Love Forever 17( A Story of Love Birds)

Love Forever( A Story of Love Birds) ...17
Love Forever( A Story of Love Birds) …17
ଆମେ ତିନି ଜଣ ବସି କଥା ହେବାକୁ ଲାଗିଲୁ । କିଛି ସମୟ କଥା ହେବା ପରେ ମନ୍ମଥ କହିଲା ଭାଇ ରାନି ଘରକୁ ଯାଇନ ? ମିହିର କହିଲା ନା ଯାଇନି, ସିଧା ତମ ଘରକୁ ଆସିଲି, ମୋ ବାୟାଣୀ କୁ ପ୍ରଥମେ ଦେଖିବାର ଥିଲା । ମନ୍ମଥ କହିଲା ଭାଇ ତମେ କଥା ହୁଅ, ତମେ ଯେତେବେଳ ଯିବ ମୋତେ ମଧ୍ୟ ଡାକିବ ମୁଁ ମଧ୍ୟ ଯିବି , କହି ସେ ଶୋଇବାକୁ ଚାଲିଗଲା।
ଶଙ୍କର ମଧ୍ୟ ଭାବିଲା ଏମାନଙ୍କୁ ଟିକେ ଏକା ଛାଡ଼ିବାକୁ ହେବ । ସେ ମଧ୍ୟ କହିଲା, ମୁଁ ବାହାରେ ବସିଛି, ତୁ କଥା ହୋଇ ସାରେ । ତାପରେ ସେ ଆସୁଛି କହି ବାହାରକୁ ଚାଲିଗଲା । ଏବେ ଆମେ ଦୁଇ ଜଣ ପୁରା ପୁରୀ ଏକା । ମୁଁ ଏହା ଚାହୁଁଥିଲି ଏବଂ ତାହା ହିଁ ହେଲା । ମିହିର କିଛି କହିବା ପୂର୍ବରୁ ପୁଣି ଥରେ କୁଣ୍ଢେଇ ନେଲି ଏବଂ ମୋ ଆଖି ଲୁହ ରେ ମିହିର ର କାନ୍ଧ ଓଦା ହେବାକୁ ଲାଗିଲା ।
ମିହିର ମୋତେ କହିଲା , ଆରେ ମୁଁ ଫେରି ସାରିଛି ପୁଣି କଣ ପାଇଁ କାନ୍ଦ? ମୁଁ କହିଲି ଏହା ଥିଲା ମୋ ଖୁସିର ଲୁହ ତାକୁ ବହିବାକୁ ଦିଅ । ମିହିର ମଧ୍ୟ ମୋ ପିଠି କୁ ଥାପେଇ କହିଲା କେହି ଆସିଯିବ । ମୁଁ କହିଲି କେହି ଆସିବେ ନାହିଁ । ପ୍ରାୟ ୨ ମିନିଟ୍ ପରେ ମୁଁ ମିହିର କୁ ଛାଡିଲି । ମୁଁ ପଚାରିଲି ଏତେ ଦିନ ପରେ ଆସିଲ । ମୁ ତୁମକୁ କୁଣ୍ଢେଇ ନେଲି କିନ୍ତୁ ତୁମେ ଖୁସି ନୁହଁ । ମିହିର କହିଲା , ମୁଁ ଏହି ଆଲିଙ୍ଗନ ଖୁସି ପାଇବା ପାଇଁ ତ ଆସିଛି ।
ମୁଁ ପୁଣି ପଚାରିଲି ଆଜି ପର୍ଯ୍ୟନ୍ତ କେବଳ ମୁଁ ହିଁ ହଗ୍ କରିଛି କିନ୍ତୁ ତମେ ତମ ପଟୁ କେବେ ମୋତେ ହଗ୍ କରିନ କଣ ପାଇଁ ? ମିହିର କହିଲା, ମୋ ସମୟ ଆସିଲେ ମୁଁ କରିବି, ତମେ ତ ଜାଣିଛ ଆଉ କଣ ତମକୁ ବୁଝେଇବି। ତାପରେ ମୁଁ ମିହିର ର କାନ୍ଧରେ ମୁଣ୍ଡ ରଖି ଶୋଇ କଥା ହେବାକୁ ଲାଗିଲି ।
ବହୁତ୍ ସାରା କଥା ହେବାକୁ ଇଚ୍ଛା ଥିଲା କିନ୍ତୁ ସବୁ ଭୁଲି ଯାଉଥିଲି । କେବଳ ମିହିର କୁ ଚାହିଁ ରହିବାକୁ ଇଚ୍ଛା ହେଉଥିଲା । ମିହିର ପଚାରିଲା ଆଜି କିଛି କହୁନ ଯେ? ମୁଁ କହିଲି କଣ କହିବି ମୁଁ ଖୁସିରେ ସବୁ ଭୁଲି ଯାଉଛି । ଦୁହେଁ ନିଜର ସ୍କୁଲ ରୁ କଲେଜ୍ ସମୟ ର ଅଳ୍ପ ଅଳ୍ପ ମୁହୂର୍ତ୍ତ ବିଷୟରେ କଥା ହେଲୁ । ଦୁହେଁ ବହୁତ୍ ଖୁସି ଥିଲି । ମୁଁ ମିହିର କୁ ତାରିଫ୍ କରି ଚାଲିଥାଏ। ସେ କେବଳ ମୁରୁକି ହସ ଦେଉଥାଏ ।
ମିହିର ପ୍ରତିଶ୍ରୁତି ଦେଇଥିବା ଦିନ ଆଜି ଥିଲା ଯେ ସେ ସଫଳ ମଣିଷ ହୋଇ ମୋ ପରିବାର କୁ ମୋତେ ବିବାହ ପାଇଁ ପ୍ରଶ୍ନ କରିବାକୁ ଆସିଥିଲା ଏବଂ ସେ ଆଜି ସଫଳ ହୋଇ ଯାଇଛି ଏବଂ ମୋ ଅପେକ୍ଷାର ଆଜି ଅନ୍ତ ହେଲା । ମିହିର ପଚାରିଲା କେବେ ବିବାହ କରିବ କୁହ? ମୁଁ କହିଲି ଯେତେ ଶୀଘ୍ର ପାରୁଛ ସେତେ ଶୀଘ୍ର ।
ମିହିର କହିଲା ମୁଁ ମଧ୍ୟ ଆଉ ଅପେକ୍ଷା କରିବା ପାଇଁ ଇଚ୍ଛା ନାହିଁ । ମୁଁ ସକାଳେ ବାପା ସହିତ କଥା ହୋଇଛି ସେ ମଧ୍ୟ ରାଜି ଅଛନ୍ତି । ସେ କହିଲେ କୂଳ ସଭା କରି କିଛି ସ୍ଥିର କରିବେ ଏବଂ ମୁଁ ଛୁଟି ଯିବା ପୂର୍ବରୁ ଏଙ୍ଗେଜମେଣ୍ଟ କରିଦେବା ଏବଂ ଆଉ କିଛି ମାସ ପରେ ବିବାହ କରିଦେବା । ମୁଁ କହିଲି ହଁ ସେମିତି କର ।
ତାପରେ ଆମେ ଦୁହେଁ ଶଙ୍କର ଏବଂ ମନ୍ମଥ ମିଶି ପହଞ୍ଚିଲୁ ମାମୁଁ ଘରେ। ମାମୁଁ ଆମ ଦୁଇ ଜଣଙ୍କୁ ଦେଖି ବହୁତ୍ ଖୁସି ହେଲେ । ରାନି ଭାଇ ଭାଇ କହି ଦଉଡ଼ି ଆସି ମିହିର କୁ କୁଣ୍ଢେଇ ନେଲା । ସତ କହେ ରାନି ଯେତେବେଳେ ମିହିର କୁ ହଗ୍ କରେ ନା? ମୋତେ ବହୁତ୍ ରାଗ ଲାଗେ କିନ୍ତୁ ନିଜ ରାଗ କୁ ଶାନ୍ତ କରିଦିଏ ।
ମାଇଁ ଦେଖି ଖୁସି ହେଲେ । କିଛି ସମୟ କଥା ହେଲା ପରେ ମିହିର ଫେରିଗଲା ନିଜ ଘରକୁ । ପୂର୍ବ ଭଳି ଆମର ପ୍ରତିଦିନ ଦେଖା ହେଉଥାଏ । ମିହିର ର ବାପା କୁଳ ସଭା ରେ ବାହା ଘର କଥା କହିଲା ପରେ ସଭା ରେ ଉପସ୍ଥିତ ଥିବା ସମାଜ ଲୋକ ରାଜି ହେଲେ ନାହିଁ କିନ୍ତୁ ପରେ ଗ୍ରାମ ର କିଛି ବୁଦ୍ଧିଜୀବି ଙ୍କ କହିବା ପରେ ଏହି ବାହାଘର ପାଇଁ ଅନୁମତି ଦିଆ ଗଲା।
ଆମ ଗାଁ ରେ ମଧ୍ୟ ସେମିତି, କିଛି ଫାଇନ ନାହିଁ । କେବଳ କୁଳ ସଭା ରେ ବସି ସମସ୍ତ ବୁଦ୍ଧିଜୀବୀ ମାନେ ଉଚିତ୍ ସ୍ଥିର କରି ଆମ ବାହାଘର କୁ ଅନୁମତି ଦେଲେ । ଆଉ ୪ ଦିନ ପରେ ମୋର ଏଙ୍ଗେଜମେଣ୍ଟ ହେବାର ଥିଲା । ଅନ୍ୟ ଏକ ସମସ୍ୟା ଆମ ଜୀବନରେ ଆସିଗଲା ।
ଗୋଟିଏ ଝିଅ ଆସି ପହଞ୍ଚିଥିଲା, ମିହିର ର ଘରେ । ତାହା ଓଡ଼ିଶା ର ନୁହଁ ହିନ୍ଦୀ ଭାଷୀ ସେ ହେଉଛନ୍ତି ହରିୟାଣା ର ପରିବାର । ସେ ଝିଅ ର ନଜର ମୋ ମିହିର ଉପରେ । ସେ ମିହିର କୁ ବିବାହ କରିବ ବୋଲି କହୁଥିଲା । ସେ ଝିଅ ଥିଲା ମିହିର ର ଅଫିସର ଙ୍କ ଝିଅ । ସେ ଝିଅ ମିହିର କୁ ଟ୍ରେନିଂ ସମୟରେ ବହୁତ୍ ଥର ଦେଖିଛି ।
ବେଳେବେଳେ ଅଫିସର ଙ୍କ ଘରେ କିଛି ପ୍ରୋଗ୍ରାମ ହେଲେ ମିହିର ଏବଂ ଅନ୍ୟ ସାଙ୍ଗ ମାନଙ୍କ ସହିତ ସେଠୀ ସାହାଯ୍ୟ କରିବାକୁ ପଠା ଯାଉଥିଲା । କିଛି ଦିନ ପରେ ସେ ଝିଅ ମିହିର କୁ ବାରମ୍ବାର ଦେଖି ଏକ ତରଫା ଭଲ ପାଇ ବସିଥିଲା।
ଏମିତି ଦିନେ ସେ ଅଫିସର ଘରେ କିଛି ପ୍ରୋଗ୍ରାମ ସମୟରେ ମିହିର ଯାଇଥିଲା । ସେ ସମୟରେ ସେ ଝିଅ ମିହିର ପାଖକୁ ଆସି ବସି କଥା ହେବାକୁ ଇଚ୍ଛା କରିଥିଲା କିନ୍ତୁ ମିହିର ସେ ଝିଅ କୁ ଅଣଦେଖା କରି ନିଜ କାମରେ ଲାଗି ପଡ଼ିଲା। ଏମିତି ବହୁତ୍ ଥର ସେ ଝିଅ ମିହିର ସହିତ କଥା ହେବାକୁ ଚେଷ୍ଟା କରିଥିଲା ।
ଦିନେ କିଛି ଅଘଟଣ ଘଟିଗଲା । ସେଦିନ କିଛି କାର୍ଯ୍ୟକ୍ରମ ଯୋଗୁ ମିହିର ଏବଂ ସାଙ୍ଗ ମାନେ ସାହାଯ୍ୟ ପାଇଁ ସେଠୀ ଯାଇଥାନ୍ତି । ସେ ଝିଅ ମିହିର ସହିତ କଥା ହେବା ପାଇଁ ମିହିର ପଛେ ପଛେ ଲାଗିଥାଏ କିନ୍ତୁ ମିହିର ଜାଣିଶୁଣି କଥା ହେଉ ନଥାଏ ।
ମିହିର ତା ଅଫିସର୍ କୁ କହିଲା କି ସାହେବ୍ ଆପଣଙ୍କ ଝିଅ ମୋ ସହିତ କଥା ହେବାକୁ ଚାହୁଁଛନ୍ତି କିନ୍ତୁ କ୍ଷମା କରିବେ ମୁଁ ଆପଣଙ୍କ ଝିଅ ସହିତ କଥା ହେବାକୁ ଚାହୁଁ ନାହିଁ । ସେ ଅଫିସର୍ କିଛି ନଜାଣି ନ ଶୁଣି ମିହିର କୁ ଦୋଷ ଦେଇ କହିଲେ । ମୋ ଝିଅ ବହୁତ୍ ଭଲ , ତମେ ସବୁ ଗାଉଁଳି ଲୋକ, ଏଠି ଚାକିରି ପାଇବା ପରେ ଅଫିସର୍ ର ଝିଅ କୁ ଫସେଇ ତା ସହିତ ବିବାହ ପାଇଁ ଯୋଜନା କରୁଛ ଏବଂ ଦାମୀ ଘର ଲାଳସା ରେ ମୋ ଝିଅ ଉପରେ ଖରାପ ନଜର ରଖିଛ।
ଏମିତି ବହୁତ୍ କଥା କହି ମିହିର କୁ ଅପମାନ କରି ସେଠୁ ବାହାର କରିଦେଲା ଏବଂ ଚାକିରି ରୁ ବହିଷ୍କାର ପାଇଁ ମିହିର ନାମରେ ଅଭିଯୋଗ କରିବ ବୋଲି ମିହିର କୁ ଧମକ ଦେଲା। ମିହିର ର ଭୁଲ ନଥାଇ ମଧ୍ୟ ଚାକିରି ବହିଷ୍କାର ଧମକ ମିହିର କୁ ଭୟଭୀତ କରିଦେଲା । ମିହିର ସେ ଅଫିସର୍ କୁ ଭୁଲ ମାଗିଲା ଏବଂ ସେ ବେରେକ୍ କୁ ଆସିଗଲା । ଖାଲି ସେତିକି ନୁହେଁ ଏହି ଘଟଣା ର କିଛି ଦିନ ପରେ ସେ ଝିଅ ମିହିର ରହୁଥିବା ବେରେକ୍ କୁ ଅଫିସର ସହିତ ବୁଲିବାକୁ ଆସିଗଲା।
Part-18 ରେ ପଢ଼ିବେ : (ସେ କହୁଛି ଯଦି ମିହିର କୁ ପାଇବ ନାହିଁ ତେବେ ସେ ଆତ୍ମହତ୍ୟା କରିବ ।

ମିହିର ପଚାରିଲା, ଏଥିରେ ମୁଁ କଣ କରିବି । ସେ ଅଫିସର୍ କହିଲା ମୁଁ ନିରୁପାୟ ହୋଇ ଗଲିଣି ।)

ଏହି କାହାଣୀ ର ଆଗାମୀ ଭାଗ ଗୁଡ଼ିକ ପ୍ରତ୍ୟେକ ଦିନ ସକାଳ ୭ ଟା ସମୟରେ ପବ୍ଲିଶ ହେବ ।
Bhuyans Blog

ଉପର ଲିଙ୍କ୍ କୁ ନିଜ ମୋବାଇଲ ରେ ସେଭ କରି ରଖନ୍ତୁ ଏବଂ ଆପଣଙ୍କ ସମୟ ଅନୁସାରେ କାହାଣୀ ପଢନ୍ତୁ।
ଯଦି ଆପଣ ନିଜ ଗଳ୍ପ କିମ୍ବା କବିତା କୁ ଏମିତି ଅନଲାଇନ ରେ ସେୟାର କରିବାକୁ ଚାହୁଁଛନ୍ତି ତେବେ ତଳେ ଦିଆ ଯାଇଥିବା Whatsapp ଲିଙ୍କ୍ ରେ ନିଜ Article ପଠେଇ ପାରିବେ ।
Click Here and send your Article (Whatsapp Link)

ଏହି ଗଳ୍ପ କୁ ଅନ୍ୟ ମାନଙ୍କୁ ସେୟାର କରିବାକୁ ଚାହୁଁଛନ୍ତି ତେବେ Page ତଳକୁ Scroll କରନ୍ତୁ ଏବଂ Whatsapp Button ଉପରେ କ୍ଲିକ କରି ସେୟାର କରନ୍ତୁ ।
ଅନ୍ୟ କାହାଣୀ ପଢ଼ିବା ପାଇଁ ତଳେ ଦିଆ ଯାଇଥିବା Telegram Channel ର ଲିଙ୍କ୍ କୁ କ୍ଲିକ୍ କରି ଜଏନ କରନ୍ତୁ ।
Telegram Link

ପାଠକ ବନ୍ଧୁ କାହାଣୀ କୁ ପଢିବାରେ ସମୟ ଦେଇଥିବାରୁ ଆପଣକୁ ବହୁତ୍ ବହୁତ୍ ଧନ୍ୟବାଦ୍ ।

If you like this story so share to your friends, Thanking You.

2 thoughts on “Love Forever 17( A Story of Love Birds)”

Put your Valuable feedback