନୀରୁ…
If the contents are helpful to share them with your friends, Thanking You.

ନୂଆ


ନୂଆ, ଓଡ଼ିଆ କବିତା, ନୀଳମାଧବ, ନୀଳ, nila, madhab, poem, odia
ନୁଆ




ଜୀବନକୁ ନୂଆ ତୋଳିବାକୁ ଯାଇ
ଆଜି ନିଜେ ନୂଆ ହୋଇଗଲି
ସମ୍ପର୍କ ର ନଈ ସୁଅ ରେ ପୁଣି
ଭାସି ଭାସି ଆସି ସେ ସ୍ଥାନରେ
ପହଞ୍ଚି ଯାଇଛି..

କେତେ ଯେ ଟାହୀ ଟାପରା
ଶୁଣିବାକୁ ଥିଲା ଆଜି
ମନେ ହେଉଛି ଆଉ ସହି ହେବନି..

ପାର କରିବା ଅସହ୍ୟ ହେଲାଣି
ଏହି ଉଚ୍ଚତା ଦୁର୍ଗ ର ଚଲାପଥ 
ନାହିଁ ମୋର ସାହାସ
ଆଶା ଆଜି ନିରାଶା ରେ ପରିଣତ ହୋଇଛି…

କଣ ହେବ ମୋର ଭବିଷ୍ୟତ
ଏମିତି ବେକାର ଯିବ ମୋର ପାଠ ପଢା
କେତେ ଥର ଆଉ ହାରିବି
ଭାବୁଛି ଜୀବନକୁ ହାରି ଦେବୀ 
କିନ୍ତୁ
ନା… ନା… 
ନା ମୁଁ କାପୁରୁଷ ର ଆଖ୍ୟା ନେବି..
ନା ମୁଁ ଅକ୍ଷମ…
ପୁଣି ଥରେ ଚେଷ୍ଟା କରିବି
ତୋଳିବାକୁ ମୋ ନୂଆ ଜୀବନ ।


ନୀଳମାଧବ ଭୂୟାଁ ଙ୍କ ଲେଖନୀରୁ…
ବୁଗୁଡ଼ା, ଗଞ୍ଜାମ ।

If the contents are helpful to share them with your friends, Thanking You.

ଅଶ୍ରୁଳ ଶ୍ରଦ୍ଧାଞ୍ଜଳି

Manoj kumar Behera, ଅଶ୍ରୁଳ ଶ୍ରଦ୍ଧାଞ୍ଜଳି
ଅଶ୍ରୁଳ ଶ୍ରଦ୍ଧାଞ୍ଜଳି


   ବାପା,,,,,
     ମୁଁ ଜାଣେ ଏହା ନିଧ୍ୟାର୍ଯ୍ୟ ସତ୍ୟ,
ତୁମେ ଚାଲିଗଲ ମୁଣ୍ଡ ଉପରୁ ଉଡିଗଲା 
ଚାଳର ସ୍ଥାପତ୍ୟ,
ପାଦତଳୁ ଖସି ପଡୁଛି ମାଟିର ସାମର୍ଥ୍ୟ 
ମଳିନ ପଡିଛି ଦିନର ରୌଦ୍ରତା 
ରାତିର ଜୋସ୍ନା । 
ବଦଳି ଯାଇଛି ଘର ଚାରିପାଖ 
ସବୁଜିମାର ବାସ୍ନା ,
ନିରବତା ଛାଇ ଯାଇଛି ଘରସାରା 
ଦୂରେଇ ଯାଇଛି ତୁମ ଆଶ୍ରୀବାଦ ବୋଳା ହାତ
ନହିଁ ପଡିଛି ସବୁତକ ଧୌର୍ଯ୍ୟ ।
      
          ପ୍ରଥମ ଶ୍ରାଦ୍ଧ ବାର୍ଷିକୀର ଅଶ୍ରୁଳଶ୍ରଦ୍ଧାଞ୍ଜଳି 
ଜଗନ୍ନାଥଙ୍କ ନିକଟରେ ପ୍ରାର୍ଥନା 
ତୁମର ଅମର ଆତ୍ମାର ଶଦ୍ଗତି ହେଉ । 

ମନୋଜ କୁମାର ବେହେରା ଅଶ୍ରୁଳ ଲେଖନୀରୁ…
     🙏🙏🙏🙏🙏 
💐💐💐💐


If the contents are helpful to share them with your friends, Thanking You.