ଦିନକୁ ଦିନ ବଢ଼ିତ ଗଲାଣି
ସୂର୍ଯ୍ୟ ଦେବଙ୍କର ତାପ,
ସମଗ୍ର ଜଗତ ଭୋଗୁଅଛି ଆଜି
ବୃକ୍ଷ ଛେଦନ ର ପାପ…
ବୈଶାଖ ଓ ଜ୍ୟେଷ୍ଠ ଏ ଗ୍ରୀଷ୍ମ ଋତୁରେ
ସହି ନ ହୁଅଇ ଜ୍ଵାଳା,
ଧରଣୀ ଦେବୀ କି ରୁଷ୍ଠ ହୋଇଛନ୍ତି
ଜଳୁଛି ପର୍ବତ ମାଳା…
ନଦୀ ଠାରୁ ନାଳ ସୁଖିତ ଗଲାଣି
ନାହିଁ ତ ବୁନ୍ଦାଏ ଜଳ,
ଦିବାକର କ୍ରୋଧେ ଫାଟି ତ ପଡ଼ିଛି
ଧରଣୀ ମାଆ ର କୋଳ…
ଅଂଶୁଘାତେ ଲୋକ ହାରିଲେଣି ପ୍ରାଣ
ତଥାପି ନୁହେଁ ଚେତନା,
ବାରମ୍ବାର ବୃକ୍ଷ ଛେଦନ କରନ୍ତି
ପାଆନ୍ତି ବହୁ ଯାତନା…
ଅମ୍ଳଜାନ ସ୍ତର କମୁଅଛି ବୋଲି
ପଡୁଛି ଗାମା କିରଣ,
ବୃକ୍ଷ କୁ ରୋପଣ ନ କରିବେ ଯଦି
ଲଭିବେ ନୀତି ମରଣ…
ନରେନ୍ଦ୍ର କୁମାର ସ୍ବାଇଁ ଙ୍କ ଦ୍ଵାରା ଲିଖିତ
ଗୋଳାବନ୍ଧ, ଗଞ୍ଜାମ।
