 |
| Prema Eka Bhabanara – 01 (Undelivered Love Letter, ଅପ୍ରାପ୍ୟ ପ୍ରେମ ପତ୍ର ) |
ଅପ୍ରାପ୍ୟ ପ୍ରେମ ପତ୍ର
ପ୍ରିୟର ତୁମେ…..
ହୃଦୟର ନିବୃତ୍ତ କୋଣରୁ ତୁମ ପାଈଁ ସମର୍ପିତ ସ୍ନେହ । ପ୍ରତି ମୁହୂର୍ତ୍ତରେ ଭାବେ ତୁମେ ଭଲରେ ଥାଅ । ତୁମ ଜୀବନ ଅଲୋକ ମୟ-ସୁପୁଷ୍ପିତ ହେଉ ।
ମୁଁ ତୁମକୁ ଭଲ ପାଏ ବୋଲି ଆଜି ଶାନ୍ତି ରେ ଅଛି, କାହିଁକିନା ତୁମେ ମୋତେ ଅନୁଭବ କରିପାରୁନ । ମୁଁ ଆଜି ଖୁସିରେ ଅଛି କାହିଁକିନା ତୁମେ ମୋ ମନର କଷ୍ଟ କୁ ବୁଝି ପାରୁନ। ତୁମ ମନ, ହୃଦୟ ର ଗୋଟିଏ କୋଣରେ ନିଜତ୍ବ ଜାହିର କରିବାର ଅଧିକାର ଦେଇନ ବୋଲି, ମୋ ମନ ଭିତରେ ତୁମ ପ୍ରତି ଦୁର୍ବଳତା ଭରିଯାଇଛି। ତୁମେ “ମୋର ହେବାର ଯେଉଁ ଅନାବିଳ ଆଗ୍ରହ ହୁଏତ ତୁମକୁ କଷ୍ଟ ଦେଇପାରେ କିନ୍ତୁ ଅବିଶ୍ୱାସ କରି ପାରୁନି” । ସେହି ବିଶ୍ୱାସ ଅଛି ବୋଲି ତ ତୁମକୁ ଭୁଲିପାରୁନି, କାଳେ ତୁମେ କଷ୍ଟ ପାଇବ ବୋଲି ।
ତୁମ ବିନା ବଞ୍ଚି ପାରୁନି ବୋଲି ହତୋତ୍ସାହ ହୋଇନି, ଚିନ୍ତା ବି କରିନି ଏକା ରହିବାକୁ । ସମୟତ ଅତୀତକୁ ଉପହାସ କରେ, ଭବିଷ୍ୟତ କୁ ନିର୍ଦ୍ଦେଶ ଦିଏ ଯେଉଁଠି କଳାଯୟୀ ହେବାର ବହୁ ଅଦମ୍ୟ ଚେଷ୍ଟା କରୁଛି । କଲେ ତୁମେ ଅବାସ୍ତବ ଭାବନା ବାସ୍ତବ ହୋଇଯିବ । ତୁମକୁ ନେଇ ବହୁତ ସ୍ବପ୍ନ ଦେଖେ, କାଳେ ତୁମେ ଜାଗ୍ରତ ହେବ ବୋଲି । ସେଥିପାଇଁ ତୁମକୁ ପ୍ରତିବିନ୍ଦୁ ଓ ପ୍ରତିଛବି ରୁ ନେଇ ତୁମକୁ ମୋ ଜୀବନର ଅଧିନାୟକ ସଜେଇ ଦେଇଛି ।
ତୁମର ମନୋଜ………
Very nice
Thank you